نسمة قفصية
مرحبا بكم في موقع قفصة فيه كل تاريخ قفصة

حكايتي مع .. الكنام

صفحة 2 من اصل 2 الصفحة السابقة  1, 2

اذهب الى الأسفل

default حكايتي مع .. الكنام

مُساهمة من طرف foued في الخميس 9 أبريل - 0:38

تذكير بمساهمة فاتح الموضوع :

ايا برا قلنا السلام عليكم :

ليا برشة ما خرفتش .. قلت خليني نخرفلكم شويا و نحكيلكم شنوا صارلي اليوم مع الكنام (الصندوق الوطني للتأمين على المرض) ..

عندي الوالدة تعبت شويا المدة الاخيرة و مانكذبش عليكم ظهري تعرى من المصاريف بين التصاور و التحاليل و الطبة السبيسياليست .. ربي يشفيها على كل حال ..
عاد قلت هيا خلت خلت كيما قال لمين النهدي في فردة و لقت اختها .. قلت خليني نقيدها معايا في كرني الكنام فماش ما يرجعولي حتى شويا فليسات ملي صرفتو بما اني من الاول اخترت منظومة استرجاع المصاريف .. ولو اني مقتنع تماما انهم ما يرجعولي الفليسات كان بعد مانمرض بالسكر و الاعصاب و غلظ الدم جراء الاجرائات الادارية اللي باش نهرج فيها فيما بعد في جرة هالفليسات ..
باش نوصيكم حاجة قبل مانكمل نصيحة لوجه الله : اللي قدر عليه ربي و جا باش يعمل منظومة استرجاع المصاريف انا نقلو سيب عليك و يخلف ربي .. خاطر مايرجعولك شويا (موش الكل بطبيعة الحال) من الفليسات كان ماتمرض عافانا و عافاكم الله بواحد من الثلاثة امراض : يا السكر ، يا الاعصاب ، يا غلظ الدم ربي ان شاء الله يلطف بينا و بيكم .. نتيجة الاخلاص و التفاني في العمل داخل الادارات التونسية اللي باش نحكيهولكم من مبعد ..
برا يا سيدي عملت على ربي و خذيت نهير كونجي باش نتفرغ تماما للكنام .. و قصدت ربي ..
اول حاجة الماكينة اللي تعطي التيكيات اللي فيهم نوامر مكسرة .. ستنو اسع خليني نفهمكم حكاية هالنوامر .. ماهو تبارك الله كل شيء ولا يمشي منظم .. اييييه يا حسرة على ايامات الفوضى و ندزك و دزني ... مشاو على رواحهم هاذوكم .. توا كل شيء ولى informatisé و منظم .. تاخذ نومرو و تستنى الدور متاعك .. برجولية زايد مع النظام و ربي يخلينا النظام ..
عاد قلتلكم نلقى الماكينة اللي تعطي النوامر مكسرة .. اما باش مايعطلوش المواطنين هانم حطو واحد محترم بحذا الماكينة هو اللي يمدلك نومرو كيف تدخل .. اسع نلقى صف طويل عريض باش تهز نومرو .. برا وسعت بالي و انا ماهو بالي واسع خلقي من عند ربي و ضربت نص ساعة شاد الصف باش نهز نومرو باش نشد بيه الصف مرة اخرى باش نمشي للشباك اللي باش يقضيلي اموري ..
تسمعو بيها : تشد الصف باش تشد الصف ههههه انا جرالي هكاكة .. شديت الصف باش نهز نومرو باش نشد بيه مرة اخرى الصف .. !!
المرة هاذي الصف موش كيف الصف الاول .. هذا منظم عليه تشد بلاصتك و تستنى الجماعة اللي قبلك اللي هوما في الحالة متاعي انا 35 واحد تبارك الله ..
برا كيف العادة ضربت ساعة ونص و انا نستنى في دوري .. في الاخر الموظف اللي في الشباك الحق قام معايا بالواجب و اكثر ربي يبارك فيه .. قتلو راني باش نزيد معايا الوالدة في الكرني .. قالي .. لا عاد موش هنا تزيدها .. اطلع الدروج و اول بيرو على ايدك اليمين .. طلعت فرحان عاد انا و قلت صايي سلكت .. انا مازلت طالع في الدرجة الثالثة و نلقى الصف ماشاء الله واصل للدروج و قدامي 20 واحد .. و البيرو فيه كان مرا وحدة هي اللي تخدم في الخدمة الكل ربي يكون في عونها .. مع العلم انو البيرو فيه 3 مكاتب معناها نورمالمون يبدو فيه 3 موظفين موش وحدة بركة تخدم حوكي و حرايري ..
ايا سلمت امري لربي و قعدت نستنى مع الاوخيان اللي قبلي اللي ليهم ساعة و اكثر و هوما يستنو ..
ستنيت درجين بالحساب و جا نص النهار و نص .. خرجت للا الموظفة الكريمة و قالت توا نص النهار و نص .. وقيت الفطور .. اللي مازالو يرجعو ماضي الساعتين !! و سكرت الباب بالمفتاح و خرجت !! انا الحمد لله قاري شويا قانون متاع الوظيفة العمومية بحكم خدمتي فيها .. اما جامي كان قريت اللي وقت الراحة يبدا من نص النهار و نص في الادارات العمومية !! خاطر هو نورمالمون يبدا من الماضي ساعة للثلاثة .. بون مانظلمش المرا بالكش منقحة فيه القانون حسب ما يساعدها هيا !! الحاصيلو الجماعة كل واحد خزر لصاحبو و تمتمو بشويا كلام و بعض العبارات اللطيفة على تفانيها في العمل و خاصة احترامها للتوقيت الاداري .. و خرجو .
مشيت عملت سندويتش في الاميرة بعد ما قلبي سخف من الجوع من شدان الصف متاع الصف و مبعد عملت دورة في شامبيون و كملت عملت كاس تاي في كاليبسو هضمت بيه الساندويتش مع بعض السجائر المضروبة من نوع عيد الاستقلال ..
جات ماضي الساعتين .. هزيت روحي و رجعت للكنام ..
اااه المرة هاذي خوكم فهم اللعبة .. و ماعادش باش يحصل في شدان الصف متاع الصف كيما الصباح..
المرة هاذي طلعت طول للدروج .. و يا ليتني ما طلعت و يا فرحة ما تمت ..
الصف نلقاه الدوبل متاع الي كان الصباح .. اما المشكل اللي الست الموظفة لتوا ماجاتش .. بالكش تكمل في قازوزة ولا كاس تاي تهضم بيهم بعد عناء يوم طويل و شاق من العمل ..
الحاصيلو من ماضي الساعتين .. ضربتها للاربعة و نص باش جا دوري .. دخلت للست الموظفة و حكيتلها البيعة .. الحق يكثر خيرها تواضعت و سمعتني ووسعت بالها معايا و في الاخر قاتلي : كمل جيبلي مضمون و تصريح على الدخل و شهادة عدم انخراط في cnss و شهادة عدم انخراط في cnrps و كمشة اوراق اوخرين ... و هيا نريقلك امورك ..
بعد ما عديت نهار كامل وانا شاد الصف متاع الصف نزيد نرجع نعمل نهار اوخر كيما هكا !!!
قلتلها تعرفش كيفاش بنية عمي : يخلف ربي في الفليسات و في التعب و شدان الصف متاع الصف و ربي ان شاء الله يعوضني عليهم و السماااااااااااااح كان مازلت نعفس هنا ..
هاني لتوا خوكم طالعلي الدم و السخانة 200 و نحس في روحي بكلي نغلي ..
خليني نمشي نعمل وحيدة فشفاشة efferalgan فماش ما تهفت عليا شويا السخانة ..

ايا ليلتكم زينة

*-*-*-*-*-*-*-*-*-*-*-*-*-*-*-*الكلمة الطيبة كشجرة طيبة*-*-*-*-*-*-*-*-*-*-*-*-*-*-*-*

foued
foued
 مشرف

عدد المساهمات : 8064
العمر : 41
المكان : Lagos .. nigeria
نقاط تحت التجربة : 9597
تاريخ التسجيل : 07/11/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل


default رد: حكايتي مع .. الكنام

مُساهمة من طرف moslema في الثلاثاء 14 أبريل - 19:59

السلام عليكم

أ*1 ربي يشفلك الوالدة يا خويا

* 2 أنا أكبر متضررة من

cnam ومننسوش cnss قولولي علاش
يا سيدي اسمعوا هلخرافة ومتفدوش مني حبيت نعمل كرني كيف الناس الكل واختكم
ماهيش موالفة بلادارات عاد شد عندك أول مرة مشيت ضيفة منعرف شي cnss أول مرة ندخللها توة قريب نولي نخدم فيها
يا سيدي بن سيدي نمشي نهز demande من عند cnss ،حضرت أوراقي وكل شي في العنبر منقص شي
رجعت مرة أخرى بش نعطيهم ماكتب من ربي من لاوراق وانا فرحانة قلت أول مرة ندخل إدارة وكل شي ماشي ياخي :idea: .... يصدمني الموظف يقول إنت مازلت تقرا برى يلزمك تجيب توصيل متع 5000 قلت مفمة حتى مشكل البوسطة قريبة نعمل تنقيزة نصبلهم لفليسات ونرجع مانيش بش نكسرلكم ريوسكم بحكاية الانتظار والصبر هذا وحدو لازمو جريدة حاصل رجعتلهم مرة أخرى تعرفوا اش قالي قال مهوش لازم عليك توصيل راك تقرا قتلوا ياخي مش إنت إلي قتلي جيب توصيل قال لا راك غالطة هذا لكل عادي يعني.....
و كل وين نمشي l cnss
يزيدوني ورقة ولا ينقصو.....إلخ
برى يا سيدي وفا العام وكي اعطوني الأوك وقالولي امشي cnam هز كرنيك
شدو رواحكم مشيت لل cnam و من موال أرجع غدوة ومازال محضرش وكيف محكالكم فؤاد مانيش بش نزيد عليه هاك الانتظار وما ادراك ماالانتظار 👽 ...
خلوني ساكتة 🐱
وصلت لدوري قال الموظف المحترم إنت مازلت تقرا معندكش ألحق في كارني drunken
إلي غايضني مش التعب ولا على خاطر معطونيش الكرني المحنون إلي غايضني علاش ماتكلموش من الاول كيف قدمت demande!!!!!!
إلي يعرف الجواب بالاهي يقول؟؟؟
عقدوني من كلمة تقرا :lol!: ههههه
moslema
moslema
 

عدد المساهمات : 1047
العمر : 28
نقاط تحت التجربة : 8871
تاريخ التسجيل : 17/03/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

default رد: حكايتي مع .. الكنام

مُساهمة من طرف foued في الثلاثاء 14 أبريل - 22:55

انا توا عاد ماني تربيت و وليت كي باش نمشي لاي بلاصة فيها صف نهز معايا كابوسان و دبوزة ماء ونكمل نهز غدايا فرد مرة خاطر الحكاية ولت باينة باش يخلط عليك وقت الغداء وانت مازلت شاد الصف .. الواحد يموتش بالجوع في جرة هالصف المحنون ..

*-*-*-*-*-*-*-*-*-*-*-*-*-*-*-*الكلمة الطيبة كشجرة طيبة*-*-*-*-*-*-*-*-*-*-*-*-*-*-*-*

foued
foued
 مشرف

عدد المساهمات : 8064
العمر : 41
المكان : Lagos .. nigeria
نقاط تحت التجربة : 9597
تاريخ التسجيل : 07/11/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

default رد: حكايتي مع .. الكنام

مُساهمة من طرف soujoud في الأربعاء 15 أبريل - 11:08

foued كتب:
3ajej كتب:
صندوق التأمين عن المرض
و كان انت جيت فاهم اللعبة من الاول..
و اتصلت بالاخت سجود ..
راهي امورك اتقضت ..
و راك روحت لاباس عليك فرحان تطنطن

هكة يا فؤاد انت يتطبق عليك مثل ماتوصي يتيم على النواح
يارسول الله انقلك ماتنشرش الحكاية باش الصف مايتحولش قدام المكتبة
انت هاز معاك بوق وتصيح امشوا الى سجود
امالة الشماتة فيك ماش باش نقضيلك حتى قضية
وحضر دزة باهية باش تصرف على السكر والدم والفدة...
soujoud
soujoud
 
 

عدد المساهمات : 1769
العمر : 42
المكان : حي النور
نقاط تحت التجربة : 8909
تاريخ التسجيل : 07/12/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

default رد: حكايتي مع .. الكنام

مُساهمة من طرف foued في الأربعاء 15 أبريل - 23:09

soujoud كتب:هكة يا فؤاد انت يتطبق عليك مثل ماتوصي يتيم على النواح
يارسول الله انقلك ماتنشرش الحكاية باش الصف مايتحولش قدام المكتبة
انت هاز معاك بوق وتصيح امشوا الى سجود
امالة الشماتة فيك ماش باش نقضيلك حتى قضية
وحضر دزة باهية باش تصرف على السكر والدم والفدة...
اخت سجود راهو عندك اجر عند ربي..
و زيد عليها اشهار مجاني للمكتبة :lol!: ..
و تنجم زادا تستغل الموقف و دوري الدولاب..
شويا فريكاسي على دبيبزات ماء على شويا لاموناضة ..
باش الجماعة اللي شادين الصف ما يقلقوش و يلقو ما ياكلو و ما يبردو خاصة و نحن على ابواب الصيف و من غير ما نحكيلك على الصف كيفاش باش يولي..
وانا واحد من الناس مستعد نستثمر معاك و نساهم ببعض الاسهم و التمويل الذاتي زادا و ندورو الدولاب جميع ..
ايا اشنوا رايك ؟؟

*-*-*-*-*-*-*-*-*-*-*-*-*-*-*-*الكلمة الطيبة كشجرة طيبة*-*-*-*-*-*-*-*-*-*-*-*-*-*-*-*

foued
foued
 مشرف

عدد المساهمات : 8064
العمر : 41
المكان : Lagos .. nigeria
نقاط تحت التجربة : 9597
تاريخ التسجيل : 07/11/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

default رد: حكايتي مع .. الكنام

مُساهمة من طرف soujoud في الخميس 16 أبريل - 14:09

foued كتب:
soujoud كتب:
...
اخت سجود راهو عندك اجر عند ربي..
و زيد عليها اشهار مجاني للمكتبة :lol!: ..
و تنجم زادا تستغل الموقف و دوري الدولاب..
شويا فريكاسي على دبيبزات ماء على شويا لاموناضة ..
باش الجماعة اللي شادين الصف ما يقلقوش و يلقو ما ياكلو و ما يبردو خاصة و نحن على ابواب الصيف و من غير ما نحكيلك على الصف كيفاش باش يولي..
وانا واحد من الناس مستعد نستثمر معاك و نساهم ببعض الاسهم و التمويل الذاتي زادا و ندورو الدولاب جميع ..
ايا اشنوا رايك ؟؟

يا فؤاد احنا كيف زدنا شوية دخان وشوية برفان ولينا في حل واربط مع الملاك فمابالك لو كان انزيدو فريكاسي والماءالا ما يشمعولنا المكتبة
دبر على روحك اخوي 😕
soujoud
soujoud
 
 

عدد المساهمات : 1769
العمر : 42
المكان : حي النور
نقاط تحت التجربة : 8909
تاريخ التسجيل : 07/12/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

صفحة 2 من اصل 2 الصفحة السابقة  1, 2

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى