رجولة مفقودة أمام حب ضائع

من طرف **3ajej** السبت 4 أكتوبر - 12:05

و أنا أتابع في برنامج المسامح كريم لقناة حنبعل حقيقة أذهلت لما شاهدت و للمرّة الثانية يتحفنا معد البرنامج بمواطن وقع في مشكلة غرامية
في حلقة سابقة تتذكرون عندما إستضاف ذلك الأستاذ الذي كان من المفروض ان يتزوج إحدى تلميذاته وقصة رفضها ورفض أهلها
وتعنته في مواصلة توسلاته وإهانة أهله بطريقة مخجلة بتعلّة الحب ولم يكفه ذلك بل أطل علينا في التلفزة ليحكي أمام العموم فضيحته بل وكان يتغزل بها ويقول شعرا و نحبها نحبها وبكاء أمام العموم.... والفضيحة أقصد الإهانة الصارخة خاصة لأهله لأنه كشخص يستاهل ...بالله ينجم يوصل الحب لقبول إهانة عائلتي من أجل فتاة رفضتني رفضا قطعيا و أهانتني مع أهلها سامحوني أتسمونها رجولية هاذي شخصيا أعتبر شخص كهذا هو و الرجولية ما يتقابلوش وهل تقبل فتاة شخص كهذا بدون شخصية ويقبل إهانة أهله
الطقطوقة الثاني تمّ التعرض له ليلة البارحة في نفس البرنامج وتقريبا نفس القصة مرفوض و جاء يتوسل في برنامج المسامح كريم
أما قداش ثمة عباد لا تستحي و أمام العموم على شاشة التلفزة أطل علينا ليمدح حبيبته ويبكي ويترجى الصفح منها
طرحت الموضوع بعد تكرار القصة مرتين في التلفزة وأمام العموم وكنت أتابع وأكاد أقفز لأمسك برقبة هؤلاء المتخنثين ولعل أمثالهم كثيرون
والغريب أن المستضيفين من أصل بدوي ألهذه الدرجة البدوي كركوز وبدرون شخصية ليعرض مشكلة شخصية لا أقولها حتى لأقرب أصدقائي
أمام العموم عائلته أصحابه أقرباءه ... ليعلمهم أنه أسير الحب أسيرة إمرأة أهانتهة وأهانت عائلته
إذا كان الزواج باش يوصلني نعمل هكة والله شخصيا نخير نبقى عازب أبد الآبدين وأنا فخور بما هداني الله

شكرا لك عزيزي وللاسف هذا الانحطاط الاخلاقي إذا أصبح يذاع كما ذكرت فعلى الدنيا السلام
آما هو ما يجي كان ديوث وسامحوني في العبارة لاني لا اتمالك نفسي امام هكذا تصرفات
drunken

امثال هؤلاء الذين يريدون ان تشيع الفاحشة بين المؤمنين فيُرفَعُ الحياء و يسقط الخجل حتى يصير المخنثون من امثال هؤلاء رمزا للجراة في طرح المواضيع

اي جراة هذه التي تفضح اسرار البيوت

و العجب العجاب ان يطل علينا كل مرة وجه اقبح من اخيه ليسرد اسرارا جمعته بانثى

الهذه الدرجة صارت الرجولة سلعة غالية في هذا الزمان
الهذه الدرجة صار عفاف المراة و طهرها بضاعة نادرة

ارسل لي صديق حلقة من هذا البرنامج ظهرت فيه فتاة قد جلبها الحب و بدات تسرد قصتها مع حبيبها الذي تركها و العجب انها ذكرت ان قدومها كان بدون علم اهلها

ثم ظهر الحبيب لتبدا العبارات التي يستحي ان يرددها كل ذي خلق امام العامة من احبك و لا استطيع ان اعيش من دونك

انا كمتفرج والله استحيت و قمت بتمرير المقطع

لصالح من يتم عرض هذا???

و لكن اقول هذه المظاهر لا تغدو ان تكون نتيجة لفقدان هوية و تداخل مبادئ و قيم

اللهم ردنا الى دينك مردا جميلا

لا خيرَ في وجهٍ بغيرِ ماءِ * كفاكَ غياً قلة الحياءِ
واجتنبِ السخفَ وكن رزيناً * فالسخفُ لا ينتجُ إِلا الهوانا
إِذا لقيتَ الناسَ بالبذاءِ * فلا تلومنهم على الجفاءِ

وعن أي رجولة تتحدثون وعن أي حب ؟؟؟
ماذا ترجون ممن ترك دينه إلا ترك شرفه وعرضه وشهامته و...؟؟؟
وقولوا: الحمد لله الذي عافانا مما ابتلى به غيرنا.

العيب على سي علاء منتج البرنامج محقوش يستظيف هالانواع باش انجح برنامجو

من طرف **MELODY** السبت 4 أكتوبر - 14:41

تفرجت فيه البرنامج البارح وتفرجت زادة في الحلقة اللي جاء فيها هاك الاستاذ اللي حب ياخذ تلميذتو واستدعاها للبرنامج ومالبتش الدعوة كلموها في التليفون قالتهالو بالحرف الواحد :انا نحب راجل
ملا بخصة
هذا الكل فرحان بروحو مشالها راكب فوق حصان ولابس لبسة متاع فارس

وحتى بخلاف القصص الغرامية متاعهم حتى اللي جايين يطرحوا في مشاكلهم باللهي راهو عيب يحكوا في اسرارهم للعموم حاجات ماتتحكاش بصراحة
الواحد مايلقى مايعمل يضحك على روحو اللي يسوى واللي مايسواش 10 مليون تونسي يتفرجوا فيه ويحكو بيه
والاخيب منها الكل زيد ياكل بخصة ويروح قدام الناس الكل كيف مايحبش الطرف الاخر يسامحو والا مايلبش دعوتو جملة
علاه يحطوا في رواحهم في مواقف بايخة كيف هكة؟؟
حشومتها اكبر منها
هاو سحر هو خيانة هاي ورثة هاو درى شنوة اسرار عائلية
ربي يجبر بالعقل والدين