فاجعة الرديف

الله يرحمهم ويوسع عليهم
والله الفاجعة كبيرة جدا
الله يحسن عون الأهالي في الرديف
شكرا علئ كل جديد يا فؤاد .

ربي يرحمهم والله كأنهم اهلي
وحاس فيهم وفي معاناتهم
نسأل الله العلي القدير
ان يلهمهم الصبر

اللهم غير الحال الي حال
انك عفوا كريم تحب العفو فعفوا عنا
وانت ارحم الراحمين

الرديّف ... تجدد العهد ... و "تبرز" مرّة اخرى ارتباطها و ارتباط مصير اهاليها ... و تؤكّد تعلّقهم الغير مشروط و تشبّثهم الدائم ...
موش بالنّعم (كسائر المناطق) ، و ليس بالأعياد و الافراح (الدائمة) ، و لا بجودة الحياة و لا بمعدلات التنمية و النمو و تصنيفات دافوس و تقييمات الخبراء و احصاءات الهيئات العالمية و جداول ترتيب الدول و البلدان..
قدر اهالي الرديّف غير قدر بقية المناطق ... رغم انتمائهم لنفس الأرض و نفس الراية ...و حملهم نفس بطاقات الهوية ... انتمائهم ارتبط بطريقة حتمية ... بالكوارث و المصائب و الفواجع و خيام اللاجئين ... و الاحزان و البكاء اما ابواب المستشفيات، قبل تسلّم جثامين الضحايا الابرياء.

نفس سيناريو ربيع 2008 تكرر في خريف 2009...
نفس التفاصيل ... نفس الاشخاص ... نفس الابطال ... مع تغيّر الادوار و الفصول
اعوان الداخلية و الجيش الوطني اللي قمعوا مظاهرات 2008 بالحديد و النار ، استبدلوا الماطراك و البنادق و قاذفات القنابل المسيلة للدموع بوسائل الانقاذ و النجدة. نفس سيارات الباقة و ناقلات الجنود ، اللي كانت تنقل المعتقلين ، تحوّلت لعبارات تنقل المواطنين عبر الطرقات المحطمة جراء السيول و الوديان. و مبعد يقلك في تونس سبعة عن ارسال قوات من الداخلية و الجيش لاغاثة المنكوبين ...
و من وقتاش خرجت القوات هذية من الرديّف ؟؟
ما يكفيش انّو الاهالي دفعوا ثمن مطالبتهم بأبسط حقوقهم ، دفعوه من دمهم و دم اولادهم ... ما يكفيش الاهمال و اللامبالاة .. ما يكفيش انو اولاد المعتقلين يعدّيو عام من الحزن و الخصاصة و الاهمال ، و في الوقت اللي يحتفل فيه سائر الناس بشهر رمضان و بالعيد ، يعانيو باش يزورو اباءهم في سجون الولايات الاخرى. و في الوقت اللي رجعت فيه التلامذة للمكاتب و الطلبة للجامعات ، يعاني اهالي المساجين باش يوفّرو الحد الادنى للبقاء...

هذا الكل ما يكفيش باش يتعاود السيناريو و تتجدد المأساة.
بربي شنوة ذنب الارملة المسكينة و ابناءها (الايتام) الثلاثة اللي طاحت عليهم دار في حي يسمّى بالـ "ملاجئ " او حي العمال .
شنوة ذنب الضحايا العشرين ؟؟؟ شنوة عندهم عملوا ؟؟ فاش قصّروا زعمة ؟؟ زعمة قصروا في حق البلاد ؟؟ ما دفعوش الشهداء في ثورة الاستقلال ؟؟ ما خدموش في اعماق المناجم المظلمة ؟؟ ما دفعوش الضرائب ؟؟ زعمة بخلوا باش يعطيو من عرقهم و من صحتهم و صحة اولادهم باش يخرّجوا الفسفاط ؟؟
الفسفاط اللي عندو 50 سنة يتصدّر و يتصنّع و يتحوّل في مصانع التحويل و مصانع التخطيط و مراكز صنع القرار ...يتحوّل لنزل و مطارات و طرقات سيارة و مرافق بعيدة على اهالي الرديّف ... مرافق يتحمّلوا طواعية التنقل اليها و التمتع بخدماتها دون تذمر ...هوما يعتبرو المرافق هذيكة مكاسب للبلاد موش لمناطق بعينها كيما كانو يظنّوا انو الفسفاط هو مكسب وطني و ثروة من ثروات البلاد، للجميع الحق في التمتع بعوائدها ...

ذنب الضحايا انهم يسكنو في احياء اقرب منها للقصديرية ، اشباه منازل ، هياكل متداعية ، آيلة للسقوط ، قاعدة تستنى في أوّل هبة ريح و اول كميات متاع امطار الخريف ... منازل تتسببّ و تتعلل باش تطيح و تتسوّى بالأرض. مادام ما فماش شكون تفكرها بالصيانة ... مادام مافماش شكون حاول يجددها و ينقل سكان الـ "ملاجئ" لملاجئ اقوى و افضل.

كارثة 2009 ماهياش كارثة متاع تقصير من وزارة البيئة و التجهيز و ديوان التطهير، ماهياش كارثة ناتجة على قصور في توقّع كميات الامطار الفصلية اللي فاجات الجميع ... كارثة 2009 هي كارثة متاع فقر ، تراكم متاع عشريات متتالية من الفقر ، و انحدار حادّ لمستوى المعيشة متاع مناطق كاملة من وطننا .

ولاية المهدية نزلت فيها 200 مليمتر و كذلك ولاية صفاقس و بعض مناطق ولاية المنستير ، وهي كميات تتجاوز الـكميات المسجلة في الرديّف . و رغم ذلك -والحمد لله - ما تسجلتش حوادث انهيار منازل و سقوط الاسقف على المتساكنين تحتها. نحمد ربي لأنو سكان المناطق المذكورة يسكنو في مساكن و احياء موش في ملاجئ. و الا لكانت الكارثة متضاعفة.
البارح في تونس 7 ، في الاعلام عن انقطاع المرور بين مختلف المناطق ، يقلك اللي (الطريق بين صفاقس و المهدية مقطوعة على مستوى الكيلومتر ............ و يمكن المرور عبر الطريق السيّارة)
في حين انو في الاعلام الخاص بالطرقات الرابطة بين الرديف و توزر و قفصة و القصرين ، كانت فمة صيغة وحدة:
( انقطاع الطريق الرابطة بين الرديف و توزر على مستوى ...... و المرور غير ممكن)

فشتان بين اللي وقت اللي تغرق الكياس يلقى أوتوروت و بين اللي عندو جرد "بيست" عندها سنوات منسية و في اول مطر يلقى روحو معزول عن العالم.







منقـــــــــــول

شكرا اخي فؤاد..
ولكن ليس بوسعنا غير قول ..الحمد لله على كل حال..

لا حول و لا قوة الا بالله [ندعوك للتسجيل في المنتدى أو التعريف بنفسك لمعاينة هذه الصورة] و الله شيء محزن ان شاء الله يعملولهم حل في اقرب فرصة و ما ينسوهمش ربي معاهم

لاه عليك يا فؤاد والله اتجمرت عليهم الله ايصبرهم ويرحم الموتى يا رب
[ندعوك للتسجيل في المنتدى أو التعريف بنفسك لمعاينة هذه الصورة]

الله يرحمهم

[ندعوك للتسجيل في المنتدى أو التعريف بنفسك لمعاينة هذه الصورة]

لا اله الا الله محمد رسول الله محمد رسول الله
قل لن يصيبنا الا ماكتب الله لنا

بالله تعرفوش وقتاش وصلت الحماية للرديف بعد 48 ساغة عمليات الانقاد والمساعدة كيف كيف بعد 48 ساعة ولولا المد التضامني لاهالي امالعرائس الدين جعلوا الطريق الرابط نين الرديف وام العرائس جسرا ومثالا يحتدى به للتضامن فكانوا كل حسب امكانياته او اكثر وهدا واجب فلم يبخلوا بقطرة ماء ولا بالمؤنة فكانت المخابز في خدمة الاهل بالرديفوكانت وساءل نقلهم في خدمة اهالينا في الرديف وكل هدا واجب ولكن الكارثة كانت اعظم كانت تتطلب تدخل اكبر وانجع فالمساعدات التي دهبت الى موريطانيا نحن احوج لها وكان لزاما على الدين وزعوا الاعانات بالرديف ان يتحولوا الى منازل المنكوبين الدين لازالوا لم سيتفيقوا من هول الفاجعة لا ان يوزعوا المساعدات في السوق على البعض الدين لم يتضرروا فهل تعتقدون ان منفقد اكثر من عزيز سيقف في الطابور للحصول على اعانة وهل تعتقدون ان الماء الدي عاد بعد بعد غياب طويل لازال صالحا للشراب ويخلوا من الامراض الم يقع مطالبة المسؤلين في السابق بحماية الرديف من الفياضنات حسبي الله ونعم الكيل

anna lellah wa enna elaih raji3oun

الله غالب خوي نسيم ..
عمرنا ما نتعلمو النظام ..ديما ما توصل المساعدات كان بعد ما تفقد معناها..
اما في المشاكل ..تلقاهم قبل ما يفكر الواحد في المشكلة اصلا مسلسلينو..الله غالب وبرا..

الله أكبر يا الرديف الله أكبر

[ندعوك للتسجيل في المنتدى أو التعريف بنفسك لمعاينة هذه الصورة]
انا للله و انا اليه راجعون
الهي يرحم جميع موتانا و يرزق اخواننا الصبر و السلوان
ولا حول ولا قوة الابالله

rabbi yr7emhom jami3an