باي باي يا سويسرا

من طرف **Iheb** الإثنين 9 يونيو - 9:30

أنا واحد كيما الشباب الكل نحبو نخرجو للخارج كيما الناس الكل و أكثرية الشباب ما ينجمش يخرج بطرق شرعية يولي فمة حل الحرقة
أنا واحد من ناس مانيش متاع حرقة و بيتان في الشارع على الكرادين و نهار نأكل و أسبوع لا
و زيد برى راني دبرت خدمة أكيد العرف راهو يعرفني sans papiers يولي يركب على محراث و شوف نخلص شوف لا
و زيد يلزمني نعرس بعزوزة باش تريقلي أوراقي
زيد الهربة مل الحاكم و وووووووو.............
السماح مل هرجة
الحل الأنسب هو نتعرف على قاورية تأخذيني
والتعارف يا يكون في موسم السياحة هنا في تونس و إلا .............. أف .........التشات
أنا إخترت التشات وخطفتلي مع وحدة سويسرية صحيح أكبر مني بعامين أما بالنسبة ليا سلكتها هاهاهاها
برى بدأت القصة
و لينا اصحاب نعرفو برشة على بعضنا و لا في sms و ماسنجر وكام و الأنترنات ماكلة بعضها
و لينا معجبين ببعضنا و لت تقولي أش خص راك بحذايا تو في سويسرا
و إيهاب عاد شايخ و يتعلم في لغة الأخ هتلر على خاطر هي من سويسرا الألمانية
لين جا النهار اللي قالتي i love you
woooooooooooooooooooooooooooooooooooooooooooooow
ملا أنا هذا
ولى الماسنجر حبيبي وليت ماعداش نخرج مل الدار
هيا تعدوش 3 شهور ولى سي إيهاب يحضر في روحو عاد
باش صاحبتو تجي تأخذو و تهزو معاها يشيخ بالشكلاطة
و ال swatch
هيا قلتي راني جاية لتونس في جويلية
برا عاد إيهاب ولي ينش في أصحابه بجريدة ملا عاد صاحبتو جاية
و ليت نحكليها على تونس و على قفصة وأش نعملو في كل حاجة
قالتلي باش نجي لتونس ملا و نقعد فيها للأبد
أه أشنوة !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
يزي مل الفذلكة قالتلي والله كيما نحكليك
و أشكون يصرف عليك
قالتلي يصرفو علينا داركم حتان تخدم انت و أنا تو نحل حانوت ولا حاجة
أه باهي ربي يسهل أنا نطلب دينار باش نشري دخان نبدا نحكي والعرق مغرقني ووجهي يمشي ألوان
أول حاجة بعد conversation
blocki العزا قالته نجي نسكن بحذاك
هذاك اللي مازال الواحد كان ناوي يفصع و لى يربط في روحه بموثق
هيا الأولاد الله يسهلكم و ماتنساوش تبعدو على اللي حابة تجي باش تقعد
مازال البحث مستمر
لوووووووووووووول
ihebovic

من طرف **hajer** الإثنين 9 يونيو - 12:10

ياسر تحفونه يا ايهاب رد بالك تمشيش تغلط مره اخرى سيب اعليك من الفكره خوذ بنت عمك احسنلك
وبلادك حتى ولو .....

إيهاب خويا راهو اللي كاتبله ربي في حاجة تصيرله اللهم هو واحد مكيكس كيفي أنا
أنا والناس الكل تعرفني منحبش التشات أما بصراحة جت فترة تغرمت بيه منعرفش كيفاش
ياخي بديت هذي يمين وهذي يسار لين أك البواطة زعمة إطرشقت وين نحل الmsn نلقى الناس تكتب وتعبر وأنا منيش معدل ياخا شوف ربي قداش يحبه وهوا يكره روحه
إنت هاي خطفتلك مع سويسرية أما خوك خطفتله مالبلايص الكل تقول عليهم دارين علينا إميزرين هنا الحصيلو فما طفلة بصراحة باهية وحتى الزين سمحة وحبت تهزني بحذاها أما المشكلة جت في لاخرة جت في أستراليا في بلاصة إسمها ملبورن وبصراحة خممت برشا وزيد أستراليا مزالت فارغة ويفتشوا على لعباد باش يمشوالها ويعيشوا فاها يا خويا رجعت لعقلي أش لزني نمشي ونتغرب وأنا عايش لباس عليا في بلادي بالرغم ماللي قاعد صاير الكل أما الواحد يحمد ربي على كل شي أما الحق بنت الناس ظهرت خير مني ولتو تجري في جرتي وحتى دارهم ورتهالي بقوقل إرث وبعثتلي تصاوير عيلتهم (ناس لاباس عليهم) فماش منبدل رايي وكان نحب نخرج عندي شكون في أوروبا يجروا باش يخرجوني اليوم قبل غدوة أما يا خويا منخرجش من تونس أي أنا إنسان فقري نموت كان على بلادي وكيما يقولو "الكلب يحب كان خانقه" حتى أنا نحب كان تونس
ونقلك حاجة أخرى راهي من هذي برك اللي حبت تخرجني كلموني مالخليج ومن أماريكيا ومن السويد تي الحصيلو لواحد مزال صغير كي يكبر تو ربي يعمل دليل وكان كاتبه هالخرجة مستقبلا تو نخرج

وسامحوني كان طولت عليكم