قفصة و المرتبة الرابعة و العشرون

أوردت جردة الحدث في عددها الأخير
9 الى 15 جويلة 2008 الصفحة الرابعة
ترتيبا لولايات الجمهورية حسب نسبة نجاح ابنائها في امتحان الباكالوريا
و قد فازت قفصة بقصب السبق في هذا الترتيب
حيث تحصلت على نصيب الأسد
من الخيبة
و جاء ترتبها 24 من مجموع 24 ولاية
ما سر هذا التميز ؟
ما كل هذا الذكاء و الدهاء و الفطنة
الذي مكننا من الإنفراد بالمرتبة 24 دون غيرنا
من الولايات الشمالية و الجنوبية و الوسطية
و الساحلية و الداخلية و الحدودية .....
و الكثيرة السكان و القليلة السكان
و المحضوضة جغرافيا و اقتصاديا
و غير المحضوضة.....
أنه سر لا يعرفه إلا بنو جلدتي
سر يتوارثونه أبا عن جد
.....................
فهل من المكن على الأقل
أن نفتح على هذه الصفحة حوارا هادئا
حول الأسباب التي أدت بنا الى ما نحن عليه
أتمنى عليكم أن يكون حوارنا هادا و موضوعيا
فلا يمن ان نلقي بكامل اللائمة على الظروف أو على غيرنا
-------------------------------------
و في ما يلي ترتيب الولايات حسب نسبة النجاح في التعليم العمومي
1- صفاقس
2- المستير
3- سوسة
4- المهدية
5- تونس
6- نابل
7- اريانة
8- مدنين
9- بن عروس
10- توزر
11- بنزرت
12- سليانة
13- قابس
14- منوبة
15- تطاوين
16- زغوان
17- باجة
18- الكاف
19- سيديبوزيد
20- القيروان
21- القصرين
22- جندوبة
23- قبلي
24- قفصة

foued كتب:

hayfa كتب:
و قد فازت قفصة بقصب السبق في هذا الترتيب
حيث تحصلت على نصيب الأسد
من الخيبة
و جاء ترتبها 24 من مجموع 24 ولاية

قفصة ترتيبها 22 و تجي بعدها القصرين و قبلي

لن أدخل معك في مهاترات
و لقد قلت من البداية الرجا حوارا رصينا
ولكن أنظر عدد جريدة الحدث
ليم الاربعاء من 9 الى 15 جويلية 2008
الصفحة الرابعة
العمود الأسفل على اليمين
و سترى أنك في حاجة الى شباحات عمك اسماعيل
اللهم إذا اصدرت جردة الحدث عددا خاصا بك
لا يتوفر عليه بقية التونسيين
و شكرا

soujoud كتب:شكرا فؤاد رفعتلنا من مورالنا شوية ومنعنا من المرتبة الاخيرة
انا نتصور ان اغلبية التلامذة الكل نجحوا اي واحد وعنده قريبه في الباك يقلي راهو النجح...
حتى انا انشك في هذه الاحصائيات

و أنا معاك يا سوجود
و حتى عدد الناجحين زاد ارتفع
ظاهرلي عملوا دورة ثالثة و حنا ما فيبالناش بيها
donc c'est sur
الإحصائات هاذومة غالطين

;) قفصة رتبتها 22 في الدورة الرئيسة للباكالوريا لكن في نسبة النجاح عامة اي الدورة الرئيسية والمراقبو معا تاتي قفصة بالفعل في الرتبة الاخيرة حسب صحيفة الحدث كما اوردت الاخت هيفاء... مشرف جدا.. والاسباب يطول شرحها ولا يمكن تحديدها.. فالحين كان في النقمة عالصفاقسية علاخاطرهم خدامة في كل بقعة مالجمهورية.. صفاقس ديما الاولى في نسبة الناجحين وطنيا. وكل عام فاهاعلى الاقل تلميذ اول على المستوى الوطني كان مش اكثر. زعمة اشنوة الفرق.. الزوز تابعين دولة وحدة ونظام واحد.. شئ محير جدا

الاحصائيات صحاح100 في الميا

شكرا أخ أدونيس على التوضيح

المعذرة أخ فؤاد
لكنك أنت من سبق
و الكل لا يخرح عن إطار المزح بين الأصدقاء
فأنا أرعف قدراتك و كفائاتك و عبرت لك عن ذلك في مناسبات سابقة
دمت لنا و للمنتدى

يالنسبة ليا التزمت عدم ابداء رأي دون وجود اطار للحوار والنقاش والتزام البعض بآداب وآليات الحوار الهادئ والديمقراطي وكذلك دون ان تكف الادارة عن سياسة الحذف
شكرا للجميع

كلامكم صحيح ابسط مثال باكالوريا اعلامية في معهد الحسين بوزيان ثم زوز اقسام فيهم 61 تلميد نجحوا 11من الدورة الرئيسية و 10 من دورة المراقبة و 40 بش يعاودوا العام
باكلوريا تقنية زوز اقسام نجحوا منهم 10
حالة غير عادية

ولكننا نحن المسؤولون عنها
التلامذة تلامذتنا
و الأولياء منا و الينا
و الأساتذة ولاد البلاد ما جابوهمناش من جزر القمور
يخلصوا كيف اساتذة تونس الكل
التجهيزات و المواد التعليمية كيما في العلوية و الا نهج روسيا
كيما في معهد حسين بو زيان
ساعات التدريس كيف كيف
الدروس الخصوصية كيف كيف
و حتى الظروف الافتصادية و الإجتماعية تنجم تكون حافز على القراية
المشكلة فينا بالدرجة الأولى

و حتى الاساتدة

soujoud كتب:يا ولادي انا مستغربة في حومتي في حي الشباب فمة 22 تلميذ نجحوا الكل فمة كان 2 دوبلوا وعندي 3بنات خالاتي نجحوا ولد عمي انجح ..زعمة معارفي كل قرايين ؟؟؟مشيت حتى المظيلة قالولي اغلبية التلامذة نحجت..كيفاش اخر مرتبة؟

kan enti 9rabek nej7ou w gafsa el martba lakhra ma3naha sfax el kol nej7ou mathama 7ad doubl

ويمكن السبب متاع تراجع ولاية قفصة لا يكمن في التلميذ فقط بل كذلك في الاستاذ
مثلا في صفاقس الاستاذ ما يهلكش الصفاقسي بالعكس يعانوا
اما في قفصة الاستاذ يعمل صاحب المبادىء العالية ...............
للدرجة هذاي الصفاقسية ولا تلاميذ تونس قراية مستحيل...........

نحن وضعنا ايدينا على موضع الخلل تماما لن نلقي اللوم على الظروف الاجتماعية ولن نلعب دور الضحية فهذه اللعبة صارت بالية
و لننطلق من التلميذ المعني بالامر هذا الذي تعمق لديه الاحساس بكونه ضحية و انغلقت افقه و صار يلقي باللوم على الظروف و على هذا و ذاك الخ...
هذه الروح الانهزامية التي يتحلى بها شباب اليوم ما هو مصدرها و من اين اكتسبها.
لن نتكلم عن تهميش البرامج التعليمية و لا عن غياب الاطار و التاطير فهذا يتنزل في خانة
" المشكلة الوطنية"
كما ذكر piratos
ان انعدام الاحساس بالمسؤلية و الغياب التام لروح المبادرة والرؤيا السطحية لمشاكلنا لن تزيد الا في تعميق الازمة التي تهدد حاضرنا و مستقبلنا
الشباب هو وحده القادر على حل مشاكله وليس بالاعتماد على اي جهة او طرف و لسنا على استعداد لنخسر المزيد
فقد مللنا معاملتنا كالدمى و لن ننتظر ان تاتي الينا الحلول من فوق
لننطلق من انفسنا و لنؤمن بقدرة الشباب