نكتة على الطاير

البارح ساهر في القهوة مع جماعة اصحابي كيف كل ليلة .. عاد معانا وليد مسكين تجاوزتو الاعلامية الحديثة خاطر حدو حد ms dos هاذاكا اكثر حاجة قراها ولا قراوهالو في ليسي منين كانت مادة الاعلامية تختارها كوم اوبتيون .. الحاصيلو لا يفهم في الشات ولا فايسبوك و لا كامفروغ و لا حتى شيء من هالمصطلحات الحديثة المستعملة في الاعلامية ..
عاد صحيبنا هذا يسمع فينا كل ليلة نفس الحكايات : الفايسبوك و ال م س ن و الشات والكونكسيون و الانترنات .. عاد نفح مسكين حتى هو و زاد عليها عواشير هاليامات قال نبقاش كان انا بلاش حاسوب خاصة و انا الدولة قاعدة تشجع و تبذل في مجهودات جبارة باش تخرجنا من الهوة الرقمية الي طحنا فيها و نلتحقو حتى حنا بمصاف الدول المتقدمة في ميدان المعلوماتية تحت شعار"فايسبوك لكل مواطن" عاد صحيبنا هذا يذكرو بالخير سأل سؤال على نيتو و قال : "زعمة كيف نشري حاسوب جديد يعطوني معاه الفايسبوك ؟؟؟" ..

فكرني اقبل منين كانت التلفزة فال اسود وابيض

ولد حومتنا معندهمش تلفزة كل مرة يتفرج في دار
من الجيران ياخي كيف يتفرج معانا اقول راهي تلفزتكم احسن من لخرين اتجيب كان في البرامج الباهية

مساكن موش نرمال
الحضارة ياسر تسرع ههههههههههههههههه

el facebook walla faceommek