اليويتوب يا جماعة

يقال انها تعمل بالبرنامج التالي
................
و الله اعلم

شوف يا ابو حيدر الحكاية ساهلة ياسر
امشي معايا وحدة وحدة
اعمل كيفي آنا
كيف ناقع في مشكلة وما نلقالهاش حل
وما يبداش بحذاي واحد يفهم في الكمبيوتر

وانلوّج على حل وانحوص وانبوص
على فكرة آش معناها انحوص وانبوص
أيّ برّة انواصلوا
ايّ عاد قتلك كيف ما نلق حتى حلّ نسأل روحي زعمة آنا محتاج برشة لمعرفة ها الحكاية أما لا
طبعا كاني آنا محتاجها يلزمني نعرف الحل وكان آنا مانيش محتاجها نخلّيها ونتعدّ لغيرها
أي انقولو مثال اللي آنا محتاجها
ساعتها الحل ساهل ياسر
كان في ايدي حاجة شاغلتني انكمّلها كيف ما آنا تو نفطر في فطور الصباح ونكتب
موش باهي على خاطر الفأرة فيها جراثيم وكيف نحط حاجة في فمّي تنتقل الي الجراثيم
أحسن حاجة يكمّل الواحد فطورو وبعدين ما هيش مشكل كان يقدم خدمة لاوخيانو كيفي آنا تو انعاون فيك باش تخرج من ها المأزق
إمّالا الرجال اتبان عند الشدة والمومن للمومن رحمة ماهوش باهي
الواحد يعود يعرف حاجة وخوه محتاجلها وهو يخبّيها عليه ياخي مازال في المدرسة بعقل طفل اصغير
يخبي على صاحبو في الطّاولة
بصراحة أناعندي طبع أحسد عليه انحب انعاون النّاس على قد ما نقدر وما نخليش في جهدي
آما كيف نبدأ ما نجمش علاش تلومني
بيني وبينك أخي ابو حيدر سؤالك ما فهمتوش ياخي آش اتحب بالضبط
تكلّم وما تحشمش رانا اوخيّان
وتفضّل في كل وقت ما تفهمش حاجة ابعثلي
وأنا مستعد انعاون خويا
هي الساع آش معناها اليوتيب
تبداش غالط أنت في الكلمة اتزيد اتصعّب علينا المسهلة ياخي انتولهوانصحّحولك في السّؤال والا انلوجولك على الجواب خويا موش مشكل تحرجنا بأسئلتك نحن لبعضنا آما ثبت في سؤالك وكان هي حكاية تابعة الكوزينة يا راجل خلّي الحكايات هذه للنساء آش دخلنا فيها وكان هي سياسة بربي آش تعمل بيها أما كان هي تابعة الدواء عندي ليك طبيب أعشاب ضربة ضربة تقريب هكّة مانيش مثبت كان مازالت ضربة أخرى والا آكاهو على كل حال كان ما نفعكش هو نععرف واحد وجعاتو معدتو عمل طريف قشور رمّان قال اللي هو اتحسن وعندك زادة زرّيعة الحرمل راهي ما هيش خايبة
انت قلّي آشنوّ مرضك عندي أصحابي برشة مجربين برشة دوايات وما نعطيك كان اللي مجرب
ما تخافش راو الواحد يتحدث على بشر ما هوش يتحدث على حمار خديجة
أي تبقاو بخير انشاء الله فهمت يا ابو حيدر الحل

جزاك الله خيرا ابانا...

Mon YouTube fonctionne normalement et sans aucun blème

saif_1612 كتب:Mon YouTube fonctionne normalement et sans aucun
blème

cmment .SVP

abouhayder كتب:cmment .SVP

Ce n'est pas un secret, mais; la méthode que j'utilise peut dans 95% des cas endommager votre disque dur. Alors, je doit ne pas vous dire comment

C UNE FARCE ALORS .....