منبر حول اللائكية

MELODY كتب:
أهم أعراض مرض العلمانية في تونس: حالة تشنج عصبى عند سماع كلمة "إسلام" او ما يرتبط بها

MELODY كتب:
أهم أعراض مرض العلمانية في تونس: حالة تشنج عصبى عند سماع كلمة "إسلام" او ما يرتبط بها

جابر كتب:التونسيون جميعا مجمعون على ان تونس دولة لغتها العربية و دينها الاسلام و الجمهورية نظامها

و المزايدات زايدة
و تلهية للشعب على مسائل اهم

omayma كتب:

جابر كتب:التونسيون جميعا مجمعون على ان تونس دولة لغتها العربية و دينها الاسلام و الجمهورية نظامها

و المزايدات زايدة
و تلهية للشعب على مسائل اهم

[ندعوك للتسجيل في المنتدى أو التعريف بنفسك لمعاينة هذه الصورة]

dhaher nasser كتب:بلاد 99% من سكانها عندهم دين واحد الي هو الإسلام (بغض النظر نصليو و نقوموا بالفرائض ولا لا) و يحكيو فيها على لاييكية

و مظاهرات بش يغيروا الدستور و ينحيوا منو كلمة "تونس دولة مسلمة"؟ تقول الي مفماش مشاكل في تونس كان في الكلمة هذيكا؟؟! تقول الي هلكوا البلاد بالرشوة و الزطلة و السرقة عملوا العمايل هذيكا خاطر تونس دولة مسلمة !! و هذا بالله وقتو؟؟ حتى كان فما كعبتين شواذ مقلقتهم كلمة إسلام .... ما ينجموش يصبروا حتى تهدا الأمور في البلاد و ترجع تقف على ساقيها ومنبعد نحكيو على فصل الدين عن الدولة أكثر ملي هوما ديجا مفصولين على بعضهم منذ أكثر من 150 سنة



هذا خر طر مايد إن تونيزيا



و إلا بالكشي فاتتني الي نهارة الي يولي دستورنا "لاييك" المعامل و الاختراعات و الدوفيز بش يهبطوا علينا مالسماء في البلاد وحدهم وحدهم بإعجاز من سيدي بولاييك ؟



بالكشي نهارة الي تتنحى كلمة إسلام مل دستور الناس تولي ماتدزش بعضها في الكيران و ما تحوفش بعضها و ما يسبوش بعضهم كل ما يسمعوا رأي مختلف ؟



زعما الإسلام هو المشكل و سيدي بولاييك هو الحل السحري لكل هموم الدولة ؟؟



مانظنش بصراحة



البلدان الأخرى الي يتبعوا فيهم و متعنكشينلهم في سراولهم كيما فرنسا و انجلترا و أمريكيا مثلا مختلفين كليا على تونس .. واقعهم الجغرافي و التاريخي و الديمغرافي و الثقافي و الحضاري و الي تحب عليه موش كيفنا .. تنجمشي تركب سنة بهيم في فم عبد و تكون النتيجة باهية و إيجابية ؟؟



البلدان هاذوكم مثلا عدد سكانهم ما يتقارنش بتونس و السكان الي فيهم عندهم ديانات مختلفة من مسيحية إلى يهودية إلى بوذية إلى بقرية



USA 307M, France 63M, UK 62M, etc..



و النسب متع الديانات المختلفة هذي متقاربة شيئا من بعضها في البلدان الي نتلوصقوا فيهم بش ما تقليش أهوكة عندنا تعددية دينية في تونس زادة بما انو فما 0,0000001% يهود و 0,0000000000001% مسيح



مسمار جحا



تي حتى مل لغات هوما يتكلموا لغات مختلفة

تلقاهم في بلاد وحدة يتكلموا خمسة لغات



هوما ماعندهمش حل آخر غير اللايكية مكره أخاك لا بطل . هكاكا ينقصوا مل هرج و مل مشاكل العقائدية و من شبيه المجموعة هذيكة خير منا و هلم جرا أش بش يسلكهالهم كان يقولوا موش لاييك



على كل حال و الدليل على كلامي هو انو الناس الي في المناصب الحكومية متاعهم الكل ناس مسيحيين بقلب و رب و يمنوا موش بسيدنا عيسى بركة لكن بالحروب الصليبية زادة و دولة كيما فرنسا مثلا ولا انجلترا حاولوا و مازالوا يحاولوا بش يدخلوا الدين المسيحي حتى بالقوة لدول العالم الثالث ... كيفنا احنا مثلا



ياخي لايكين في بلدانهم و يصرفوا في بليارات اليورووات بش يردوا الأفارقة مسيحيين بالسيف؟؟؟؟



فيقوا يا ولاد و بنات بلادي .. فيقوا قبل ما يفوت الفوت