نحب نعرس تو تو

من طرف **NIZAR** السبت 29 مارس - 23:31

يا وخياني راني حاب نعرس تو تو
لذى كل طفلة ولا بنية حابة ولا مهياش حابة تعرس تقدم مطلب وتو ننظروا فالمطالب متعكم وإلي فيه الخير ربي يقدمه
هيا قبل ما تطير النفحة

يا جماعة هذي طلعة القرن 21 في تونس الشباب الكل كلبوا على العرس ماهوا لاباس
تلقاه ولد 12 و13 سنة يحب ويتمعشق وهوا من تركينة لتركينة أشنهي أشنهي الحب عاطي مفعوله

قلنا باهي صغير ومازال يحل في عينيه على الدنيا

نمشوا لما أكبر منه أك جماعة 16 و17 سنة أك اللي يقلك بدا يعمل في عقل
تلقاه شاد بنت الناس ويحكي معاها وظالك عاطي ماعنده للطولة فماش ما ينطر منها حتى بوسة

وتو نجو لأك الشرّاف جماعة الfaculté وiset وpreparatoire هذوكم ما قال حد لحد
ظالك شطر مخه يكمبص على الطالعة والنازلة ويحسب تقول عنده شركات وراه
والشطر لوخر يخمم في مستقبله وفالعرس وقتاش ومنين تيجيب لفلوس لحق الدار
والكرهبة والجهاز والقراية يجيبها ربي....

هذا حال الشباب التونسي منعرفش علاش تدهور لهالدرجة لكن ظاهرلي ولا صعيب
برشا باش إنحوها هالصنعة الكلبة وما زاد على همهم كان البطالة
تو بربي يجي واحد هاز أستاذية في الرياضيات وقاعد بطال لين مشا حل حانوت
متع informatique وإلى حل حانوت روبافيكا والمعلم متع بني ...etc

والله شي يحشم بربي قولولي الواحد مبعد 10 سنين مازال عنده gout باش يعرس
أنا ما ضاهرلي

من طرف **numerique** السبت 29 مارس - 23:37

يا نزار
اتحب اتعرس عرس لا من شادك
اما رد بالك تندم
راهي نفحه واتزول وزيد تبدو تبنو في قصور ...واحلام ....وحب لا لا بعد لا قبل
وتلفونات
تينزيانه اعقبات الليل اتوتوت
واتمسج واتشاتي
وماكش داري
متتسرعش مازال بكري

من طرف **zidiz** السبت 29 مارس - 23:51

موضوع يستحق النقاش

من طرف **NIZAR** السبت 29 مارس - 23:54

zidiz كتب:
موضوع يستحق النقاش

هي هيا أعطينا رايك ولا حاشم منا

من طرف **amira** الأحد 30 مارس - 0:04

يا سيدي تحب تعرس عرس على روحك و مبروك بالمسبق اما تمشيش مباعد تقول نحب نطلق توتو albino

من طرف **dutch** الأحد 30 مارس - 0:24

اعز ما تعمل يا نزار الواحد تعدى بيه الوقت بين القراية و الخدمة و موش فايق بروحة :lol!:

من طرف **سيف** الأحد 30 مارس - 5:19

شكرا نزار على طرحك لمثل هذه المواضيع الحساسة فالبفعل تفشت هذه الظاهرة بين الشباب وهذا سبب من اسباب تراجعنا الى الخلف فالشاب اليوم من عمر 11 يقلك انا نحب وتلقاه وقته الكل قاعد يكتب في رسائل الحب ويختمها بي حب+حب+=دب
واما شباب 16و17 واللي هوما يمثلوا رهان المستقبل تلقاه ولا تلقاها تتمعشق لكن الحب في هذه الفترة نزوة عابرة تنتج عن اضطرابات سن المراهقة لكنها حكاية فارغة ويلزم شبابنا اليوم يكون واعي بقضايا الحاضر ومتطلبات المستقبل لانو وقتنا صعب واحنا في عصر العولمة وضغطها الكبير اللي يفرض علينا تظافر الجهود من اجل الرقي
نحب نقول الى كل الشباب يلزم الواحد يخمم في مستقبله وفي حياته قبل الحب والعرس ولانو كيف ما يقولوا
"في الصيف في الصالة وفي الشتاء في قصر العدالة"
"تفوت ايام الحرقوس وتجي ايام الدبوس"

سيف كتب:شكرا نزار على طرحك لمثل هذه المواضيع الحساسة فالبفعل تفشت هذه الظاهرة بين الشباب وهذا سبب من اسباب تراجعنا الى الخلف فالشاب اليوم من عمر 11 يقلك انا نحب وتلقاه وقته الكل قاعد يكتب في رسائل الحب ويختمها بي حب+حب+=دب
واما شباب 16و17 واللي هوما يمثلوا رهان المستقبل تلقاه ولا تلقاها تتمعشق لكن الحب في هذه الفترة نزوة عابرة تنتج عن اضطرابات سن المراهقة لكنها حكاية فارغة ويلزم شبابنا اليوم يكون واعي بقضايا الحاضر ومتطلبات المستقبل لانو وقتنا صعب واحنا في عصر العولمة وضغطها الكبير اللي يفرض علينا تظافر الجهود من اجل الرقي
نحب نقول الى كل الشباب يلزم الواحد يخمم في مستقبله وفي حياته قبل الحب والعرس ولانو كيف ما يقولوا
"في الصيف في الصالة وفي الشتاء في قصر العدالة"
"تفوت ايام الحرقوس وتجي ايام الدبوس"

كم أنت عظيم يا ابن قفصة
حقيقة مداخلة ممتازة أخ سيف واللّه المنتدى هكذا مواضيع ومداخلات يحقّقق الاصلاح
بالفعل ،نحن أبناء قفصة قادرين على الاصلاح
على العموم شكرا للاخ الّذي تطرّق للموضوع وكلّ من ساهم في وضع ردود ممتازة تنزع نحو وعي المثقّف بمنطقتنا قفصة الغاليّة
rabbit