استاذي تجاوز الخطوط الحمراء

melody كتب:العنف اللفظي والبدني لم يكن يوما حقا مشروعا للأستاذ فهو يولد نتائج سلبية في السلوك تعليمياً واجتماعياً وتربوياً .
بل يجب عليه الاصغاء والاستماع الى التلاميذ ومراعاة شعورهم واحاسيسهم وخاصة التلاميذ الذين لديهم مشاكل.
وربي يهدي جميع الاساتذة اللي موش عارفين قيمة الرسالة اللي قاعدين يقوموا بيها
واللي
موش عارفين اللي ممكن تصرفاتهم هذي تدفع بالتلميد الى الجنوح والعنف
والتدخين والسلوكيات الأخرى كالأكتئاب والقلق والإضراب عن الأكل والنوم
والشعور بالخجل والذنب إضافة الى ضعف الانجاز المدرسي

ريان كتب:صدقني قال عبارة متاع شارع الواحد يحشم باش يقولها والراجل الحق ميقولش هاك العبارات السوقية
واليوم منعرفش كيفاش امسكت لساني
لكن كل واحد يعمل حاجة يدفع حسابها
لانو الاستاذ لا يسامح التلميذ

لا ويجي اي واحد ويقلك احترم استاذك
انا لحد الان ما فهمت شنو يعلموا فينا بالضبط التربية ولا قلة التربية

melody كتب:شنوة عندك ماتعمل ياريان اذا كان هو مستواه ضحل جدا
انت ماتبعوش وماتهبطش مستواك لمستواه
واذاكان هو خسر احترام تلامذتو وطيح قدرو انت ماتخسرش نظرة الادارة ليك وخلي دوسيك نظيف.

soufiene كتب:هذا نتاج لعقد نفسية و مشاكل شخصية و قلة وعي و علم
انا ساعات نتسائل وحدي الاستاذ اشنوا مستواه العلمي في تونس
مثلا استاذ الاعلامية هذا اشنوا يعرف من عالم الاعلامية...انا اناكدلك يعرف كان حوايج عامة

و نصيحتي يا ريان تقدموا فيه شكوة جماعية للمندوبية الجهوية و كان تعملوا قليب تقدموا بيه قضية في المركز بش يكون عبرة لامثالوا

soufiene كتب:و اقولها صراحة كفانا سلبية و تباكي
اللي يغلط انلزموه حدودوا كان من كان
احنا ما وصلنا الى هالدرجة من الهوان الا بسبب عقلية سيب عليك خليها على ربي
صحيح و نعمة بالله لكن الله لا يرضى الظلم و لا يرضى ان يتجرا عليه هؤلاء الاوغاد و نسكت
انا اؤكد لو سب هذا الاستاذ ام احد من الحاضرين لقامت الدنيا و ما قعدت و لكن عندما يسب الله نسكت
اهذه مكانة الله في قلوبنا????

واليوم منعرفش كيفاش امسكت لساني
لكن كل واحد يعمل حاجة يدفع حسابها
لانو الاستاذ لا يسامح التلميذ

المسألة موش مسألة مستوى دراسي
بل هي مسألة مستوى تربوي

soufiene كتب:
لكن من اسباب تجرا هذا السيد هو غروره بمنصبه الذي ظن انه من خلاله يستطيع اختراق حدود ما كان ليخترقها لو كان في مكان اخر

NIZAR كتب:أنا ماهي الناس الكل تعرفني ما نحكي كان الصراحة والواقع
يا ريان الأستاذ كان عاودها قولوله ماكش متربي وضم فمك

أنا وقعتلي قداش من مرة وكنت كل مرة نعديها بضحكة أما كل حاجة لاها حدود مرة وقعتلي الحكاية هذي مع أستاذ technique يكفر ويسب ويضرب فالتلامذ وموش معدل على الوضع تقول قاعد في كوري عاد نهار جا يدور على التمارين وأنا خوك حلبة فالتكنيك كيف الناس الكل ولمن خادم واللي يتعدى عليه يضربه والبنات يطيح فاها مالكراسي وهوا يسب وينعل عاد كي وصل للطفل اللي بحذايا عرفه موش خادم شد ضرب كرسيه بمشطة جابه مفروش في الأرض ومبعد دارلي ليا أنا وهوا جا باش يعمل فصيل وأنا وقفتله وقتله "ريض راك راجل كبير" ياخا معجبتاشي الفازة والناس الكل بدت تضحك عليه بدا يتجلطم والحق متع ربي أنا مسكتلاشي وحرشت معاه اللغة وقتله كلام موش باهي وهوا تحل فالطويل ويرجع وكي هددته بالعريضة والإدارة الجهوية ولى يسلك فاها ومادارش بيا من وقتها لأخر العام أما التلامذة الأخرين عبث بيهم
هذا مثال على عقلية كاملة من الأساتذة "موش الكل أما موجودين"

ووين ينحط هوا ننحطوا معاه لين يفيق على روحه راهوا يهز في شهرية موش يقري بالمزية

وعلى حكاية الدين وربي يا سي سفيان من غير متحاول أول من يتسب في تونس هوا ربي على خاطر التوانسة الكل لا دين لا ملة لذى تحب تدين إدين أما أنا نقلك لمن تيتبعك وكلام المنتدى تيقعد فالمنتدى
وشكرا...