ياكريم يا متاع الله

من طرف **MELODY** الأربعاء 21 مايو - 14:27

لا حظت انو فمة ظاهرة منتشرة برشة ومازالت تنتشر نهار بعد نهار في الشارع اللي هي ظاهرة المتسولين نساء ولا رجال!!
ساعات تلقى راجل في كامل قواه البدنية والعقلية يمد في ايدو للناس

شئ يحشم في عوض ما يمشي يفتش على خدمة تلقاه تحت الحيط!!
زادة تلقى نساء ماشين جايين في الشارع حاطين اولادهم فوق ظهورهم ويساسوا في العباد
وهاك الطفل اللي فوق ظهرها شوف ولدها ولا لا عاد، ساعات تبدى متسلفاتو بش تصخف بيه قلوب الناس ويحنوا عليها ويعطوها..
المتسولين هذومة الفلوس اللي يطلبوا فيها فمة شكون عمل منها كرهبة ودار وفمة شكون تسمع بيه مات ولقوا تحت فرشو ثروة عظيمة...
معنتها التسول عندهم ولى خدمة!!
زعمة حسب رايكم علاش انتشرت ظاهرة التسول عنا في تونس؟؟
زعمة هذا الكل في جرة البطالة؟
ياخي التونسي ماعادش تهمو قيمتو وكرامتو لدرجة انو يمد ايدو للناس في الشارع؟؟
شنوة رايكم في هالظاهرة؟؟

3andek 7a9 hadhi dhahra kbira barcha ya melody moch fi tounes akahow fi barcha boldan o5ra wmenha 7atta elmet9adma 3la 5ater ettasawel ma3adech 7addou 7ad hak erajel walla lemra walla loulayed elli tal9ah fe metro walla fi car walla fe chare3 wy9ollek krim mta3 allah
nooooooon le7kaya wallet akber men hakka baarcha 3la 5ater wallet famma 3isabat twaza3 fe halmetsawlin tjibhom karahba t7ot koll wa7ed fe zone mta3ou
en plus leblad wallet m9asma lmanate9 koll 3isaba 3endha zone mayelzemech tfoutha
et kan njou 3ad bech ne7kou 3la esbab elli 5alli hannes hadhouma te5dem fe hal3isabat a taw nod5lou fi mawdhou3 a5er akber .........
elfa9r, ettacherrod w3endah asbab o5ra........... :idea:

من طرف **souna** الأربعاء 21 مايو - 16:00

تعرفوها مليح القاعدة اللي تقول "السؤال لغير الله مذلة"؟
هذوكم ناس ذلهم ربي في الدنيا وسلبهم كرامتهم بتوسلهم وتوسطهم لغير الله ومن لم يكن الله وسيلته ذله وكان له خزي كبير!!!!!!*
ربنا لاتزغ قلوبنا بعد اذ هديتنا وهب لنا من لدنك رحمة انك انت الوهاب ، ربنا لاتؤاخذنا بما فعل السفهاء منا ولا تخزنا يوم الميعاد.

من طرف **dutch** الأربعاء 21 مايو - 16:08

souna كتب:تعرفوها مليح القاعدة اللي تقول "السؤال لغير الله مذلة"؟
هذوكم ناس ذلهم ربي في الدنيا وسلبهم كرامتهم بتوسلهم وتوسطهم لغير الله ومن لم يكن الله وسيلته ذله وكان له خزي كبير!!!!!!*
ربنا لاتزغ قلوبنا بعد اذ هديتنا وهب لنا من لدنك رحمة انك انت الوهاب ، ربنا لاتؤاخذنا بما فعل السفهاء منا ولا تخزنا يوم الميعاد.

لماذا كل هذا التحامل على المتسولين هناك من لا قدرة له للعيش سوى التسول و هذا ليس بحرام كما اردت الاشارة اليه لا يمكننا الانكار ان الكثير من الناس استغلو هذا لكسب المال بدون عناء و لا عمل بالرغم من مقدرتهم لكن لايجب ان ننسى ان بينهم يوجد من هو يستحق فعلا الاعانة و المساعدة و هو ليس ذلا

من طرف **souna** الأربعاء 21 مايو - 16:19

اذا كان الواحد بش يتصدق يظهرلي
1/ الاقربون اولى بالمعروف.
2/اكيد فمة شكون يسكن قريب منك يستاهل الصدقة
الواحد يحل عينيه بركة
التسول كارثة يجب القضاء عليها بلا شفقة!!

souna كتب:اذا كان الواحد بش يتصدق يظهرلي
1/ الاقربون اولى بالمعروف.
2/اكيد فمة شكون يسكن قريب منك يستاهل الصدقة
الواحد يحل عينيه بركة
التسول كارثة يجب القضاء عليها بلا شفقة!!

klamek s7i7 ya souna 3la 5ater 7atta elfa9r wele7tiyaj mayachf3ouch lhalmetsawlin
et tal9a barch nass mes7a99in mais bkaramethom mydhelouch rwa7hom 7atta l7ad hadhoukom bel7a9 yest7a9ou bech yt3anou
moch elli chad tarkina walla ta7t 7it et y7eb ennes ta3tih avec le moindre effort

من طرف **dutch** الأربعاء 21 مايو - 16:51

souna كتب:اذا كان الواحد بش يتصدق يظهرلي
1/ الاقربون اولى بالمعروف.
2/اكيد فمة شكون يسكن قريب منك يستاهل الصدقة
الواحد يحل عينيه بركة
التسول كارثة يجب القضاء عليها بلا شفقة!!

مشكلتك انك تحكي من منطلق ضيق و الحكاية عندك محصورة في الوسط اللي عايشة فيه.. احنا نحكو في ظاهرة منتشرة في العالم كامل و لقد امرنا بالرحمة و الشفقة على ضعاف الحال واذا كانت هذه الفئة من الناس كارثة يجب القضاء عليهم بلا شفقة... بصراحة ربي يهديك و توا بالحق نجمو نقولو ما عادش خير في الدنيا

dutch كتب:
souna كتب:اذا كان الواحد بش يتصدق يظهرلي
1/ الاقربون اولى بالمعروف.
2/اكيد فمة شكون يسكن قريب منك يستاهل الصدقة
الواحد يحل عينيه بركة
التسول كارثة يجب القضاء عليها بلا شفقة!!
مشكلتك انك تحكي من منطلق ضيق و الحكاية عندك محصورة في الوسط اللي عايشة فيه.. احنا نحكو في ظاهرة منتشرة في العالم كامل و لقد امرنا بالرحمة و الشفقة على ضعاف الحال واذا كانت هذه الفئة من الناس كارثة يجب القضاء عليهم بلا شفقة... بصراحة ربي يهديك و توا بالحق نجمو نقولو ما عادش خير في الدنيا

وقتلى واحد يخدم و يحاول يعيل روحه و صغاره و ما يوصلش و لا من يعاونه وقتها نقولو ماعادش خير فالدنيا

من طرف **MELODY** الأربعاء 21 مايو - 17:25

اخي dutch صحيح اللي فمة عباد بلحق تستاهل بش الواحد يحن عليهم ويعطيهم
مثال شيخ عزوز ماعادش قادر بش يخدم تخلوا عليه اولادو مافيها باس كان الواحد يتصدق عليه
زادة طفل صغير ماعندوش الوالي يستاهل حتى هو الصدقة
اما شاب في مقتبل العمر لباس عليه بدنيا وعقليا يمد ايدو للناس هذي ماقالش عليها ربي
على خاطر كان ينجم يخدم اي خدمة شريفة تغنيه على مدان ايدو
كي يظطر حتى بش يمسح صبابط المارة
فمة نساء ماقبلتش على رواحها ان تتسول ويخدموا منظفات في بيوت الناس وانا نحترم الفئة هذي من المجتمع على خاطر خدمة نهار ما فيها عار
نعطيك مثال احنا عنا في قفصة سوق الاربعاء مقسمينوا المتسولين واللي يدخل في مساحة غيروا ياكل على راسوا
فمة وحدة متسولة معاقة زادة دوب ماتدخل لسوق الاربعاء تلقاها قاعدة على الارض ومادة ايديها ياخي مرة زادة مشيت لقبلي زدت لقيتها في السوق متاعهم جيت نسال عليها قالولي هذيكة بنت فيلا وشرت كرهبة لخوها وعرستلوا بفلوس التسول
فمة منطقة في تونس وانا منحبش نذكر الاسامي متاع البلايص كيف يجي الواحد بش يعرس ويفتشولوا على مرا يقولولو ياخي تحبها بنت دار ولا دوارة والاكثرية يقلك نحبها دوارة بش تجيبلي الفلوس
المشكلة اللي الناس هذي متخليش الواحد يفرق بين المحتاج بلحق والكذاب
هذاكه علاش من المستحسن الواحد يشوف اقاربو وجيرانو شكون مستحق للاعانة ويعطيه
على الاقل هذوكم انت تعرف بلقدا شنية وضعيتهم المادية

melody كتب:
هذاكه علاش من المستحسن اواحد يشوف اقاربو وجيرانو شكون مستحق للاعانة ويعطيه
على الاقل هذوكم انت تعرف بلقدا شنية وضعيتهم المادية

موضوع مهم برشه وكلامك معقول اخت سونه
من المفروض نتصد الى هذه الظاهره الغريبه من بعض المتسولين وعلى سبيل
المثال هنالك شخص اعرف ابنه طبيب
وهو من المتسولين المحترفين

من طرف **piratos** الخميس 22 مايو - 12:46

إننا في هذا الوقت من الزمان ، الذي تفشى فيه الجهل ، وانتشرت فيه البطالة ،
اعتدنا كل يوم تقريباً على مناظر مؤذية ، ومشاهد مؤلمة ، يقوم
بتمثيلها فئة من الشباب المدربين على إتقان صناعة النصب والاحتيال بممارسة مهنة
الشحاذة ، وأكل أموال الناس بالباطل ، ولهم في ذلك أحوال وأشكال ، فمنهم من
يقوم بتجبيس يده أو رجله أو أي جزء من جسده ، ومنهم من يتصنع البلاهة والجنون ،
ومنهم من يدعي الإصابة بحادث أو موت والد أو أم ، أو حصول مرض ، أو ترك ديون ،
وتُرك له أخوة وأخوات ، ويقوم برعايتهم ، والإنفاق عليهم ، والدين أثقل كاهله
ولا يستطيع السداد ، ومنهم من يفتعل البكاء وقد يجلب معه ابن الجيران أو ابنتهم
ليمارس الشحاذة بها ، لاستعطاف القلوب ، وقد يقسم بالله كاذباً أنه لولا تلك
الديون ، وعظم المسؤولية لما وقف أمام الناس ، وغير ذلك من الأعذار والأكاذيب
التي لم تعد تنطلي على أحد من العقلاء .

وقد قنن القانون هاته الظاهرة وقام المشرع بمقاومتها بعقوبة السجن والحطية المالية وذلك

لمقاومة مظاهر تعاطى المهن الوضيعة
المحافظة على هيبة البلآد من حيث توافد السياح الأجانب ...وما يشمله تعاليقهم

لكن بالمقابل رغب الإسلام في تفقد أحوال الفقراء والمساكين ، والمحتاجين
والمعوزين ، وحث على بذل الصدقات لهم ،
فقال تعالى : " إنما الصدقات للفقراء
والمساكين . . . " الآية

لذا وجب أخذ الصدقات من الأغنياء فللإعطائها لمن يستحقها
وهنا نضع يدنا على أهم نمط إجتماعى فى اإسلام ألا وهى

التكافؤ الإجتماعى

من طرف **souna** الخميس 22 مايو - 14:54

dutch كتب:
مشكلتك انك تحكي من منطلق ضيق و الحكاية عندك محصورة في الوسط اللي عايشة فيه.. احنا نحكو في ظاهرة منتشرة في العالم كامل و لقد امرنا بالرحمة و الشفقة على ضعاف الحال واذا كانت هذه الفئة من الناس كارثة يجب القضاء عليهم بلا شفقة... بصراحة ربي يهديك و توا بالحق نجمو نقولو ما عادش خير في الدنيا

الواحد يصلح روحو والوسط اللي عايش فيه قبل مايفكر في اصلاح الاوساط الاخرى
اذا كان انا عايشة في وسط مريض كيفاش بش نصلح الاوساط الاخرى
بالطريقة هذي نقعدوا عمارنا الكل ومانتصلحوش

من طرف **dutch** الخميس 22 مايو - 15:11

الواحد يصلح روحو والوسط اللي عايش فيه قبل مايفكر في اصلاح الاوساط الاخرى
اذا كان انا عايشة في وسط مريض كيفاش بش نصلح الاوساط الاخرى
بالطريقة هذي نقعدوا عمارنا الكل ومانتصلحوش

المسالة اكبر من هكا و كلامك للاسف لايمت بصلة للواقع الذي نعيش فيه هذه مسالة عامة نتناقش فيها و ليس كما قلت بمقدورنا اصلاح الوسط الذي نعيش فيه :idea: يا ريت كانت الحياة تخضع لهذا الحماس و الثقة المفرطين

من طرف **MELODY** الخميس 22 مايو - 15:22

dutch كتب:
المسالة اكبر من هكا و كلامك للاسف لايمت بصلة للواقع الذي نعيش فيه هذه مسالة عامة نتناقش فيها و ليس كما قلت بمقدورنا اصلاح الوسط الذي نعيش فيه :idea: يا ريت كانت الحياة تخضع لهذا الحماس و الثقة المفرطين

كلامك صحيح اخي dutch واش خص كان انجموا نصلحوا الوسط اللي نعيشوا فيه من خلال موضوع نطرحوه ونناقشوه في المنتدى

ظاهرة التسول هذه لا يمكن التغاضي عنها بأي شكل وهي من المواضيع الجيدة لانها تمس شريحة كبيرة من المجتمع و عددهم يزيد يوما بعد يوم ولمحاربتها كظاهرة سيئة يجب ان ينتشر الوعي والفهم السليم بين افراد المجتمع .
هولاء اتخذوا هذه الظاهرة مهنة لانها تدر عليهم الربح الوفير في زمن قياسي واصبحوا خبراء في هذا الفن واكتسبوا اساليب عدة لتحريك مشاعر الشفقة عند الناس وسلبهم اموالهم تحت عنوان الصدقة فاقول ان من امتهن التسول لا يجب تشجيعه على ذلك بل يجب حرمانه من اي عطاء لان المحتاج لا يسأل الناس قال تعالى يحسبهم الجاهل أغنياء من التعفف تعرفهم بسيماهم لا يسألون الناس إلحافا...
وقد قال احد العلماء انها جريمة مشترك فيها الآخذ والمعطي
لذا فتش لك عن أناس يستحقون ولا يستطيعون الطلب يمنعم حياؤهم وكرامتهم وأنفتهم واتخذ لك سبيل كي تسنطيع ان توصل لهم صدقتك دون أن تتسبب في احراجهم
ويعطيك الصحة يا سمفونية انقليزية عفوا يا ميلودي ويا وردة الصحراء

من طرف **bahy** الجمعة 30 مايو - 16:33

اللهم انا نعوذ بك من الحاجة وسؤال غيرك

شكرا لكم جميعا على مساهماتهم وكنت انوي لفت الانتباه للمتعففين الدين يمنعهم حياؤهم من السؤال وقد سبقني اليه ابو محمد مشكور
لاجل دلك اريد ان الح على الالتفات لاولي القربى الدي نادى به ديننا فالحكمة في دلك أن لا أحد يعلم باحتياجات الفقير إلا أقاربه فإن نسوه فمن له؟
الحمد لله على نعمة الإسلام الدي لم يترك شيئا إلا وبين حلوله
أما المتنقلون في الشوارع وبقطع النظر عن كونهم يستأهلون الصدقة أو يتوجب محاربتهم فرأيي إن لم تستطع إعانتهم فلا تسئ لهم
وشكرا مرة أخرى على الموضوع

من طرف **Iheb** السبت 31 مايو - 12:33

انا ما يهمنيش يكذب ولا ما يكذبش أنا مانيش ربي باش نحاسب
أما كيف يبدا عندي نعطي كي يبدا ما عنديش نقولو ربي ينوب
الحاصل في السياق هذاتفكرت حادثة طريفة وقعتلي رمضان اللي فات
مرة قاعد بعد شقان الفطر في كاليبسو نعمل في شطر نشوف في وليد
قاعد قدام ستوك زيرو وماد يدو و اللي يدخل يحطولو حويجة
كيما غدوة جا للقهوة ويطلب في حويجة لربي جاء للطاولة اللي قاعد فيها
أنا و أصحابي ناديتو و قتلو تحب تأخذ دينار قالي أيه
قتلو البارح قادش لميت من ستوك زيرو بدا يحلف ويقول لا و الله كان عشرة دينارات
قتلو تكذب هات الصحيح ضحك و قالي 75 دينار و الليلة اللي قبلها 120 دينار
و هز روحو ومشى يضحك
أترك لكم التعليق

من طرف **MELODY** السبت 31 مايو - 18:57

شكرا لكل من ساهم في اثراء الحوار

Iheb كتب:
الحاصل في السياق هذاتفكرت حادثة طريفة وقعتلي رمضان اللي فات
مرة قاعد بعد شقان الفطر في كاليبسو نعمل في شطر نشوف في وليد
قاعد قدام ستوك زيرو وماد يدو و اللي يدخل يحطولو حويجة
كيما غدوة جا للقهوة ويطلب في حويجة لربي جاء للطاولة اللي قاعد فيها
أنا و أصحابي ناديتو و قتلو تحب تأخذ دينار قالي أيه
قتلو البارح قادش لميت من ستوك زيرو بدا يحلف ويقول لا و الله كان عشرة دينارات
قتلو تكذب هات الصحيح ضحك و قالي 75 دينار و الليلة اللي قبلها 120 دينار
و هز روحو ومشى يضحك
أترك لكم التعليق

معناها الوليد هذا كان يواصل على المنوال هذا راهو مليونير
في المقابل استاذ تعليم ثانوي يخلص في 725 دينار في الشهر مسكين بمعدل 24 دينار يوميا ويعلم ربي بحالو يبات الليل الكل يتكب ويتقعد يخدم في الدفوارات ويعمل في مذكرات
كيف يعرضو الوليد هذاكه في الشارع يحن عليه ويعطيه بالرغم من انو يخلص اضعاف خلاصو من غير تعب يلبس شوي جريدات ويوقف في الشارع ويمد ايدو للناس
في الاصل هو اللي يحن علينا ويعطينا
شكرا ايهاب على المثال

من طرف **lolita** الأحد 1 يونيو - 13:37

mondier c une acte vraiment honteuz, walaw men 5ir 7echma yebdew lebess a3lihom ou yotlbou, e le plus pure sa3at i7otou fi a7thonhom un bebé meskine yebda bil char i3ayet ou isi7 mel jou3 bech isaref la3bed ou imedoulha flouss..

ياكريم يا متاع الله

ياكريم يا متاع الله

رد: ياكريم يا متاع الله

رد: ياكريم يا متاع الله

رد: ياكريم يا متاع الله

رد: ياكريم يا متاع الله

رد: ياكريم يا متاع الله

رد: ياكريم يا متاع الله

رد: ياكريم يا متاع الله

رد: ياكريم يا متاع الله

رد: ياكريم يا متاع الله

رد: ياكريم يا متاع الله

رد: ياكريم يا متاع الله

رد: ياكريم يا متاع الله

رد: ياكريم يا متاع الله

رد: ياكريم يا متاع الله

رد: ياكريم يا متاع الله

رد: ياكريم يا متاع الله

رد: ياكريم يا متاع الله

رد: ياكريم يا متاع الله

رد: ياكريم يا متاع الله

رد: ياكريم يا متاع الله