مذا بقي للكتاب في زمن النات

من طرف **bahy** الجمعة 11 يوليو - 11:59

"سيظل الكتاب موجودا وخالدا ما بقيت الحضارة .. ولا يمكن أن تدمر الحضارة أعظم شىء فيها .. لا يمكن أن تطفىء نورها .. وأعظم الممثلين فى العالم لم يستطع حتى الآن .. أن يصور شخصية هملت كما صوره شكسبير .. ولا رازكولنيكوف كما صوره ديستويفسكى .. ولا نانا كما صورها زولا .. ولا مدام بوفارى كما فعل فلوبير" ـ
هذا ما قاله محمود البدوى في مقدمة مقدمة كتابه العذراء والليل ط 1956
لكن مع بداية الالفية الثالثة انتشرت الانترنات بشكل منقطع النظير بل اصبحت مصدر التسلية والدراسة والبحث بل طالت عمليات البيع والشراء ايظا
على الصعيد الادبي تعالت اصوات الفزع منادية بانقاذ الكتاب من المد "الناتي " الذي لم يعد يهدد مكانته بل وجوده بينما تبنى شق اخر رأي محمود البدوي معتبرين الكتاب في مأمن من كل منافسة
اين انت من هؤلاء ؟
هل ترى الانترنت قادرة على تعويض الكتاب او حذفه وان لم تكن ماهي التحدبات التي تراها تواجه الكتاب هذه الايام؟
الرجاء المشاركة بالردود وليس يالقراءة و المرور

من طرف **Bilel** الجمعة 11 يوليو - 12:08

ليست الانترنت قادرة على تعويض الكتاب او حذفه لأنه للآن هناك من يعشقون قرائة الكتب
و هده لها عديد النواحي المفيدة حيث ان الانترنات الى حد الآن ليست متوفرة في كل مكان هدا ما يجعل الكتاب في المرتبة الاولى

من طرف **bahy** الجمعة 11 يوليو - 12:17

شكرا بلال اما لو افترضنا وجودها في كل مكان ، ماهو مصير الكتاب؟

رغم كل هذا التقدم إلا أن الكتاب يبقى وحده،و المشكلة ليست في النات وإنما في تقاليدنا التي لا تولي أهمية للمطالعة حيث أن معدل مطالعة الفرد في عالمنا العربي هي نصف ساعة في السنة ، أما هنا في أروبا فسوق بيع الكتب لم يشاهد ركود رغم الإنتشار الكبير للنات الذي يفوق عشرات أضعاف العالم العربي ، إذن فالإنترنات بريء حسب رأيي من هذه التهمة . وشكرا على الموضوع .

من طرف **bahy** الجمعة 11 يوليو - 22:47

اذا كان ما عندكم ما تقولو في الموضوع هاوباش نسكروه ونحكو على اخر مسلسل مكسيكي يمكن يلبي قدراتكم والا رغباتكم الثقافية العـــــــــــــــــــــــــــــــــــــــــــــــــــــــــــــــــــــــــــــــالية

من طرف **Adonis** الجمعة 11 يوليو - 23:48

تي حتى مل الكتب ولت الكترونية.. نتصور الي لكتاب ينجم يتعوض.. رغم اللي عندو متعتو الخاصة كيف يبدا بين اليدين خير مل الشاشة.. طبعا بالنسبة للمولعين بالقراءة والمطالعة. اما في البحوث ف هيمنة النات و قدرتها و فاعليتها امر لا جدال فيه.

من طرف **hayfa** السبت 12 يوليو - 0:47

1- عندكش بش تشري كتاب
2- إذا عندك بش تشريه عندكش الوقت بش تقراه
ت انت النهار الكل تجري ورا الخبزة و ماكش خالط
3- إذا توفرو هاذوما الزوز عنكش الوازع
و الوازع ما يجي كان اذا عندك مرجعية فكرية - وينهي المرجعيات الفكرية ليوم يا سي الباهي
4 - و إذا عنك الوازع أناه الكتاب الي بش تشريه و بش تقراه
أش قاعدين يكتبو المؤلفين في تونس و اش قاعدة تطبع دور النشر
نقعدوش ديمة نقرو في لي كلاسيك : المنفلوطي جبران خليل جبران طه حسين ....
والا الكتاب و الفلاسفة الفرانسيس و الأنقليز
وينه الجديد الي يتوجه للمواطن العادي و موش للنخبة

الحاصيلو ما مزال كتاب كان كتاب الكود دلاروت و الا امك الصنافة
و لا مزالت مطالعة كان مطالعة جريدة الأنوار و الحدث و مانيش عارفة شنوة آخر
الى نشريهم كيما نشريو باكو لومو و الا دبوزت الزيت نهار لحد كيف نمشيو للمرشي
نقراوهم بش نكونو ألاباج في اخبار الرياضة و في صدى المحاكم و فضائح فناني العصر
و بش نعرفو مهند شاذ جنسيا و الا لا
و مادونا خذات الراجل نومرو قداش
و يبقى لكتاب ليكنت يا سي الباهي
ولا حتى انا ماعادش تقرى
و نسيت آخر كتاب قريتو وقتاش
و الا شنو عنوانو
التلفزة يا سي الباهي و قرص الليزر
و العاب الفيديو و ما قالت الناس.
و حتي الأنترنات الي تحكي عليها
ما تجي كان في المرتبة الأخرة
و تستعمل بالأساس
للشات و ربط العلاقات
و الا زيارة المواقع الوردية

من طرف **Adonis** السبت 12 يوليو - 1:03

t'as raison 100% hayfa

من طرف **bahy** السبت 12 يوليو - 23:34

hayfa كتب:1- عندكش بش تشري كتاب
2- إذا عندك بش تشريه عندكش الوقت بش تقراه
ت انت النهار الكل تجري ورا الخبزة و ماكش خالط
3- إذا توفرو هاذوما الزوز عنكش الوازع
و الوازع ما يجي كان اذا عندك مرجعية فكرية - وينهي المرجعيات الفكرية ليوم يا سي الباهي
4 - و إذا عنك الوازع أناه الكتاب الي بش تشريه و بش تقراه
أش قاعدين يكتبو المؤلفين في تونس و اش قاعدة تطبع دور النشر
نقعدوش ديمة نقرو في لي كلاسيك : المنفلوطي جبران خليل جبران طه حسين ....
والا الكتاب و الفلاسفة الفرانسيس و الأنقليز
وينه الجديد الي يتوجه للمواطن العادي و موش للنخبة

بالنسبة للنقطة الاولى : ثمن الكتاب ماهوش حجة بلش ما يتشراش على خاطر التونسي يدفع بالخمسة والعشرة كل احد باش يدخل للستاد ويدفع بالخمسين باش يدخل لفنان نكرة

بالنتسبة للنقطة الثانية حتى الجري وراء الخبزة ماهوش حجة على خاطر القهاوي الكل مليانةو ال... مليانة

اما المرجعية ماهيش شرط اساسي لقرلءة الكتاب لان الكتاب هو اللي يخلي عندك مرجعية والدليل اللي الصغار يقروا من غير اي فكر مسبق

اما الحديث عن صناعة الكتاب في تونس -ان صحت العبارة- فان الساحة فيها الغث والسمين الهادف و التجاري و مستعد نوفرلك قوائم عديد دور النشر التونسية

من طرف **tarik** الأحد 13 يوليو - 0:18

كلامك صحيح
لكن ما ينفبش كلام هيفا
حنا كتبدا عنا فلوس
نشرو بيها مارس والا كريستال
نعملو بها شيشة في قهوة منصور
و الكتاب يجينا غالي

و باهي يا سي الباهي
هانا شريناه
أش بش يفيدنا
هانا قرنا اربعة بيوت شعر
و حفضناهم
قولنا وين بش نصرفوهم
في موضوع طلل سجود؟
و قوايمك اش بش نعملو بيهم يا سي الباهي يا باهي
تكتابك حتى كي تعطيهونا بلاش
تو نمشو نبيعوه للحماص
والا للفوال
كيما نبيعو الدبابيز الفارعين

خلي كتابك عندك يا سي لباهى
و نشالله نهار من نهارات
ما يجرالكش كيف الجاحظ

الله يحفظك يا سي الباهية
و يخليك لينا شاهد على عصر الديناصورات

من طرف **Iheb** الأحد 13 يوليو - 12:13

في أحد المواقع قرأت أن نصيب كل فرد في الولايات المتحدة الأمريكية من الكتب 16 كتاب بينما لا يتجاوز نصيب الفرد في العالم العربي عدة أسطر
بالنسبة للثمن ما فماش كتاب يتجاوز 10 دينارات و حتى لو كان هذا الثمن غالي فمة حاجة إسمها المكتبة العمومية التي تزخر بنفائس ثمينة والإشتراك رمزي زوز جوابات متنبرين و تصويرة و 1200 مليم
أما بالنسبة للوقت الأوربين راهم ديمة يقروا في المترو و لا في الحديقة العمومية
و ليست لديهم مقاهي الذي أطلق عليها نجيب محفوظ إسم مذابح الوقت
أما النات ممكن نستغلوها في المطالعة ملا أنا واحد من ناس من هواة المطالعة غرسها فيها بابا بالشلاكة والكف كان الله يرحمه يجيبلي القصة و يقولي أقراها و لخصها
لين و ليت وحدي مغروم بالقصص
على فكرة اللي يحب على أي نوع من الكتب يجيني على الخاص تو نعطيه منتدى عربي فيه كل أنواع القصص و الروايات من كل الأنواع
هيا ابقوا على خير

من طرف **tarik** الأحد 13 يوليو - 12:30

Iheb كتب:في أحد المواقع قرأت أن نصيب كل فرد في الولايات المتحدة الأمريكية من الكتب 16 كتاب بينما لا يتجاوز نصيب الفرد في العالم العربي عدة أسطر
بالنسبة للثمن ما فماش كتاب يتجاوز 10 دينارات و حتى لو كان هذا الثمن غالي فمة حاجة إسمها المكتبة العمومية التي تزخر بنفائس ثمينة والإشتراك رمزي زوز جوابات متنبرين و تصويرة و 1200 مليم
أما بالنسبة للوقت الأوربين راهم ديمة يقروا في المترو و لا في الحديقة العمومية
و ليست لديهم مقاهي الذي أطلق عليها نجيب محفوظ إسم مذابح الوقت
أما النات ممكن نستغلوها في المطالعة ملا أنا واحد من ناس من هواة المطالعة غرسها فيها بابا بالشلاكة والكف كان الله يرحمه يجيبلي القصة و يقولي أقراها و لخصها
لين و ليت وحدي مغروم بالقصص
على فكرة اللي يحب على أي نوع من الكتب يجيني على الخاص تو نعطيه منتدى عربي فيه كل أنواع القصص و الروايات من كل الأنواع
هيا ابقوا على خير

يا سي ايهاب
اولا الله يرحم الوالد
و يعطيك انت الصحة الي تتذكرو و تشكر فضلو
ثانيا هاني بش نضيفك انت لقايمت سي الباهي
الي ما زال يحلم بدولة الكتاب
الي بعشرة دينارات
و الى في الحاجة الي سميتها سيادتك المكتبة العمومية
و تعرف يا سي اهاب وانت سيد العارفين
شنية المكتبة العمومية اليوم ( مكان اللقاءات و المواعيد و ...... )
بر تو للمكتبة يا سي ايهاب و قلي قداش نواحد فيها قاعدين يقرو بلحق
ممكن انت و سي الباهي
و واحد والا 2 كيفكم
يا سي الباهي ليوم
فم القهوة و جوق الرمي
و الا الشيشة في التراس متع القهوة
و تقطيع و ترييش كل من ينتمي لأمة محمد
و جبدان عراض الناس
تتصورش يا سي ايهاب
الي احنا طورنا التقطيع و التريش
و ولينا نقطعو حتى في
PSEUDO
وقنتلش جا و منين جا
و نحل عليه الكتب زادة
في هاذي oui
نقرو الكتاب
اما quand meme
هاني بش نقعد متفائل شوي
بكلامك
ولا ربما
تطلع انت صحيح و انا غالط
هي من حينك هات اليستة الي قلت عليها

من طرف **bahy** الأحد 13 يوليو - 13:24

[quote="tarik"]

Iheb كتب:ف

يا سي ايهاب
اولا الله يرحم الوالد
و يعطيك انت الصحة الي تتذكرو و تشكر فضلو
ثانيا هاني بش نضيفك انت لقايمت سي الباهي
الي ما زال يحلم بدولة الكتاب
[/quote

اولا مانيش نحلم بدولة الكتاب اما حالو مسخفني على فقد نوعا ما الهيبة والمكانة متاعه في ظل سيطرة افكار بالية والا حوايج دخيلة اسيئ استعمالها

على فكرة الكتاب الكتاب مازال رايج في تونس و كذلك ثمة ميزاتيات كبيرة قاعدة تتصرف عليه

من طرف **yanni83** الأحد 13 يوليو - 14:13

من غير الممكن باي حال من الاحوال ان نتجاهل هذا التراجع المريب لمكانة الكتاب في عصر النات حتى صار مهددا بالانقراض
و على راي الباهي يلزمنا نكونو متفائلين اما التقطيع و الترييش راهي طبيعة يعني في كل الاحوال هو سلوك ووجود الكتاب ولا غيابو نتصور ما غير شي "

مذا بقي للكتاب في زمن النات

مذا بقي للكتاب في زمن النات

رد: مذا بقي للكتاب في زمن النات

رد: مذا بقي للكتاب في زمن النات

رد: مذا بقي للكتاب في زمن النات

رد: مذا بقي للكتاب في زمن النات

رد: مذا بقي للكتاب في زمن النات

رد: مذا بقي للكتاب في زمن النات

رد: مذا بقي للكتاب في زمن النات

رد: مذا بقي للكتاب في زمن النات

رد: مذا بقي للكتاب في زمن النات

رد: مذا بقي للكتاب في زمن النات

رد: مذا بقي للكتاب في زمن النات

رد: مذا بقي للكتاب في زمن النات

رد: مذا بقي للكتاب في زمن النات