عزوف شباب قفصة عن الزواج بشباتها? لماذا?

أود أولا أن أعتذر لفتيات قفصة لكننى لاحظت أن نسبة كبيرة من رجال قفصة يفضلون الأرتباط و الزواج بغير القفصيات
هل تشاطر هذا الرأى
و ماهى أسباب تلك الظاهرة

هم عازفين من قفصه وخارج قفصه والصوريد هما السبب
الامور ماديه البطاله ابزايد منين تيتزوج

GAFSI_2007 كتب:أود أولا أن أعتذر لفتيات قفصة لكننى لاحظت أن نسبة كبيرة من رجال قفصة يفضلون الأرتباط و الزواج بغير القفصيات

maya3rfouch masl7et´hom :lol!:

الشباب التونسي بصفة عامة هارب من العرس كان المرا قفصية ولا موش قفصية
الفلوس مافماش
ارتفاع تكلفة العرس
حياتو من غير مايعرس
اش بش يندب بيه العرس؟؟؟؟

netsawwer mch s7i7 3ouzouf echabeb elgafsi 3ala el gafsiyyet .. et même si, akid men doun 9asd.. elcheb ye5talet bbarcha bnet men koll tounes wettofla kif kif.. par conséquent, 7aja tabi3iya elli momken yalka noussou la5er fi jiha o5ra.. wena netsawwer ennou hathi mahich mochkla.......

المشكلة موش في البنات انا نتصور كيما قالو الكل المشكلة في القلوس
موش صحيح الي القفصي ما يتجوز كان وحده خارج قفصة
بربي الواحد ما يتخرج كان يولي عمرو 28 و ما يلقى و يقعد بطال و يلقى خدمة مابين 35 و 40 مبعد ما
المشكلة مشكلة فلوس لانو العائلة و تكوين عائلة لازمتها برشا فلوس و بالتالي جل الشباب موش يهربو اما يتجنبو ها المسؤولية الى اجل غبر مسمى

بصراحة الدنيا غلت و ولت نار وماعادش ملحقين على حتى شيء لا على المرا القفصية ولا غيرها و كيف اللي يخدم كيف اللي قاعد .. في الهوا سوا الناس الكل .. اما هاو عندي شويا اقتراحات للشباب المكافح اللي قادم على الزواج فماش مايعاونوه شويا ان احسن التصرف :

1 - بالنسبة للعشاء .. فاش قام يا خويا تذبح في 3 ولا 4 علالش ؟ ليش الخساير يا خويا !! اول حاجة اللي باش يجيك توصيه يجيك متعشي من دارهم .. يا خويا بانقص كونصوماسيون و ثاني حاجة دورها تورني فريكاسي على الجماعة واللي يبقى جيعان يمشي لومو طيبلو عجة ههه..

2 - ليش 10 ولا 12 قاجو قازوز .. ليش المصروف الزايد .. راس مالها دبوزة عصير concentré تتخلط في سطل ما و رشفة رشفة للشعب الكريم و الناس الكل لاباس .

3 - ليش سهرية في صالة بهاك الحساب !! راس مالها "باش" و 4 كعبات مادري ترشقهم قدام الدار (ومعاه ولد العم مولا "الباش" باش يركب "الباش" selon les normes ههه) و تعمل سهرية قدام الدار في الهواء الطلق و تتصدر مع مرتك شويا ولا موش لازم تتصدر من اصلو هز مرتك وطير برا تصدر بيها وحدك ههه

4 - ليش يا خويا مصور و تصاور بهاك الحسبة !! بورتابل بالكاميرا حتى متاع صاحبك مايسالش تعمل تصويرة ولا اثنين وما تكثرش زادا (باش مايطيحش شارج و تلقى باش تعمل appel لصاحبك يجي يهز بورتابليه كي تكمل ههه) وطلعهم مبعد على pc وتحطهم في نسمة قفصية في منتدى الجو و التفرهيد باش الناس الكل تتفرج و تشيخ على الفضايح هههه و الله لا يفضح مومن ان شاء الله .

اكاهو و فا العرس باقل الاضرار المادية .. و العاقبة كيف تجيبو صغار تو نحضرلكم شويا نصائح اخرى ..

هايلة الفكرة يا فؤاد برى مالة عمل على ربي و ما تنساش حطتلنا هاك التصاور خلي نتفرهدو شوية

الله يهديك يا فؤاد
كيف ما قلت يا سجود كان المظاهر
تلقاه عرس و زيطة و هو عاملهم الكل بالكمبيالات
مسكين يبدى متصدر الفم يضحك و القلب يبكي

mat7essouch elli 7ad majaweb 3la souel Gafsi-2007 et walletou te7kou 3la l3erss en genral chnoua yetkllef etc... houa klamkom s7i7 elli barcha nass wallet ma5dhethom elmadhaher ama hadhi dhahra 3amma fe tounes elkoll moch kan fi gafsa et berraghem men 7kayet el3ouzouf 3an ezzawaj 3oumouman laken quand meme tbarkallah famma 3rass wessif 7afel
ya3ni si on veux on peux elmouhem lemra essal7a et errajel elli y5af rabbi
ama est ce bel7a9 hadhi 7kayet legfasa elli wallou y7ebbou ya5dhou kan men barra ya3ni wallou y7ebbou wa7da sa7lia walla bezartia walla 9libia 5aterhom ma3roufin el7a9 mezyanet ... ana el7a9 ma3endi man9oul 5ater ana bidi moch fi gafsa bech no7kom

تحليل ممتاز يا princess kenza لكن المسألة ماهيش حكاية جمال عنا الجمال فى قفصة لكن أعتقد أن برشة قفصيات يحملو الراجل مصاريف العرس تقريبا 100 فى 100 على عكس برشة جيهات اللى فيها يتقاسمو المصروف. المسألة مسألة مادية و ثقافية فالبنت فى قفصة مازالت غير قادرة على فرض شخصيتها فى الزواج فالحماة القفصية هى التى تدير شؤن العرس و ما بعده كما أن البطالة التى تعيشها أغلب بنات قفصة تجعلهن غير قادرات على فرض الرأى و أستقلال الشخصية. و مسألة الرضوخ الكلى لالعلئلة أصبح أيظا من عادات الفتاة المتعلمة و الهاملة. هذا رأى الشخصى وهو طبعا قابل لنقاش

عفو قصدت الفتاة العاملة لقد كانت مجرد غلطة مطبعية أسف على الخطأ الغير مقصود

بش نعطيكم مثال واقعي لصديق عندي هنا في المانيا

الصديق هذا قفصي ...حب يعرس...قال نحبها بنت بلادي قفصية...هبط الى قفصة تعرف على واحدة عجباتو حب يمشي يخطب

كلم دارهم ...وافقو بش يخطبولو...

كلم الطفلة بش تكلم دارهم بش يمشي يخطب

وهنا كان جواب اب الطفلة غرييييييب جدا

قالها ما نعطي بنتي كان الى قفصي حر

هي قفصة حكة و بالرغم من هذا تلقى العرش الفلاني ما يعطيش للعرش الفلاني

اللي يسكن في قفصة ما يعطيش للي جاي من المضيلة

القصري ما يعطيش للجوابر

و هاك الحكايات

سؤالي ...مش العقليات القديمة و التفكير السطحي لبعض الاولياء ممكن يكون سبب

صاحبي هذا قالك ما عادش حاجتي بقفصية...

السبب هو الكسكسي بالمرشان،جربوا اقطعوه وتفكروني

momken elkosksi belmorchan ykoun houa esbab erraisi si levioloniste01
wmomken zada klam si soufiene s7i7 wmawjoud 3end barcha nass fi gafsa wmazalet metrass5a 3adet dar flan wdar faltan whadhika el3ayla leflania asl wmafsel ... hadhi kaya mazelet t9alla9 barcha chabab w7atta barcha bnat elli ykounou mouch mwaf9in emalihom fi hale7kaya elli mawjouda moch kan fi gafsa nakdelkom elli hia 7kaya montachra fe barcha manate9 fi tounes elkoll wmay7ebbou ya3tou bnathom kan lweld blad lasbab kthira menha ennou elbent tab9a 9riba ldar emmalaha
wtafsir elli 9admou si Gafsi-2007 zada fih janeb kbir mese77a ama ana ba9ia nchouf elli 7atta el3a9lia mta3 lebnat legfsa b7okm enhom wallou yo5rjou men gafsa wye7takkou bnass w3adat o5ra bdou ya5dhou fi barcha 7ajat men ahamha m3awenet errajel fi masarif el3erss wejhazz wma ila dhalek .............
walel7adithi ba9ia...
:cyclops:

wallahi moch s7i7 elmawdhou3,ana maritech elli elgfasa harbine min bnat bladhom,bel3aks,chnowa na9eshom elgafsiyyet wallah tbarkallah 3lihom wana wa7ed mel3bad man7ebb nakhedh kan gafsia bent bladi tefhemni w nefhemha emma khir wella nou7el fi wa7da tounsia wella dra mnine tabda 3inaha ma7loula w matnajjem ta3mlelha chayy!!

[...........
emma khir wella nou7el fi wa7da tounsia wella dra mnine tabda 3inaha ma7loula w matnajjem ta3mlelha chayy!![/quote]




لا عاد.. الحق البنات الكل ولو عينيهم محلولة.. كاني قفصية ولا تونسية.. معادش تلقى الطفلة المغمضة والي تحبو انت ترضى بيه وللي تحكيه توافق عليه

klamek s7i7 emma 7atta tofla 3ineha mghamdha yaserr mochkla zada,elli no9sdah ana howa elli elgafsiyyet yet3achrou khir min ghirhom

لا يا سيدي شباب قفصة ماهوش عازف بنات قفصة
على خاطر ما نعزفو)موش العزف على الة موسيقية( الحاصيلو منعزفو حاجة الا ما تنتان ريحتها وبنات قفصة حاشاهم.....الله اعلم

اما يا سيدي شباب قفصة عندو سببين اثنبن هوماو
-80 بالمائة بطالة يستنو في لنتريت تحت الحيط
-20 بالمائة يخدمو و الشهرية متوصل لشيء
و حتى اللي ايحب ايعرس من هالجماعة الخدامة يكره روحو على خاطرو ايحب على بنية مخرجتش برشة ومعرفتش واحد قبلو وزيد لوكان تكون ظروف دارهم سمحة
صعيب ياسر باش يلقى
نفترضو انو لقى واحدة لهنا تبدى المشكلة على خاطر تمصو كالببوشة بتحريد من السيدة الوالدة و تكثر عليه بطلباتها ملي يتعرف عليها و كلامو ميمشيش ثف كان كلام امها الصحيح و تعمل من قانون امها دستور باش تحتلو و تسلبلو ارادتو
و خلي عاد من هاك الموال متاع المقارنات اللي تعيشو بيه وتبدا يوميا فلانة صاحبتي جابلها خطيبها وصاحبتي بنت فيلا و شرت كرهبة و ولد عمتي اللي ايحب يو خطبني شبع مرتو بالدهب وتبدا تستنبط في القصص و تالف
فوق من هدا الكل اول حاجة تحب تعملها تحاول باش تهربو على دارهم بالطرق المشروعة و الغير مشروعة
ووووووووو الحديث ياسر و ميوفاش
اكثر مشكل يهرب لولاد انو لبنات يحبو على وليد خدام رسمي و لباس عليه ويا ريت ايكون ميسكرش وميصليش زادة باش ميبداش معقد و حزار

وقت اللي تقلها تزوجوا فقراء يغنيكم الله تقلك الدنيا صعبت و نحب سعدي ايكون اقوى من سعد صاحبتي
وهي نست المثل اللي يقول تزوجوا اغنياء تفلسكم النساء

الحاصيلو ربي يسهل لكل صبية تلقى ولد حلال اما ان شاء الله ربي يهديها وتكون هي بنيت حلال معاه

thedudeson كتب:klamek s7i7 emma 7atta tofla 3ineha mghamdha yaserr mochkla zada,elli no9sdah ana howa elli elgafsiyyet yet3achrou khir min ghirhom

yet3achrou... bah momken.. mais ça dépent...

شكرا أصدقائى على التفاعل الرئع

أنا نرى إللي السبب الحقيقي في زواج أولاد قفصة من بره هو:
1 بحكم أكثرهم وللوا خارج قفصة يعيشوا
et c´est normal باش يتعرف على وحده موش قفصية
2 ترتاح من كلام الناس هاي كانت مع فلان هاي عملت...