بربي اعمل طله وشوفو لعوج

تذكير بمساهمة فاتح الموضوع :

ان شاء الله رمضانكم ميروك يا جماعة .. وقولوا ربي يهدي ما خلق.

في هذا الشهر الفضيل الواحد يسمع ما يكره ... ومنين يسمع ؟؟ يسمع من الاذاعة والتلفزة بالطبيعة.

رمضان مازال ك بدا ورغم هذا سمعت حاجتين طلعولي الدم .. خاصة وان الواحد منا قاعد هو وعائلتو

الحالة الأولى تتعلق بمسلسل" مكتوب" اللي تعدي فيه تونس 7 .. الحق متاع ربي فيه لقطات متاع قلة تربية ... واللي عندو رأي آخر ... نقولو ما تقارنش بين انت وحدك تتفرج وبين عائلة كاملة بالصغار والكبار والنساء ملمومة حول المائدة وهي تسمع في كلام راجل ينادي لحبيبته بعدة صفات موش وقتهم...
ونزيدك خاصة في اللقطة اللي طلعت فيها البنت للسيارة وسلمت على الشاب ... وإذا بيه يقول ليها بلهجة السؤال " أكاهوْ ؟ " ... وقتها قربت منو وباستّو ...... يا أخي موش وقت بوس وتمعشيق رانا كنا صائمين نهار كامل.

الحالة الثانية تتعلق ببرنامج على اذاعة الموزاييك وقع بثه بعد نصف النهار واستدعى فيه الممثل لطفي العبدلي ووقع الحديث عن دوره في شوفلي حل اللي يتقمص فيه دور شاب متخنث اسمه "ميدو" من خلال طريقة الكلام التي أتقنها لطفي العبدلي.

المهم في الموضوع ان احد المستمعين بعث ايميل لمقدم الحصة يقول فيه " الواحد من أجل الفلوس يتقمص الدور هذا في التمثيل .. وكان لزم حتى في الدنيا"

وهذا الايميل ماكان للمقدم أن يقرأه .. فماذا قال العبدلي للرد لقد قال
" كانشي هو يلعب في ها الدور في الدنيا بالحق "

هل رأيتم بالله مستوى الحوار ؟؟ كيف يسمح سي العبدلي لنفسه بأن يرد بهذه الطريقة على مستمع ... ففي كلامه اشارة واضحة الى ان المستمع "متخنث"

والله شيء يحشم وقت الواحد يسمع هذا على أمواج الاذاعة او التلفزة

والله العظيم يا اخوان اللي يصير قلة دين وربي

خلص الناس ما ظل في شي عندها شي اسمة حياء

يا ربي العفو " والله شي بخلي الابلم يتكلم "

بس يا رب يتغير الحال ويتبدل

لازم نرجع الي الدين والله هول حل كل المشاكل

من طرف **Rosa** الجمعة 28 أغسطس - 0:46

إسماعيل كتب:
foued كتب:السلام عليكم معشر نسمة قفصية ..

وانا قاعد نقرا في بعض المدونات نقصر بيهم في الوقت قبل شقان الفطر ، فما موضوع شدني باش نقراه لاهمية محتواه كتبو مدون موش باش نجبد اسمو باش مانعملش بوبليسيتي.. الحاصيلو حكى على فازة صارت البارح في قناة تونس 7 وانا واحد من الناس ما ريتهاش خاطر مانيش من اوفياء و متتبعي التلفزة من اصلو و ما نتفرجش في التلفزة بالكل (حكاية طويلة اللي يحب يعرفها يبعثلي mp)..
نرجعو لموضوعنا .. عاد السيد حسب ما حكا.. في برنامج مانعرفش اسمو اما باين عليه برنامج متاع بلادة و ريق بارد كما اعتدنا مع مستوى برامج التلفزة الوطنية .. لا علينا .. فما واحد تلفظ بلفظ بذيء و تعدا عادي في التلفزة امام مسامع الناس الكل و من غير ما يتنحى في المونتاج او حتى تقديم كلمة اعتذار ..

نخليكم مع الموضوع :

قالو اعطيني وذنك...باش نسمّعك الكلام الزايد

البارح عرفت روحي قداش غالط ... بوصفي من اوفياء تونس 7 ...البارح دفعت الثمن متاع الغلطة متاعي...و سمعت الكلام الزايد و دخلتلي السفاهة موش من الشباك و الا مالزنقة و الا مالفروخ متاع الحومة... البارح سمعت الكلام الزايد من اهم وسيلة اعلام في البلاد , التلفزة الحكومية متاعنا اللي من حقي كدافع ضرائب و مساهم في ميزانيتها بفاتورات الستاغ انو يحترموني و يحترمو مشاعري و مشاعر الناس اللي معايا و يحترموا اخلاقنا و يعرفو شنوة اللي يجي و شنوة اللي مايجيش.

جايبين واحد زوفري (كحلوشة) و يهنتلو فيه و عاملينو كراكوز و عاطينو فرد زعمة زعمة كاستينغ, وهو يحاول يورّي روحو ويعطي ماعندو ... و تسيّب الفرامان و تفاعل المسكين مع الموقف اللي يمثّل فيه و بحكم انو ماعندوش حوار فلجأ للقاموس اللي يتقنو اكثر من غيرو.

كان يمكن انو الكلام اللي قالو يقعد غادي و يتنحى في المونتاج, الا انو تعدّى و وصل لتلافزنا الارضية و الفضائية, و تصدمت بالحق , على خاطر الكلام اللي تقال مافيهش حتى شبهة و ماعندوش حتى تفسير آخر, لانو ساعات يتعدي كلام في التلفزة و يبرروه مبعد بانو كلام عادي في بعض جهات الجمهورية , اما كلام كحلوشة البارح يعتبر من الكلام البذيء المتعارف عليه و الفصيح ...

باش الواحد ما يظلموش المسكين , على خاطرو هذاكة حد عقلو و ماعندوش قاموس آخر ينجم يستعملو ف حاولت نلقى المبررات للي صار , قلت ممكن التقني اللي يعمل المونتاج موش تونسي (مايفهمش كلامنا الزايد) ممكن انو عامل كعيبات (حاشا الشهر) و فاقد الوعي متاعو , و ممكن فمة نية مبيّتة و المنشّط اللي يقدم في البرنامج في بالو انو الناس تحب شكون يسمعهم الكلام الزايد بعد شقان الفطر...

شاهية طيبة للجماعة الكل ..

فقتوا توا ؟؟؟

la fa9ou min 2008 ama enta fo9t tawa lool

ياخي مش في بالي الموضوع هدا قديم يحكي على رمضان العام اللي فات؟؟؟

ثمّة حاجة أخرى جديدة كثرت في مسلسلات تونس أكيد لاحظوها منكم برشا:هي كثرت الألفاظ السوقية الّي نحشم والله كي نسمعها و أنا قاعد مع العائلة كيما"بين ظفرين سامحوني"(سكّر فمك ـ سخطة ـ .....على غرار السكارى الّي عدوهم في مسلسل قناة21 و خلّي ما قال حد الحد مسلسل سامي الفهري مخدرات )حالة والله صحيح فيها برشا جرأة لكن ماهياش مسلسلات متاع شهر رمضان ولاّ متاع لمّة عائلة عييييييييييييييب والله