هل من العيب أن يساعد الرجل المرأة في تنظيف المنزل ؟؟؟

مافيهاش عيب

 واكيد يرجع تاعب من خدمتو

وزيد يغسل المعين  ابصراحه افضايح

:rendeer:
ena bsara7a manrich faha 7ata 3ib lemra tawa te5dim kifha kif rajel lbara ya3ni mafama 3lech bech t3ab lkol yji 3leha hia wa7id'ha en plus elmathal y9oul "7mel jma3a rich" ya3ni ma5erich men enhom yet3awnou

كل السيدات
ستقلن لك ما فيهاش عيب
إسأل بني جنسك

كل السيدات
ستقلن لك ما فيهاش عيب
إسأل بني جنسك

لا حول و لا قوة الا بالله
هل وضعت الموضوع في منتدى خاص بالنساء فقط???

حتى يكون هذا جوابك

الموضوع موجه للرجال و النساء

و من اعطاك الحق لتتكلمي بلسان كل النساء...اقرئي رد Moutif و ستعلمين خطاك

دعي باب الحوار مفتوح بارك الله فيك

Moutif2010 كتب:مافيهاش عيب

واكيد يرجع تاعب من خدمتو

وزيد يغسل المعين ابصراحه افضايح

علاش فضايح؟؟
حتى المرا تروح تاعبة من خدمتها !!
اش فيها كان واحد طيب الفطور ولاخر غسل الماعون؟؟
وشنوة فيها كان بدل كوش ولدو؟؟
.....
هاي ولت عندهم نفس الوضعية توة الزوز يخدموا
اش معنتها فضايح؟؟ بربي ثبتوا من معنى الكلام قبل لا تقولوه
فضايح جملة!! ;)

ها أنا من بني جنسه يا هيفاء وأؤكد انه لا مانع في ذلك
زلكم في عمر بن الخطاب خير مثال على
ذلك للذين يدعون أنه من العيب على الرجل أن يساعد في شؤون المنزل-فقد أتاه رضي الله عنه رجلا ليشتكي له من امرأته التي تصرخ في وجهه على ما أعتقد فرجع دون من الباب دون طرح سؤاله
فلمحه عمر وناداه قائلا ما بالك وصلت أمام بيتي ثم ما لبثت أن قفلت راجعا؟
فقال له الرجل كنت انوي اشتكاءك زوجتي فسمعت من زوجتك ما هو أعظم
فأقنعه رضي الله عنه بأنهن يتعبن في تسيير شؤون المنزل ولا باس إن فرجن عن همومهن ولو كان ذلك حلى حساب الزوج
طبعا الرواية بتصرف لكن المهم المعلومة توصل ثم الرسول الكريم صلوات الله وسلامه عليه أولى بالاتباع وهو القائل خيركم خيركم لاهله وانا خيركم لأهلي
وفي الختام ليس من الرجولة بمكان أن نمارسها ضد أي إمرأة فما بالكم بالزوجة
هذا طبعا رأيي الشخصي

houwa mech 3ib ama thama 9adhya men 9adhya ya3ni ken y3awenha fi ta5mil eddar wella chadan es8ar 3adi ama ya8sel el ma3oun w y7arek etanjra fi ra2yi mech bahiya fi 7a9 errajel . En fin de compte el mra leha ken darha w ken kol mra tched darha rak ma talga 7ata mra ta3ba fi el9adhya w ma talga 7ata rajel batal

و أغلب نساء اليوم
تتمنين
أن كل الرجال كالعنيد
مشكور العنيد على السراحه راحه
كذلك هيفاء

lambadouza كتب:

مشكور العنيد على السراحه راحه

صعيبة ياسر الواحد بش يقول راني نعاون في مرتي تطلب واحد صريح وجرئ

مافيها شئ يا ولادي يزوا بلا عقد

هو راهو كان تجي تشوف ماهوش عيب باش الراجل يعاون مرتو في الشؤون المنزلية ..
اما يا خويا من غير تخلويض .. كل واحد عندو مهامو و عندو ال "تاش" متاعو ..
.. تو الراجل عنده خدمته و زيد عليها لاهي بالشؤون الخارجية من سبيسة و خضرة و لحم و ما لازم .. و بالنسبة للمرا باينة المهام متاعها : التطييب و التنظيف وغسلان الماعون و تبديل الكوش و ...

melody كتب:اش فيها كان واحد طيب الفطور ولاخر غسل الماعون؟؟
وشنوة فيها كان بدل كوش ولدو؟؟

و الله هاذاكا اللي مازال ناقص الراجل كان تبديل الكوش !! تلقاه مسكين خاسر عليها 20 مليون و كريديات و ما يعلم بحالو كان المولى سبحانه و تعالى و يزيد يروح من الخدمة في عوض يفطر و يرتاح و يتكا مشوار .. ترصيلو مسكين في غسلان ماعون و تبديل كوش !! لا شبيه ماخذ مرا ولا كواترو .. ملا بيعة هذي ..
برجولية المراة اللي معملة على رجلها (ولا حتى عندها مجرد نية) في تطييب ولا في غسلان ماعون ولا تبديل كوش ..من رايي انا تشد دار باباها خير على الاقل في دار باباها هاني مرتاحة حتى من تبديل الكوش ..

melody كتب:حتى المرا تروح تاعبة من خدمتها !!
هاي ولت عندهم نفس الوضعية توة الزوز يخدموا

مالا بربي اش يقولو النساء(جداياتنا ربي ان شاء الله يرحمهم دنيا و اخرة) تلقاها ايد في الطابونة و ايد في تطييب الفطور و ايد في تقميط ولدها و ايد في غسلان الحوايج و ايد في لمان الحطب و ايد في تطليع الماء من البير .. و مستحيل كان تسمعها تتشكا ولا تتبكا.. بصراحة حتى بنيات توا ياسر كثرولها من الدلال .. قال اشنوا هاي تروح تاعبة من الخدمة .. بالكش تعدي في نهارها في خدمة المرمة و صبان الدالة وانا ما فيباليش !! تي ماو يا تلقاها استاذة و لا معلمة تعملك في 18 ساعة في الاسبوع ولا تلقاها تخدم في ادارة بيرو و ارديناتور و كلمياتيزير ينفخ .. برجولية حتى احنا ياسر دللنانهم .. اكثر من قيمتهم .. ادمجناهم في المجتمع و في الحياة المهنية ولاو موش حامدين ربي .. و زيد فوق هذا الكل طامعين في الراجل باش يغسللهم و يكوشلهم .. بنات تو خيارهمش شادين الدار .. لا خروج و لا دخول و لا حلان عينين ..
شفتو كيفاش في الاول جيت مع المرا و مبعد تقلبت عليها .. هانو باش نرضي الاطراف الكل ولا من يتغشش من كلامي
اما راهو كان تجو للرسمي .. هاذاكا هو الواقع المر متاع المراة وما يلزمناش نهربو منه..

soujoud كتب: ..ولا اتقاسموا مهام الدار ..ملة حالة وملة انانية ..

اختي سجود راني ما قلتش حاجة غالطة ..
انا زادا نشجع على تقسيم مهام الدار..
لكن لازمها تكون على هذا النحو : القضيات البرا للراجل و القضيات اللي فست الدار للمرا بما فيهم الغسيل و التطييب و تبديل الكوش بطبيعة الحال ههههه
و هكا تكون قسمة معتدلة الموازين بين الزوجين و يا دار ما دخلك شر

3ajej كتب:

إعانة المرأة في شؤون المنزل ما فيها باس أما في حالات قليلة
مثال: المرأة تكون مريضة ميسالش نطيبو ونغسلو الماعون وإلا مرّات الواحد يبدا زاهي ماعندو مايعمل هانو يعاونها
أما باش تولي الحكاية دائمة يبطى شوية وعيب حتى على الراجل كيف تبدأ شرط باش يعاونها
مرّة في الأسبوع أو في حالات قصوى مافيها باس

هوما يا سيدي النساء حبو يردوها الحكاية حق مكتسب وواجب وطني مقدس و شوف اخت سجود شنوا قالت : حاجة من الاثنين يا تخدم وتجيبلكم الفلوس يا تخدملكم في الدار .. شويا اخر تو تولي الحكاية بند اساسي ولا فصل في مجلة الاحوال الشخصية .

foued كتب:

لكن لازمها تكون على هذا النحو : القضيات البرا للراجل و القضيات اللي فست الدار للمرا بما فيهم الغسيل و التطييب و تبديل الكوش بطبيعة الحال ههههه
و هكا تكون قسمة معتدلة الموازين بين الزوجين و يا دار ما دخلك شر

انا واللهي مافهمتش شبيها عجباتك كان كلمة تبديل الكوش
ماقصدتش تبديل الكوش يلزم تكون من مهم الراجل اما انا اخترتها هي بالذات نقصد انو اي حاجة تقوم بيها المرا راهو حتى الراجل مافيها باس كان يعملها
ياخي عيب بربي؟؟
وكان على الحانوت هاني مالا كل يوم انا نمشي للحانوت ونشري الخبز والخضرة واللحم ومايزيش نروح للدار نسيق ونغسل الماعون
وزيد انا نبدى نسيق وهوما داخلين خارجين تزيد ترجع الدار كيف ماكانت
وهذاكه طيبيلي قهوة ولاخر حطلي حوايجي في الدوش ...