حاملو الشّهادات العليا (الحلم والواقع)

تذكير بمساهمة فاتح الموضوع :

في الحقيقة الفكرة ليست فكرتي ولست انا من كتب الموضوع اما حبيت ننقلهولكم على خاطر قلبي معبي
فبجاه المولى اعطوني رايكم وبردولي على قلبي
---------------

ليس من أحد يستطيع
انكار هذا المشكل الذي يسببه حاملو الشهادات العليا العاطلون عن العمل،
فهم بعد سنوات دراسة طويلة تهرّأت فيها سراويلهم على المقاعد، يتخرّجون
بأحلام كبرى يحملونها، وأفكار يحملونها ويسعون إلى تطبيقها في الحياة
العمليّة، ولكنّ الواقع يصدمهم بسوق شعل أغلقت أبوابها وأرتجت في وجوههم..
ومثلما امتلأت بهم الكليّات أمس ولفظتهم، امتلأت بهم مكاتب التّشغيل
اليوم، وهي ليست تقدّم إلاّ فرصا ضئيلة مقارنة بأعدادهم المتزايدة..
تدهور نفسيّ يصيبهم، وأحلام تصير سرابا، والسّنوات تمرّ سراعا ولا مخلّص من هذا الوضع..
ما هو السّبيل إذا؟؟
هل يمكن القبول باستغلال الشّركات الخاصّة التي لا تقدّم إلا راتبا يضمن
حياة الكفاف وأحيانا دون ذلك؟؟ وهل من الضّروريّ اليوم مواصلة الدّراسة
للحصول على شهادة؟؟ أم إنّ التكوين المهنيّ يمكنه أن يحلّ المشكل؟؟ وهل إنّ
حاملي الشهادات العليا متسبّبون في ما صاروا إليه نظرا لاختيارهم لشعب لا
تضمن لهم عملا؟؟ (هكذا يقول البعض ممن حادثتهم ولامني سابقا) أم إنّ كلّ
الشّعب في الهمّ شرق ويجب البحث عن حلّ جذريّ للأزمة؟؟؟

عندك حق ميلودي الموضوع موش خاص كان بجماعة الكاباس بركا الاف الشهائد من تقني سامي من مهندس من معلم تي حتى المعلمين ولات بكاباس اخرى
خلي عاد الممرضين ولات واسطات عيني عينك
ربي يقدر الخير و برا

نحب نوضح حاجة على رد الاول
مستحيل كان المراة باش تسلم في خدمتها اما حبيت نعملها تفدليكة باش نتحاورو الكل و تفيقو باهمية الموضوع و نحاولو نعاونو بعضنا للمشكلة العويصة و الخطيرة الي برشا ناس موش حاسين بيها
خدمة المراة لازمة و الف لازمه
اما المشكل تجي تعمل مطلب يطلب منك شهادة خبرة ماهو في الاول اقبلونا خدمونا و اعطونا الحبرة و مبعد تشرطو
اما بالنسبة لللاخ المشارك باسم

THEOREME كتب:

عند حضوري في الإصلاح لأحدى الإختصاصات في مناظرة الكاباس
والله قلت ظاهرلي ثمة بارشة طلبة يستاهلوا البطالة
تصوروا بعد شهادة الأستاذية 4 سنوات أو أكثر تعليم عالي
ويرجعو ورقة الإمتحان فارغة ومستوى منحط ؟؟؟
أشكون نلوموا في الحالة هاذي أنا نعرف اللي يحب ينجح
خاصة في الكاباس يلزم يشرب البرنامج شربة ماء معناها مليان
ويا ربي يسلكها وقتها يكون ضمن على الأقل 20 في المائة من النجاح
ومن بعد يحكي على التدخلات ووووو
موش أنت جاي فارغ ومن بعد يبدأ يتشكى
هل أصبحت شهائدنا مزورة ؟؟؟؟

يا اخي موش معقول الي كتبته انو احنا نجو فارغين و مبعد نقول شهايد
مافماش اي طالب ينجم ياخد شهادتو من غير ما يكون دارس و يستحق الشهادة متاعه ولا هكا تولي بلاش بيها القراية عاد
اي انسان حامل لشهادة الاستاذية يكون جدير بحملها و مسؤول بها و ليس من حق اي كان ان يشكك في نجاحه راهو دافع 4 سنين من عمره و 4 سنين تعب و سهر و تحضير و تغصوير موش هكا مشى شراها من السوق
لكن الوضعية متاع الكاباس هي الي موش مفهومه و نحب نقللك انو QCM
اختبار عادي و لازم اي واحد يعمر كل الاسالة و يتصلح بالكمبيوتر ما فماش اي حد يعطي ورقتو فارغه
و خلي عليك هاو نجح في الاول يبقى احتبار ثاني و ثالث يعني ندور في حلقة وحده من اسئلة الي كتابي الى شفاهي و خلي عاد من الرشاوي و الوساطات الي تدخل وسط الدائرة هذه
و الي ماعندو جهد وسط الاكتاف هذه ما يلقى شى و يقعد يدور على روحه لين يفيق يلقى العمر تعدى و ماعمل شى انا شخصيا تو 5 مرات عديتها الكاباس و شى
لازمنا حل بصراحة لمشكلة الدائرة متاع الكاباس ولا يعملو حل اخر لانو الاف الاف قاعدين غيري عداها اكثر من 10 سنين

هيا تو طولت عليكم الي حديث اخر انشاء الله
اما حبيت نوضح للاخ تيوورام على كلامو على جماعة الكاباس انو موش صحيح
الشهادة ما تعطى كان بعد 4 سنين قراية و اختبارات و امتحانات و تصليح

Like a Star @ heaven

THEOREME كتب:

عند حضوري في الإصلاح لأحدى الإختصاصات في مناظرة الكاباس
والله قلت ظاهرلي ثمة بارشة طلبة يستاهلوا البطالة
تصوروا بعد شهادة الأستاذية 4 سنوات أو أكثر تعليم عالي
ويرجعو ورقة الإمتحان فارغة ومستوى منحط ؟؟؟
أشكون نلوموا في الحالة هاذي أنا نعرف اللي يحب ينجح
خاصة في الكاباس يلزم يشرب البرنامج شربة ماء معناها مليان
ويا ربي يسلكها وقتها يكون ضمن على الأقل 20 في المائة من النجاح
ومن بعد يحكي على التدخلات ووووو
موش أنت جاي فارغ ومن بعد يبدأ يتشكى
هل أصبحت شهائدنا مزورة ؟؟؟؟

باش نصححلك معلوماتك يا أخي

إلي حضرتلهم في الإصلاح لأحدى الإختصاصات في مناظرة الكاباس ماهمش طلبة , على خاطر أقل مستوى في المترشحين للمناظرة عندو الأستاذية من وزارة التعليم العالي, ما نحكوش على إلي عندهم ماجستير, و ماكش انت باش تقيمهم على الشهائد المتحصلين عليها.

و أنا في بلاصتك ما نلوم حد, على خاطر حتى لو كان يشربوه هالبرنامج , و لو أنو ما فيه ما يتشرب لأن الناس الكل مليانة, ما همش باش ينجحو الناس الكل على خاطر مرات تلقى اختصاص طالبين منو 5 أشخاص و المترشحين بالآلاف . و هنا يجي عمك Piston بجميع أشكالو و أنواعو و يخلي الزوالي في التسلل.

و حاجة أخرى زادة أنا أشكك في مصداقية الكاباس و خاصة في اللإختبار الشفاهي.

و ربي يهدينا و يهديكم و ينجحنا و ينجحكم و يعطيكم ما تتمنوا
Laughing

و الله كلامكم ناسين فيه أهم حاجة إنو فما خالق لهل الكون و إنو سبحانه هومقدر الأرزاق و إلي كتبتله خدمة تجيه و الله من غير حتى معارف خاطر يلزم تعرفوا إنو الإسلام من التسليم بأمر الله واللي يخلي ثقته في ربي و يحسن الظن ربي مايخيبوش و اللي يقول الطفلة توصل لسيزيام و تحبس هذا مش حل الرسول صلى الله عليه و سلم قال إطلبوا العلم من المهد إلى اللحد يزوا متشائم و تذكروا إنو كل شيء بعلم

همس الندى كتب:
و الله كلامكم ناسين فيه أهم حاجة إنو فما خالق لهل الكون و إنو سبحانه هومقدر الأرزاق و إلي كتبتله خدمة تجيه و الله من غير حتى معارف خاطر يلزم تعرفوا إنو الإسلام من التسليم بأمر الله واللي يخلي ثقته في ربي و يحسن الظن ربي مايخيبوش

اش باش نقلك
شئ من الله وشئ من عبدالله زادة
حتى احنا هانا مخلينها على ربي

éna na9ra radiologie esné nkammel 3ème année
eltawa manich 3arfa chnouwa bech na3mel kif nkammel kol chay nal9ah msaker fi wejhi
9olt nhel na5dem wahdi 9alouli lé mat7el ken kif yebda m3ak tbib t7el
enti w yeh
w barra rani 7allit m3a tbib a7na el matriel illi na5dmou bih ghali barcha wena manich bent wzir bech na9der 3lih a9al materiel b 50 malioun wyelzmou maintenance w dara chnouwa w barra men hek la7keyet
9olt nkammel 9rayti mal9it mankammel ken nkammel 2ème sycle w twalli 3andi maitrise sciences hia hia w nemchi lel capes chnouwa bech na3mel biha
w jme3et sciences tbarkallah yotlbou fihom barcha ^^
manich 3arfa lweh na9ra ltawa
éna 3andi bac sciences kont nheb na9ra medecine ye5i allah ghaleb manja7t ken b 13 moyen fil bac manel9a 9oddemi ken essa7a
ma3netha elwehed msakra fi wejhou mel bac

تعرف يا Melody
ليغيض في هل كلام لقريتاه لكل إنو هذا يأكد نولعباد ولت تشوف إنوفلين و علين هوورا الخدمة ونسوا إنو كل شيءمقدرمن عند ربي و هذا يذكرني في علامة من علامة الساعة و اللي هيا الدابة لتكلم لعباد عن اليقين خاطر لعباد نست إنو كل لأمور ترجع إلى الله

مع كامل احتراماتي وتقديري لاصحاب الشهادات العليا نشوف انها المشكلة فيهم موش في النظام والا الدولة
صدقوني مانيش نبروفوكي في حتى واحد اما ولى عهد الخدمة في الوزارات والتشكي والبكاء امام مكاتب التشغيل،توة الي ما يحبش واالا ما ينجمش يخدم مخه ويدور دولابه ما يلقاش بلاصته في المجتمع
والله نحير انا في استاذ والا تقني ويقلك ما فمش خدمة,زادة ما نتصورش بش يجوه بجبهية للدار بش يتسحلوله على الخدمة
ردا على كلام ميلودي وقت الي قالت وكان تلقى شهرية ب 100د تخدم
نقلها يا ميلودي نعرف واحد مزال يقرى ويخلص في 250د مقابل 4ساعات عمل في اليوم في شركة مصدرة في قفصة,يعني وكان ما جاش يقرى راهو يخدم8س في اليوم ويخلص 500د
يعني يا ميلودي ما تخليش الياس يغلبك وفتشي وخدمي مخك,وانا نتصور مخك الي وصلك للاستاذية ماهيش بش تكيده يدبرلك خدمة

قفصية حرة كتب:[
انا نقلك حاجو وحدة اعمل طلة على القاب اللي نجحو في الكاباس و منبعد تو نحكو

والله خويا نجح في الك سي ام، وحتى لفبنا ماهوش الطرابلسي كانك تقصد هكة
اختي العزيزة الدنيا ما تظلمش والي يستحق تعطيه والي ما يستاهلش ربي يصبره
وفل لن يصيبنا الا ما كتب الله لنا هو مولانا وعليه فليتوكل المؤمنون

من طرف **MELODY** الخميس 9 أكتوبر - 10:39

levioloniste01 كتب:
والله خويا نجح في الك سي ام، وحتى لفبنا ماهوش الطرابلسي كانك تقصد هكة
اختي العزيزة الدنيا ما تظلمش والي يستحق تعطيه والي ما يستاهلش ربي يصبره
وفل لن يصيبنا الا ما كتب الله لنا هو مولانا وعليه فليتوكل المؤمنون

موش خوك نجح معنتها اكاهو حتى انا خواتي نجحوا وماعنا كان وجه ربي
كي يبدا عندهم قسم مسهللهم فيه ربي راهو مايفكوا حد
وكي نقلك راهو فمة شكون نعرفو انا ابهم من البهامة ونجح راني منيش نكذب عليك
وتقريبا اللي نجحوا السنة فيهم كان 2 نعرفهم انا يستاهلوا والباقي شكارة ولوح في البحر

من طرف **hadhoud** الخميس 9 أكتوبر - 11:04

انشاء الله بالنجاح للناس الكل
اما خويا فيوليست راهو موش بالضرورة الانسان نجح في الكا س م ساي معنتها هز الكاباس مازال الخدمة ياسر مازال الكتابي الي اصعب و مازال غصرت الشفاهي الي تدخل فيها برشا حوايج معنتها الواحد ما يصدق و يقول نجحت ساي في الكاباس كان كي يلقى روحو يباشر الخدمة في القسم برشا نعرفهم وصلو حتى للشفاهي و ما نجحو و رجعو كيما قبل نفس الحاجة

احنا نقول انشاء الله خوك يهللو ربي و ينجح
و راهوكل واحد يهز كان الي كاتبلو في الدنيا هذه الفائدة الانسان يصبر بركا و الفرج من عند الله

من طرف **MELODY** الخميس 9 أكتوبر - 11:33

levioloniste01 كتب:مع كامل احتراماتي وتقديري لاصحاب الشهادات العليا نشوف انها المشكلة فيهم موش في النظام والا الدولة
صدقوني مانيش نبروفوكي في حتى واحد اما ولى عهد الخدمة في الوزارات والتشكي والبكاء امام مكاتب التشغيل،توة الي ما يحبش واالا ما ينجمش يخدم مخه ويدور دولابه ما يلقاش بلاصته في المجتمع
والله نحير انا في استاذ والا تقني ويقلك ما فمش خدمة,زادة ما نتصورش بش يجوه بجبهية للدار بش يتسحلوله على الخدمة
ردا على كلام ميلودي وقت الي قالت وكان تلقى شهرية ب 100د تخدم
نقلها يا ميلودي نعرف واحد مزال يقرى ويخلص في 250د مقابل 4ساعات عمل في اليوم في شركة مصدرة في قفصة,يعني وكان ما جاش يقرى راهو يخدم8س في اليوم ويخلص 500د
يعني يا ميلودي ما تخليش الياس يغلبك وفتشي وخدمي مخك,وانا نتصور مخك الي وصلك للاستاذية ماهيش بش تكيده يدبرلك خدمة

اش بش نقلك يا فيولونيست ياخويا مايمشيش في بالك اللي احنا زادة حابسين ماناش نلوجوا على خدم
وكان نحكيلك انا الحق اول ماكملت قرايتي الخدمة هذي منحيتها من مخي اول حاجة منيش مستحقتلها وثاني حاجة قلت ياخي الواحد مادام كمل قرايتو صغير علاش مايكملش يقرا ياخي الاستاذ راهو ماعادش حاجة كبيرة لا من ناحية الاسم ولا من ناحية الشهرية
اية قدمتش مطالب بش نعمل ماجستير
قدمت حكاية 3 مطالب الحق ماقدمتش في البلايص الكل وقتها مازلت عاجبتني روحي وفمة بلايص تكبرت عليهم وقلت لا شبيني نمشي نقرا فيهم وقدمت مطلب واحد متاع انجنيورا هذا الكبوط الاول اللي كليتو مارجعوليش الحصيلو ترجعلي كان l'enis متاع صفاقس بش نعمل انجنيورا
طفيت عليها الضوء وقتها منيش حابة نكمل انجنيورا وانا راسي كاسح شوية حطيت في مخي الماجستير اكاهو
مامشيتش قريت
وبعدو مشيت عملت مطلب متاع فورماسيون 21-21 اية قبلوني وهبط اسمي في الولاية في كل شهر نمشي نعمل طلة يقولولي الشهر الجاي اخر مرة مشيت قالولي رانا الغيناها الدورة هذيكة
قلت نعمل CVP انا هكاكة وكلمني وليد قرا معايا قالي غدوة تجيب نسخة من شهادتك ونسخة من بطاقة تعريف هاي عندك خدمة تستنى فيك في المجمع الكيمائي متاع المظيلة وعطاني نومرو قالي كلمو كلمتو الحصيلو حللي في الجنة ذراع زدت نهارات طلعت CVPموش خدمة قلت خير من بلاش وبعد طلع حتى يطيح المرشي ولا شنوة والى يومنا هذا لتو ماريت شئ لقيت درا قداش من خدمة موش تابعتني وموش في اختصاصي وماحبيتش وب 250 دينار و ب 300 و ماحبيتش نخدم هاي garderie هاو درا شنوة انا ماحاجتيش بيهم نحب نثبت ذاتي لاني منيش نفتش على الفلوس
وكان جيت نفتش على الفلوس هاو عنا مكتبة قالي بابا بنيتي مازلت كان انت ماتهنيتش عليك انا وامك شهريتي تزينا وتفضل هيا نكتبهالك باسمك وبشوي بشوي رده دبو متاع سلعة قتلو ياباب لا راني التجارة هذي ما عنديش فيها
الخدمة الوحيدة اللي ضيعتها ممكن عمناول دبرت خدمة في الحاضنة متاع المشاريع في ال iset برشة عليا كل يوم نمشي لزروق
واللي بش نهزو شهرية الكل يمشيلش ركوبات بالرغم بابا قالي الركوب عليا انا اما الكلها تعب في تعب ما حبيتش نخدمها وكليت بلحق سطاكة من بابا
اخر حاجة ماجستير قفصة عام كامل وانا نستنى فيها وقتاش بش تهبط لاخر لحظة وهي مافماش عديت الكاباس ومشيت لتونس نبدل في الجو انا مشيت وقفصة ولت عملت ماجستير روحت نلقى الاجل متاع الترشح فات شوف كيف تبدا عاكسة كيفاش وبعد قالوا هام عطوها الكلها بالمعارف وموش مشكل انا كا ن قدمت عندي شكون هانو secrétaire général ولد عمة امي وعندي الف واحد وواحد ينجم يتدخلي غير الله غالب موش كاتبة، ان سألتم الله فاسألوه البخت
توة هاني وليت نفتش على cours de soir في تونس ولا صفاقس ولا في اي بلاصة متاع انجنيورا ونتمنى تجيني في تونس بش الصباح نخدم والعشية نقرا
انشاء الله هذي تكتب
هاك تشوف الحلول الكل عملناها والنافع ربي
كيف تبدى حاجة موش مسهل فيها ربي راهي مستحيل بش تجي خدمت مخي ولالا ما خدمتش لوجت على خدمة ولا مالوجتش..

taw elli ma3andachi ktaf ymathmeth ana 3andi license w bech 2eme cycle b7el tayda5louni ne5dem wa9t elli maystahlouch 9eblouhom w ga3din ya9rou w ana hani cheda edar w l'internet famech manalga concours wella 7aja tasla7.wallah mella tholm

السلام عليكم

كان تحب تخدم مشى حاجة اما باش تدخل هكاكا ماضهرلي قليل كان عندك اشكون يمكن يمكن تخدم اما كان مفما حد يمكن تقعد بطال اذا ماخدمتش مرمة انا واحد من الناس نحمد ربي كي بطلت علا بكري هههههههههه اما خير نموت بالتعب والا نموت مقهور اما ربي يكون معاهم الي خذي شهادة وقاعد في الدار حقهم يسميها شهادة بطال
فما حلات موجودة طبيب عندو باك ويخدم علا خاطر بوه مدير المستشفى ويعرف اشكون
فما برشا حلات موجودة كلهم اكتاف عندك اشكون تخدم ماعندكش شد الدار والا مشى 5 كيلو كان ماعندكش هذا
الحاصيلو ربي مع الزوالي والي مالقاش خدمة ربي ادراى بحالو
وربي معاكم انا خاطيني ها الشهدات العليا والا الكباس ولا بسباس الحمد الله من خدمة عندي 2 يزيني
اما بربي ملاحضة حتى الي ماعندوش شهايد يتكلم علا روحو انا مستعد نلوجلو علا خدمة في الساحل
والسلام

القسم بيد ربي
و إلي كاتبتلو خدمة , باش يخدمها و ما تنفع لا أكتاف و لا غيرو
عملو على ربي و أقرو على أرواحكم و ربي ينجحكم

القسم بيد ربي

choc1907 كتب:
القسم بيد ربي
و إلي كاتبتلو خدمة , باش يخدمها و ما تنفع لا أكتاف و لا غيرو
عملو على ربي و أقرو على أرواحكم و ربي ينجحكم

القسم بيد ربي

:geek:

هذا الوضع تزامن مع بروز تحوّلات عميقة في المنظومة الاقتصاديّة العالميّة
المتّسمة بهيمنة النموذج اللّيبرالي و سيادة اقتصاد السوق، و أمام هذه
التحوّلات بدأنا نلمس تبدّلا في تدخّل الدولة، فقد شهد هذا التدخّل تقلّصا
حوّلها إلى مجرّد طرف من ضمن أطراف أخرى داخل سوق الشغل ،وهي بهذا المنطق
غير ملزمة بانتداب كلّ طالبي العمل، فهي تكتفي بانتقاء حاجتها من الكفاءات
في القطاع العامّ لتترك البقيّة من طالبي الشغل يتقدّمون للمؤسّسات
الخاصّة الإنتاجيّة منها والخدميّة، أو يسعَوْن إلى تأسيس مشاريع خاصّة في
إطار ما يُعرَض عليهم من آليات إدماجية وأنساق تشغيلية تصبّ في خانة العمل
المستقلّ الذي مازال أغلب الشبّان الخرّيجين لم يضعوا فيه ثقتهم بعد ،
فالمشروع الخاصّ بالنسبة إلى البعض منهم لا يعدو أن يكون إلاّ حلاّ لجؤوا
إليه اضطرارا لا اختيارا، وهذا السلوك يتباين مع المنطق الجديد للدولة
الحاثّ على بعث المشاريع و تنشيط نسق المبادرات الخاصّة ، ولعلّ في هذا
الإطار تتنزّل التوصيات الجديدة الداعية إلى ضرورة إدراج مادة " بعث
المؤسّسات" في كلّ شعب التعليم العالي بما فيها شعب الآداب و العلوم
الإنسانية أملا في أن يكون المتخرّج متشبّعا بفكرة بعث المشروع الخاصّ
ملمّا بأساليبه و تقنياته، و حتّى لا يبقى رهن فكرة اللّهث وراء شغل قارّ
(في القطاع العمومي خاصّة)
يبدو جليّا أنّ عدد الطلبة بتونس تضاعف أكثر من 150
مرّة منذ الاستقلال، و هو ما يطرح تحدّيا حقيقيّا يتمثّل في التدفّقات
العدديّة الكبيرة على سوق الشغل من بين الشرائح العمريّة الشبابية، و
التقديرات تشير إلى أنّ حاملي الشهائد الجامعيّة سيمثّلون ثلثيْ طلبات
الشغل سنة 2009
. لكنّ هذا التزايد في أعداد الخرّيجين من أصحاب الشهائد الجامعية اصطدم
بانحسار سوق الشغل و تراجع الانتدابات في القطاع العمومي في ظلّ المنحى
التصاعدي الذي اتّخذه انخراط تونس في الاقتصاد المعولم، هذا الانخراط الذي
سرّع من نسق الخصخصة Privatisation و فرَض سياسة ما يُعرَف بتطهير
المؤسّسات Assainissement التي ساهمت بدورها في تشريع اعتماد أسلوب تسريح
العمّال كإحدى الحلول للضغط على النفقات و تجاوز الصعوبات و مجابهة واقع
المنافسة الذي اقتضته الظروف العالميّة الراهنة المتّسمة بالتّخلّي
التدريجي عن أسلوب الاقتصاد المحمي من قِبل الدولة. إنّ انضمام هؤلاء
المسرّحين إلى صفوف العاطلين يُؤذِن بصعوبات اجتماعيّة جمّة، فالكلّ يعلم
ما لظاهرة فقدان الشغل من آثار سلبية على الفرد و المجتمع سمّاها " Marcel
Pochard " بـ " كارثة فقدان الشغل " بسبب معاناة فاقد الشغل من الإقصاء و
التهميش و العوز المادّي ،
هذا إلى جانب كون المسرّحين سيكونون في وضع المزاحم الجدّي لطالبي الشغل
من الخرّيجين الجدد على اعتبار ما يتوفّرون عليه من خبرة محبّذة لدى عارضي
الشغل. .
Like a Star @ heaven

من طرف **safi** الإثنين 20 أكتوبر - 23:16

ya melody 3andek el 7a9 fi ay kalma goltha rabi m3ak w akid tawa eji nhar etsalekha w tab9a el ayamat hathi kan thekrayet

في سنوات السبعينات والثمانينات كانت الدولة في حاجة لمن يسد شغورات الوظائف ، وكانت الدولة مسؤولة مسؤولية مباشرة على تشغيل رعاياها .
ولكن منذ التسعينات ، نفضت الدولة يديها على هذا الأمر ، نظرا للتحولات الاجتماعية التي طرأت على المجتمع ، وللتحولات الاقتصادية العالمية .
" [ وربي انشاءالله يجيبلكم القسم والخدمة " ]
ودمتم متألقين دوما .

من طرف **coucou** الخميس 15 يناير - 17:28

on attend le Capes!!!

Pour moi j'ai fais 4 ans après le bac et durant ces 4 années pendant l'été je travaillé comme étant saisonnier dans une société publique, à la fin j'ai une expérience suffisante pour travailler dans ce secteur. Mais j'ai pas été convoqué.
Juste après le maitrise, j'ai fais une formation en langue étrangère pendant 6 mois, mais j'ai pas eu le diplôme car au même temps j'ai été convoquer pour passer les épreuves orales du CAPES tunisien avec l'oral l'histoire s'est terminée là: j'ai pas été admis. Les résultats sont affichées en mois de juin. Le premier juillet de la même année j'ai signé un contrat de 12 mois avec une société privée. Travaillant la nuit je pouvais m'inscrire en mastère ici à Gafsa, je travaillé la nuit et le matin je vais à la faculté. J'ai réussis le mastère 1, et la durée du stage de 12 mois est terminée, j'ai resté 7 mois sans travail, juste entrain de préparer le sujet de mastère qui été en collaboration avec le groupe chimique. Et dieu merci j'ai, encore, signé un contrat de travail aussi dans le secteur privé d'une durée de 6 mois, cette société je l'ai choisis car elle est dans le même domaine que mon mastère. Hhii j'ai trop parlé, mais j'ai fais ainsi pour vous dire, mes amis(e), que l'essentiel c'est la carrière qu'on fait, les différents expériences qu'on acquière, les problèmes qui nous bouchent le chemin et qu'on doit les dépasser, oui pour le travail, on va tous un jour avoir le travail qu'on mérite, mais il ne faut pas se plaindre et il ne faut pas non plus se culpabiliser et ne jamais arreter son avenir sur le CAPES tunisien et enfin, oublier moi ce mot (chômeur) car c'est pas bien de se qualifié ainsi, c'est comme ci on perd tout d'un coup l'espoir, et c'est pire que le chômage lui même

foued كتب:
العنيد كتب:آش عمل سي خونا خذا مرا - دعني ألطف العبارة شوية-:متوسطة الجمال -وما ابعد وصفي عن الحقيقة-
تقول انت خذا ولد عمه .. عرفتك اشنوا تقصد .. ماهو فما اشكون ياخذ مرا و فما اشكون ياخذ ولد عمه

موش حرام الكلام اللي تقول فيه ياخي اللي موش مزيانة تقعد في دارهم وموش لازم تأخذ راجل

من طرف **سمير** الإثنين 8 مارس - 17:56

حاملو الشّهادات العليا (الحلم والواقع) - صفحة 2 P-eco-n20-3cl09-06-2009

تونس ـ الصباح ـ يتواصل تنفيذ البرنامج الخصوصي لادماج اصحاب الشهادات العليا ممن تجاوزت فترة بطالتهم ثلاث سنوات عبر تكثيف المبادرات مع المؤسسات الكبرى ذات القدرة التشغيلية العالية والناشطة في القطاع الخاص. وتشهد هذه الفترة تشريك عديد المهنيين على غرار القطاع البنكي والخدمات والتجارة والتوزيع والتسويق لانتداب هذا الصنف من طالبي الشغل وذلك في اطار عقد الادماج.
وقد افادنا مصدر مسؤول بوزارة التشغيل والادماج المهني للشباب ان عمليات التشغيل منذ بداية السنة الحالية توزعت على العديد من المؤسسات في اطار الحرص على تمكين المنتفعين من اكتساب مؤهلات وقدرات مهنية تتناسب ومواطن الشغل المتوفرة واضفاء المرونة في التعامل مع متطلبات سوق الشغل وخوض تجارب جديدة وامتلاك مهارات اضافية يمكن ان تفتح لهم ابواب النجاح ويوفر البرنامج امتيازات عديدة لفائدة طالب الشغل والمؤسسة المنتدبة حيث تنجز عمليات التشغيل والادماج بالتوازي مع تأهيل او تكوين تكميلي صلب المؤسسة او خارجها في مجالات تتوافق مع مواطن الشغل وذلك على امتداد 400 ساعة تتحمل الدولة كلفتها كما تسند الدولة منحة للمنتفع خلال فترة التأهيل بمبلغ 150د شهريا على امتداد سنة كاملة فضلا عن منحة تؤمنها المؤسسة. افاق واعدة لاصحاب الشهادات العليا في التجارة والخدمات وقد انخرطت العديد من المؤسسات في هذا البرنامج وتابعت مراحل الانتداب والتكوين على غرار غرفة الصناعة والتجارة التونسية الفرنسية التي تعهدت بدورها بادماج هذه الفئة من الشباب العاطلين عن العمل داخل 1000 مؤسسة تقريبا تابعة لها. وقد انخرط 1000 حامل للشهادات العليا في عروض شغل خاصة بالخبراء والمحاسبين بالاضافة الى مراكز النداء والتي فتحت ابواب الانتداب بشكل مباشر للعديد من الشبان وقد طرحت العديد من العروض المهمة في سوق الشغل يكفي ان نذكر ان مركزا واحدا من هذه المراكز يوفر خلال هذه السنة 700 موطن شغل من جملة 1000 موطن تم الاتفاق على توفيرها مع الغرفة النقابية لمراكز النداء. وعلى رأس قائمة المؤسسات المنتدبة تأتي شركة المغازة العامة والتي تعهدت بتشغيل 450 شابا في نطاق برنامج الادماج وقد افادنا السيد يونس الجنحاني مدير الموارد البشرية بالمؤسسة انه قد تم الى حد الان انتداب 46 شابا تسلم 53 منهم خططهم الوظيفية وقد خضعوا الى دورات تكوينية مهمة من أجل ادماجهم في سوق الشغل وقد شمل برنامج الانتداب كل جهات البلاد دون استثناء ومازالت ابواب الانتداب مفتوحة من أجل اعطاء صلاحيات أكبر للجهات في وضع وتنفيذ برامج لدعم فرص الادماج في اطار عقود برامج سنوية مع المجالس الجهوية وذلك تجسيما لاهداف الهيكلة الجديدة للشغيل لتمكين الجهات من صلاحيات اكبر لتصور وتنفيذ برامج تشغيل تنسجم مع خصوصياتها. وفي هذا الاطار انتظمت العديد من اللقاءات الاعلامية بكل الولايات للتعريف بالبرنامج الذي انطلق العمل الفعلي به منذ أول مارس 2009 ويمولها الصندوق الوطني للتشغيل 21/21 وتعد تجربة المغازة العامة حافزا هاما لبعض المؤسسات المختصة في تجارة التوزيع والتسويق والجملة وتقنيات التواصل والبيع والخدمات للمشاركة في انجاح هذا البرنامج. وقد برز في القطاع السياحي حرص على تدعيم الاختصاصات التي تسجل نقصا في التكوين والكفاءات على غرار التنشيط السياحي والادلاء السياحيين والأمن السياحي وحفظ الصحة والفنادق والمطاعم ومجال الخدمات والتسويق التجاري وقد تعهدت بدورها كل من الجامعة التونسية للنزل والجامعة التونسية لوكالات الاسفار بانتداب الف حامل شهادة عليا في السنة الحالية ممن طالت بطالتهم. بالاضافة الى تطوير فرص الادماج والعمل في قطاع تكنولوجيا الاتصال الذي ابرزت كل المؤشرات انه سيساهم في دعم الصادرات التونسية بصورة واضحة.

من طرف **hamdi said** الأحد 14 مارس - 13:32

السلام عليكم
الشغل حق لكل شاب تونسي وتكافئ الفرص مبدأ تحفيز الشباب علي روح المبادرة وتشجيعهم لتطوير مكاسبهم ومعارفهم ....وتحصيل قوتهم قصد تحسين وضعهم الاجتماعي .....و.....وانخراطنا في منظومة حقوق الانسان خير حافز علي ذلك
أخوكم صاحب المبادرة لفكرة مشروع مؤسسة خدمات اعلامية بقرية زانوش منذ 2002-2003 مريت بجميع الصعوبات الجمي من دراسة جدوي فتركيز فكرة المشروع لتحقيق نجاح متواصل و ان كان بطيئ في بعض الاحيان لعدة عوامل أكبر من طاقتي فتصور أخي طيلة هذه الفترة المتراوحة بين 2002 / أي تركيز المشروع الي حدود 2010 هنالك تنوع مطرد وصل الي حدود أربعة أفكار مشاريع بقريتنا زانوش .....مما يبطئ طليا نمو مشروعي الذي كلفني هذا الاخير مصاريف لا تحصي و لا تعد .....لو كان تجمل عندي تو قيمة الفلوس لصرفتهم في هاتلمشروع نحمل أدباتشي و نغادر لاسرائيل نعيش هناك ارحم مالقهر لنشوف فيه كل يوم ....نترجل 5 كيلو متر سير علي الاقدام باش نوصل لمقر عملي صباح وفي المساء ....وزادتت تراكمت على الديون في القباضة الجهوية ....و بعض الديون الاخري ....شنو رأئك سيدي الكريم وين يحبو يوصلوا بالضبط ....ويننو ربي لتقول عندنا علي كل خوكم بالع السكين بدمها كما يقولوا.....

من طرف **بهية** الأحد 14 مارس - 19:28

و الله كلام صحيح حاملو الشّهادات العليا (الحلم والواقع) - صفحة 2 32364

حاملو الشّهادات العليا (الحلم والواقع)

حاملو الشّهادات العليا (الحلم والواقع)

رد: حاملو الشّهادات العليا (الحلم والواقع)

رد: حاملو الشّهادات العليا (الحلم والواقع)

رد: حاملو الشّهادات العليا (الحلم والواقع)

رد: حاملو الشّهادات العليا (الحلم والواقع)

رد: حاملو الشّهادات العليا (الحلم والواقع)

رد: حاملو الشّهادات العليا (الحلم والواقع)

رد: حاملو الشّهادات العليا (الحلم والواقع)

رد: حاملو الشّهادات العليا (الحلم والواقع)

رد: حاملو الشّهادات العليا (الحلم والواقع)

رد: حاملو الشّهادات العليا (الحلم والواقع)

رد: حاملو الشّهادات العليا (الحلم والواقع)

رد: حاملو الشّهادات العليا (الحلم والواقع)

رد: حاملو الشّهادات العليا (الحلم والواقع)

رد: حاملو الشّهادات العليا (الحلم والواقع)

رد: حاملو الشّهادات العليا (الحلم والواقع)

رد: حاملو الشّهادات العليا (الحلم والواقع)

رد: حاملو الشّهادات العليا (الحلم والواقع)

رد: حاملو الشّهادات العليا (الحلم والواقع)

رد: حاملو الشّهادات العليا (الحلم والواقع)

رد: حاملو الشّهادات العليا (الحلم والواقع)

رد: حاملو الشّهادات العليا (الحلم والواقع)

رد: حاملو الشّهادات العليا (الحلم والواقع)

رد: حاملو الشّهادات العليا (الحلم والواقع)

رد: حاملو الشّهادات العليا (الحلم والواقع)

رد: حاملو الشّهادات العليا (الحلم والواقع)