سياقة النساء..كعبة لا

تذكير بمساهمة فاتح الموضوع :

بالأمس صباحا ، حملتني الأقدار لأسافر على متن سيارة أجرة [ لواج ] ....
وبعد أن انطلقت السيارة من المحطة ووصلنا داخل شوارع المدينة المكتظة بالحركة والغادي والرائح ...
توقفت حركة المرور وظللنا ننتظر لدقائق ....نظر السائق ذات اليمين وذات الشمال ... وفي مختلف الاتجاهات ....
ثم قال " [[ والله شيء عجب إذا كانت المرأة غير قادرة على السياقة فلماذا تاخذ " البرمي " وتسوق ، ولماذا تملك سيارة أصلا ؟؟؟
انظروا أمامنا امراة تسوق وهي واقفة في قلب الثنية ، وانظروا على اليمين ثم على اليسار امرأتين تسوقان أيضا وهما متوقفتان... هل سنطير في الفضاء حتى نمرّ ، آه لو كنت مهندسا فلن أنجّح أي امراة ]] " .
نظر كل الركاب الى الامام ثم الى اليسار ثم الى اليمين فإذا ثلاث نسوة يقدن سياراتهن وهن متوقفات في قلب الطريق ينتظرن هدوء الحركة المرورية للمرور .
فهل يمكن القول أن سياقة النساء... كعبه لا ؟؟؟

من طرف **foued** السبت 15 نوفمبر - 2:25

الدعاس كتب:
من طرف hanouda أمس في 23:12
ka3ba la!hadhbha w9oul gafsa lkolha rompoinet wkolhom besm bnat 5atr leti7 whiya t3adi 3 marat fnafs lblasa ytsama bsmha! hahaha.dourt soad bjnab lwilaya haha

أرد :
يا ستي بأي لغة تكتبين ...
بالصينية .. بالهندية ... بالعبرية ... بالطينية ... بالبباغاوية ... بالعطرشية ...
هل أنت عدوة اللغة العربية فصيحة أو عامية ؟؟؟؟

صبرك يا دعاس لين تجي ميلودي تو ترجمنا .. شويا عجمي على شويا قجمي تو نفهمو الحكاية شنوا

كتب فؤاد :
صبرك يا دعاس لين تجي ميلودي تو ترجمنا .. شويا عجمي على شويا قجمي تو نفهمو الحكاية شنوا

أقول :
يا فؤاد ...
هاني من البارح شاد الحيط نستنى ...
لا جت لا ميلودي ... ولا جت هيفاء ... ولا جاء باهي ...
أما ما تحل الحكاية هذي كان شيء واحد :
1 - الكتابة بالعربية فصيحة أو عامية
2- الكتابة بالفرنسية الصحيحة
3- وذراعك يا علاف ...

من طرف **bahy** السبت 15 نوفمبر - 14:41

باهي جاء اما ما عنده مايعمل من هاك العام قلت اللي مانيش الكاتب المتربع باش نفهم الهيروغليفية اما المسمارية طوال علي العاهد بيها وعادش نتفكرها
وحتى كان جيت نفهمهم اللغة هذه مستحدثة يا دعاس يعني تفهمها كان الكئنات التي تكتبها

من طرف **Iheb** الإثنين 17 نوفمبر - 0:49

يا سيدي من رأيي أنا اللي النساء يعرفو يسوقو خير مالرجال
كيفاش
أنا نتفكر روحي منين نتعلم في السياقة اللي يقلي عليه المونيتور نقلله تدلل
و زيد برشة حكايات كيما العشرة ودرجين و العلامات و كل شيء
المفيد سي الطيب ( الأنجنيور ) مدلي البروفزوار و أك اللي تعلمته كل نسيته
نسوق بيد وحدة و نتكلم بالورطابل و نجري في كل بلاصة
اما النساء ديمة مساكين يبقو متقيدين بالقوانين
اما أحنا الرجال فوضى و نحبو المرا حتى هي تسوق بفوضى
على خاطرني أنا نحط روحي في خانة السائقين المتهورين و اللي نتفكرو القانون كان كيف نشوفو عون امن المرور و لا نسمعو بالرادار في الثنية

من طرف **Iheb** الإثنين 17 نوفمبر - 0:53

أما بصراحة انا ما يقلقنيش الجنس اللطيف في الطريق
أما يفدوني المترجلين اللي مستغلين اكثر مل الألوية متاعهم في الكياس
و يفددوني أصحاب التاكسيات و خاصة صاحب التاكسي رقم 257 راني حالف نشده
يا أنا يا هو ديمة يلعب في الكياس و شاك فيه هاز البرمي بالعظام

كتب ايهاب :
على خاطرني أنا نحط روحي في خانة السائقين المتهورين و اللي نتفكرو القانون كان كيف نشوفو عون امن المرور و لا نسمعو بالرادار في الثنية...

أرد:
أصبت عين الكبد يا ايهاب

من طرف **Iheb** الإثنين 17 نوفمبر - 1:12

عين الحقيقة أم كبد الحقيقة أم الإثنين

من طرف Iheb اليوم في 23:12

عين الحقيقة أم كبد الحقيقة

أرد:
كله تلاعب بالالفاظ...
والكلمات ...
وماذا بقي لنا غير الكلام ؟؟؟

من طرف **Iheb** الإثنين 17 نوفمبر - 2:11

(بكل ود )
حقك راك سميت روحك الدماق عوضا عن الدعاس
سايسنا لا تأكل واحد مل الأعضاء
هههه

كتب ايهاب :
يفددوني أصحاب التاكسيات و خاصة صاحب التاكسي رقم 257 راني حالف نشده
يا أنا يا هو ديمة يلعب في الكياس و شاك فيه هاز البرمي بالعظام

أرد :
" [[ يا سيدي...
افهمنا برملي برشوة الفلوس...
وبرملي برشوة العلوش...
اما برملي برشوة العظام ...
هذه صعبت عليّ ...]] "

كتب ايهاب :
حقك راك سميت روحك الدماق عوضا عن الدعاس
سايسنا لا تأكل واحد مل الأعضاء...

أعقب :
لماذا يا ايهاب ماذا رايت مني انت ...
أو بقية الأعضاء...
ولك الحق أن تسمي ما بدا لك ...
" [[ ويا جبل ما يهزّك ريح ...]] "

توى هكة يا دعاس؟؟؟تغششت كيف خوك الصغير يفدلك معاك
Exclamation

بصراحة بصراحة بالحق النساء ما يعرفوش يسوقو و يفيزو زاده بالفارغ
و مستقويين منعرفش علاش
والمرا عندنا ما عندهاش كيف كيف ما تبداش تذل في الراجل و تعاود
أمّا إنتوما زاده يا رجال كثرتو لو كان ترجعو لأيام بكري تو تشوفو كيفاش تجيبو لمرا للطريق المستقيم
أنا والله حايره كيفاش صابرين عالليصاير و مبردين دمكم
أنا ما نيش ننبر لكن سبحان الله الحق يتكلم وحدو
أيا السلام عليكم

هاو سياقة النساء شنوا ينتج عليها هههههه

كتبت سكيلوفر :
أمّا إنتوما زاده يا رجال كثرتو لو كان ترجعو لأيام بكري تو تشوفو كيفاش تجيبو لمرا للطريق المستقيم
أنا والله حايره كيفاش صابرين عالليصاير و مبردين دمكم

أرد :
يا سكيلوفر ...
انت مرا والا راجل ..
اما مهما يكن جنسك ...
الله لا يحيرك ...
والمرا راهي ركبت الراجل بالقوانين...
ونهار اللي يحب يكبلها سعدها ادخلو للحبس ...
وايام بكري مشت مع جدايتي وجدايتك ...

الدعاس كتب:
انت مرا والا راجل ..
اما مهما يكن جنسك ...
الله لا يحيرك ...
أنا يا سي الدعاس مرا لكن منحبش برشه فازات تعمل فيهم برشه نساء
و كيف تتكلم تولي ظالمهم
ا

كتبت سكيلوفر :
أنا يا سي الدعاس مرا لكن منحبش برشه فازات تعمل فيهم برشه نساء

أرد :
حبيت نتأكد وبره...
على خاطركامل بنات المنتدى ...
ما قالو كليمة خير في الراجل ...
بكلهم مع المرأة ظالمة ومظلومة ...
و أنت زينة النساء بالموقف المتوازن متاعك...
ودمت متألقة دوما .

اش بش نعملو
وشكرا يا بنت قفصة على روحك الرياضية :geek:

:afro:
نحن نعلم جيدا ان الرجال قوامون على النساء
وهذا في درجة الانفاق والقوة فهناك مواقف نجد المراة فيها ضعيفة والعكس صحيح
كما انه لا يعني ان المراة لا تستطيع قيادة السيارة بل بالعكس هناك من النساء
من تملك استراتيجيات مبهرة في السياقة افضل من الرجل في بعض الاحيان لذا
فلا تحقرن صغيرا في مخاصمة*****ان البعوضة تدمي مقلة الاسد

Mad