بالمفشوش: التّوانسة يرفضون النّسخة الجديدة من بالمكشوف

من طرف **3ajej** الخميس 20 نوفمبر - 18:52

يقام حاليّا على موقع باب نات

www.babnet.netأستفتاء حول برنامج بالمكشوف
ماذا تفضّل بالمكشوف مع معز بن غربيّة أو بالمكشوف عادل بوهلال

هذا البرنامج من المستحن أن نطلق عليه تسمية "بالمفشوش
بإستثناء خالد حسني البقية الشكارة والبحر
كأنهم في قهوة ناقصهم شيشة للعم منصف وجيراك لسامي العكريمي
المنصف وسامي كالعادة مستواهم في الحضيض زايد ياولدي بين ليلة ونهار باش يهبط عليهم العلم متاع قهاوي
والحلقة الأخيرة قالتلهم أسكتو حلقة كاملة على الترجي ثمة جمعية واحدة في البلاد يا والله حال ويا حسرة منين كان البرنامج يحكي على كل الفرق من بنزرت لتطاوين وحتى الرسائل النقد يقروها بدون حرج
- المنشط ننصحو بالرجوع لبرنامج الرابعة خيرلو تذبذب واضح عدم التمكن من التنسيق وإرتباك وتكرار الكلام والتقيد بالأسئلة كأنو في معلم في قسم الأبتدائي والجماعة ترفع في صوابعها باش تجاوب
يا ولدي اللي ليك ليك واللي خاطيك خاطيك
عم المنصف حضورو من نوع تكبير الحضبة وننصحو ببرنامج حومة وحكايات خيرلو من العمران والكرم وبقية الأحواز ما خرجش لا ثقافة كروية ولا لغوية ما فهمتش كيفاش ماخذ شهادة الصحافة زعمة باللغة الدارجة
- سامي العكريمي يا سيد الناس الكل عرفاتك صحافي موش لازم تذكرنا في كل حلقة ويحرز لومار كنت عندك ماتحكي وإلا كلمتين على الكالشيو كالعادة زعمة زعمة من هواة الكورة الجميلة ظاهرلي توة الناس الكل عرفت علاش معز بن غربية خرجك من البرنامج
- عايدة عرب كيبدأ عندكم موضوع على الرياضة النسائية ممكن تجبوها وإلا زائد هو طارق ذياب وكريارو ومرات ما يقنعناش
- نجي توة للمحامي يا ولدي آش لزك حتى الواد يهزك السيد لاعلاقة وكيما يقول المثل داخل سوق .... بلاش .... مسكين حطوه في بلاصة فتحي المولدي وما أدراك إذا ثمة حاجة تفتخر بيها حنبعل هي إكتشاف الماتر فتحي المولدي
نزيدكم حاجة حرية الرأي هو مؤسسها في هذه القناة اللي ولت توة أغلبية البرامج 4 كراسي وطاولة والناس تناقش موش تقليد هذا
ومع الأسف الراجل عندو مبادىء
و أصرّ عليها فلابدّ أن يتم نسفه وهذا متوقع ومنتظر خاطر صراحتو أوجعت العديد من المسامر المصددة السيد حتى في تحليل المباريات أفضل من تحليل العديد من المدربين التوانسة اللي شادين وجوهنا ...
دون التطرق لثقافته الواسعة في كلّ المجالاات وخسر المشاهد التونسي هذا الرجل مع الأسف
وفي الجملة كما توقعت مستحيل أن ينجح هذا البرنامج بدون فتحي المولدي خاصة
وبدرجة أقل بن غربية وخالد حسني ولا تقولوا الحلقة الأولى أو 100
ظاهر الجماعة لاعلاقة
عندي ملاحظة : وقت لسألوا عايدة عرب عن تواجدها قالت متواجدة كصحفية أنا
ما فهمتش ياخي الحصص الرياضية خاصة بالصحافيين ماو يجيولنا ناس تفهم في الكورة وعندها كريار في مجال الرياضة آش يفهمو الصحافيين في الكورة بإستثناء أقلية ؟؟؟؟؟

فهل تعلم أدارة حنّبعل مدى فشل هذا البرنامج بعد أستغنائها عن الفريق القديم للبرنامج الذي ساهم في صنع أسم للقناة داخل تونس و خارجها و تحاول تعديل الأوتار حتّى يستعيد البرنامج بريقه خاصّة و أنّ الفريق الحالي أظهر فشله في تناول مشاغل الرّياضة التونسيّة و كيفيّة طرحها

من طرف **bahy** الخميس 20 نوفمبر - 19:03

للا سف ما نتفرجش فيه ما انجمش نحكم عليه

من طرف **Iheb** الخميس 20 نوفمبر - 21:19

ملي خرج معز بن غربية و لى بالمفشوش ياخي بربي أنا حاب نعرف من إمتى النساء يتبعو في الكورة و حتى كان يمشو للستادات هاذكم نساء بلا حكيم على خاطر الناس الكل تعرف اللي الفيراج معروف بالكلام الخايب ياخي بربي ياخي الجمهور تيعمل كمامة و انا متأكد اللي 60 بالمئة مل الجمهور ماشين باش يفرغو كبت أسبوع كامل لا علينا
لم يعد لبالمكشوف أي بريق كالسابق فمعظم الحلقات حشو و تكرار

انا كنت نتفرج على بالمكشوف من خرج معز بن غربية ماعادش نتفرج على خاطر عادل بوهلال برغم من محاولة تقليده لمعز مانجمش يقدم حتى 30بالماية .. ان شاءالله ادارة حنبل تدارك الامر وترجع جمهورها الكبير

من طرف **bahy** الجمعة 21 نوفمبر - 11:12

هل اصبح بالمكشوف قضية وطنية حتى يأخذ هذا الحيز فشل ....فشل

من طرف **bahy** الجمعة 21 نوفمبر - 11:21

Iheb كتب:ملي خرج معز بن غربية و لى بالمفشوش ياخي بربي أنا حاب نعرف من إمتى النساء يتبعو في الكورة و حتى كان يمشو للستادات هاذكم نساء بلا حكيم على خاطر الناس الكل تعرف اللي الفيراج معروف بالكلام الخايب ياخي بربي ياخي الجمهور تيعمل كمامة و انا متأكد اللي 60 بالمئة مل الجمهور ماشين باش يفرغو كبت أسبوع كامل لا علينا
لم يعد لبالمكشوف أي بريق كالسابق فمعظم الحلقات حشو و تكرار

يا خويا باهي صباح الخير اولا
بالمكشوف هو الصحيح مش قضية وطنية لكن ماننكروش ان برنامج سويعة سبور وبالمكشوف من احسن البرامج في تونس

Iheb كتب: ياخي بربي أنا حاب نعرف من إمتى النساء يتبعو في الكورة

اشنوا ايهاب مافماش انسات اتبع في الكورة؟؟

من طرف **bahy** الجمعة 21 نوفمبر - 11:39

soujoud كتب:يا خويا باهي صباح الخير اولا
بالمكشوف هو الصحيح مش قضية وطنية لكن ماننكروش ان برنامج سويعة سبور وبالمكشوف من احسن البرامج في تونس

صباح النور با سجود
حسب القانون الطبيعي ان كل شيء يعرف انطلاقة (او ولادة) فنمو ثم ازدهار فتراخي وانحدار وهو ما مشاش مع بالمكشوف اللي عرف ازدهار فانحدار والفضل يرجع لمالك القناة الذي لايريد ان يرى من ينجح ويكبر في قناته ويريد ان تبفى دواليب الامور بيده حتى ولو كانت بصورة بالمكشوف الجديد

بصراحة تامة مستوى بالمكشوف إنحط بصفة غريبة
فعلى سبيل المثال الحلقة الاخيرة تم التطرق إلى موضوع وحيد و هو الترجي التونسي باش تفهموا أش صاير في البنامج
ونزيدك حاجة ساعتين كاملين وهما يعاودوا في نفس الحديث تقول الجماعة موش لاقين ما يحكوا
على كل حال نتمنى أن يعود الحال على ما كان ولو بعد فوات الآوان

من طرف **hayfa** الجمعة 21 نوفمبر - 14:41

و الأدهى و الأمر
أن صحفيين يقولون عن أنفسهم أنهم محترفون
في الصحافة الوطنية
يخلطون بين قفصة و القصرين و قابس للمرة الألف في نفس
هذا البرنامج
و الأغلب على الظن أنهم لا يعرفون حتى مكان هذه المدن على الخريطة
و أخص بالذكر سي الحاج منصف بن سعيد
الي حتى استضافته لمرافقة الفريق الى جنوب افريقيا في الوسم الماضي
ما نجمتش يحفضو في اسم قفصة
عيب عليهم والله
في سهرة الثلاثاء الماضي
وجهت بواسطة المايل إحتجاج الى البرنامج بهذا المعنى و لم يأتى على ذكره
بالكش نطلع انا غالطة في ليدرسة
بالله الى عنده العنوان الإلكتروني متع بالمكشوف يعطيهولي

من طرف **bahy** الجمعة 21 نوفمبر - 14:51

سمعت اللي المستشار القانوني والا الماتر اللي اختاروه باش يكون مع فريق بالمكشوف الجديد هو وليد الزراع
السيد هذا اللي يحب يطلع على مستواه يعمل طلة على جربدة الصريح عندو عمود( اي نعم يجي كان عمود ) يكتب فيه كل يوم

من طرف **Iheb** السبت 22 نوفمبر - 13:35

soujoud كتب:
Iheb كتب: ياخي بربي أنا حاب نعرف من إمتى النساء يتبعو في الكورة
اشنوا ايهاب مافماش انسات اتبع في الكورة؟؟

عناد و برة فمة بنات مثلا يحبو الترجي و انا متأكد اللي هما ما يعرفو كان لاعب ولا 2
بينما أكتر الأولاد يعرفوا كل لاعب في فريق حتى على الصعيد العالمي مثل بطولات شبه مغمورة مثل الدوري الإسكتلندي و الدوري السويسري

hayfa كتب:

بالله الى عنده العنوان الإلكتروني متع بالمكشوف يعطيهولي

email: sport@hannibaltv.com.tn

وحكايتهم فارغة حديث قهاوي أقلية الصحافة اللي تفهم الكورة وبإستثاء خالد حسني اللي هو ولد الميدان البقيو الشكارة والبحر
بالنسبة لمراسلتهم الجماعة هاذم ما يقروا كان اللي يشكرهم
وشخصيا راسلت بالمكشوف السابق في 5 مناسبات تقريبا وتمّت قراءة 4 منها وكلها مراسلات نقدية
بينما بعثت رسالة وحيدة لهذا الفريق تخص أزمة القوافل فتمّ تجهالها وعرفت اللي حكايتهم فارغة
ظاهر من الأول من عندهم شيء والدليل ما بقي من الفريق السابق لبالمكشوف إلا أضعف عنصر وهو منصف بن سعيد
وهذا أكبر دليل على السياسة المنتهجة
واحد من ناس ماعادش نتبع فيه البرنامج اللي كان في السابق يعطينا إضافة أما توة كان يخلو المشاهد يعطيهم إضافة أحسن

بالمفشوش: التّوانسة يرفضون النّسخة الجديدة من بالمكشوف

بالمفشوش: التّوانسة يرفضون النّسخة الجديدة من بالمكشوف

رد: بالمفشوش: التّوانسة يرفضون النّسخة الجديدة من بالمكشوف

رد: بالمفشوش: التّوانسة يرفضون النّسخة الجديدة من بالمكشوف

رد: بالمفشوش: التّوانسة يرفضون النّسخة الجديدة من بالمكشوف

رد: بالمفشوش: التّوانسة يرفضون النّسخة الجديدة من بالمكشوف

رد: بالمفشوش: التّوانسة يرفضون النّسخة الجديدة من بالمكشوف

رد: بالمفشوش: التّوانسة يرفضون النّسخة الجديدة من بالمكشوف

رد: بالمفشوش: التّوانسة يرفضون النّسخة الجديدة من بالمكشوف

رد: بالمفشوش: التّوانسة يرفضون النّسخة الجديدة من بالمكشوف

رد: بالمفشوش: التّوانسة يرفضون النّسخة الجديدة من بالمكشوف

رد: بالمفشوش: التّوانسة يرفضون النّسخة الجديدة من بالمكشوف

رد: بالمفشوش: التّوانسة يرفضون النّسخة الجديدة من بالمكشوف

رد: بالمفشوش: التّوانسة يرفضون النّسخة الجديدة من بالمكشوف

رد: بالمفشوش: التّوانسة يرفضون النّسخة الجديدة من بالمكشوف