و تــتواصل الإحتفالات بـ2009

كل عام جديد طلّ علينا
غمّضنا عينينا وتمنينا
و ليه أحلامنا غنينا
فرحة، ضحكة، وبرشة حاجات بنينة
وكلّ عام نقولو هذا عام جديد،
موش كيف اللى تعدّى علينا
تضحك علينا الايام،
و تخون أمانينا
نخبيو أحلامنا للأيام الجاية
ونقولو شبيها الدنيا علينا
ونسينا باش نقولو حاجة بسيطة : نحنا شبينا؟
حاطين ساق على ساق ونستناو في الفرحة تجينا
والعمر طار شطرو والباقي هارب بينا
الفرحة موش وردة مزروعة في جنينة
نطّلو عليها من الشبّاك تستنى فينا
هي زهرة نزرعوها اليوم
ويهديوها غدوة لينا
هي التبسيمة على الوجوه الحزينة
تكبر وتولى ضحكة في كبر أمانينا



رغم القصف وأزيز الطائرات..
اتمنى لكم جميعا سنة جديدة خصبة لزراعة الزهور وقطف الفرح وسنة ملؤها الدفء .
دمتم في رعاية الله