الكتافات... و ما تعمل

من طرف **barbach** الجمعة 23 يناير - 22:37

انو البطالة تاكل البلاد... هذا شيء وارد و
يصير في جميع بلدان العالم المتقدمة منها قبل المتخلفة و كل مجتمع تلقى
عندو طريقتو الخاصة في إنو يتأقلم و يتكيف مع المشكل هذا و لو انو
الفرضيات و الحلول تبقى محدودة بشكل أو بآخر...

انو الانسان يدخل
يتعلم في صنعة و هو قرب ع الثلاثين، ما عادتش ظاهرة غريبة، بالعكس هي
مبادرة باهية انو الشخص هذا فد م البطالة و حب يعمّـل على روحو... يعطيه
الصحة و ربي يعينو و يهدي امثالو.

انو البنات ما عادش لاقين
رجال... هذا أمر واقعي و العنوسة في المجتمع متاعنا ما عادتش حاجة نادرة و
لا مشكل يقلق برشا... انو الطبيبة تاخذ عامل بسيط في مغازة حاجة واردة و
صايرة، يقولوا مكتوب صحيح، لكن كيف تجي للرسمي، هذاكة ش لقات و كيف ما
يقولو: عصفور في اليد و لا ميا ع الشجرة... صحّـه لأمو هو اللي دبرها.

انو
الحاكم يحاول بش يتعامل بأقصى ماهو ممكن مع المشكل هذا، حاجة هايلة ياسر و
لو إنو ... لكن تقعد الجهود حاجة تبعث بصيص من الأمل عند البعض... حتى كيف
تكون الحلول في بعض الأحيان عقيمة و السلبيات متاعها أكثر من إيجابياتها،
المفيد ثمة حاجة و ثمة حركة و الحركة بركة...و حتى كيف نحبوا ننقصوا م
البطالة نقوموا نخلقوا مشكلة ما أكبر (إيه نعم، ما أكبر) اللي هي البطالة
المقنعة، و هي إتو عباد تخدم على غير ما تعمل حتى شي (موظفين يوقع تعيينهم
دون أن تكون ليهم مهمة محددة) و كيف نشوفوا ما يمكن (مش يمكن، حاجة أكيدة)
بش تشكلو الظاهرة هذي من عبء على الدولة... ما نلقاو ما نقولو كان ميسالش،
آش جرالو، و بره قاعدين يقبضوا في شهريات من غير ما يخدمو (جات عندهم و بش
تولي مشكلة)،ماهو خير م اللي تلقاهم بطالة لا خدمة لا ڤدمة (ع الأقل
بالطريقة هاذي يضمنوا الڤدمة... الڤدمة بثلاثة نقط فوق القاف) و انا م
العباد اللي يقولوا في الحالات اللي كيف هاذي: ما يسالش، في التراب و لا
...

انو أصحاب شهادات التعليم العالي، يشاركوا في مناظرات ما
تتطلبش أكثر م الباك كمستوى أدنى للترشح... ولات حاجة
عــــــــــــــــادية جدا، لكن انهم ما ينجحوش في المناظرات هاذي و ثمة
شكون من غير حتى شهادة الباك يعدّي معاه (و في رواية أخرى ما يعدّّيش
جمله) و ينجح، حاجة تقلق و تفدد برشه... يعني رضينا بالهم و الهم ما رضاش
بينا

انو أساتذة يخدموا كـمعلمين و أساتذة تخدم في مدارس المهن و
اساتذة تنوب المعلمين في غياباتهم و أساتذة تخدم في المخابر في المدارس و
المعاهد... ولات جاجة عادية

انو الدولة تبعث حملة لتشغيل أبناء
العائلات المعوزة... حاجة خارقة للعادة، و ش خير من انو نخدّموا الزوّالي،
صحيح البطالة مش مسيبة حد: لا زوّالي و لا مبسوط، لكن المبسوط ينجم يدبر
راسو و ما يحيرش (ع الأقل في مصروفو) لكن الزوّالي راهو يحير في أبسط
الحاجات على خاطرو ما عندو حد، كان ربي و الحاكم و يعطيه الصحه الحاكم كيف
يخمم فيه (و يبجّـلو على غيرو)....

انو اللي يبعثولهم بش يخدّموهم
في إطار الحملة هاذي، يخدموهم في خطط أقل م المستوى المتحصلين عليه، حاجة
مفروغ منها... هات خدّمني تو و من بعد يعمل الله دليل

لكن...

انو يتم استغلال الحملة هاذي في غير الإطار متاعها... حاجة تقلّق برشا

انو شخص مش متحصل على الباكالوريا جملة واحدة، يتم تعيينو كــمعلم في مدرسة ابتدائية... حاجة مش في بلاصتها

انو
المدرسة اللي يتم تعيين الشخص هذا للعمل بها، تكون تقع في قلب مدينة من
أكبر المدن في البلاد. و انو المعلمين أصيلين الجهة و اللي ثمة شكون عندو
فوق الـ12 سنة خدمة مازالوا يخدموا في الارياف المجاورة للمدينة على خاطر
أعدادهم (مش كان الأعداد، ثمة حاجات أخرى تدخل في التقييم) ما تخوللهمش بش
يدخلوا يقرّيوا في وسط المدينة... حاجة مش اللي هي

انو الشخص اللي تم تعيينو هذا أصيل المدينة... حاجة تحيّر

انو
الشخص هذا، يعطوه جدول ما يعجبوش (الأقسام حكايتهم فارغة و المواد مش اللي
هي، ما هاش متاع المواد الخصوصية اللي تجيب الفلوس) ياخي يطالب بإنو
يبدلولو الجدول... حاجة تضحّك

انو تتم الاستجابة للمطالب (الشرعية)
اللي تقدم بيها الشخص هذا، و يتم تبديل الجدول متاعو بجدول معلم آخر عندو
ما لا يقل عن 20 سنة في ميدان التعليم... حاجة تبهّت

انو أولياء التلاميذ يتشكاو م المستوى متاع الشخص هذا و اللي بدا ينعكس على مستوى أبناءهم... حاجة منتظرة

انو
تتم الاستجابة لطلبات الأولياء و ترجع الأمور إلى ما كانت عليه (يعني
الوليدات الصغار بالكل، ما يسالش يقرّيهم معلم دون المستوى، ش جرالو،
يفهموا و الا عنهم ما فهموا، هوما أصلا مازالوا صغار و مش فاهمين خليقة
ربي)... حاجة تبعث ع الأمل

انو الشخص هذا و من بعد الحديث اللي تقال الكل، يكون لاباس عليه (ما هوش زوّالي)... حاجة تبكّـي

من طرف **foued** الجمعة 23 يناير - 22:43

زعمة انت هو البرباش اللي نعرفو متاع تبربيش وحكايات فارغة ولا برباش عابر سبيل ؟؟
على كل مرحبا بيك ..
اما بخصوص الموضوع ..
ياخويا هاذاكا هو حال البلاد ..
شئنا ام ابينا ..
اش تحب تعمل

وهو كذالك
انشاء الله تتصلح الناس هذي
وتتبدل العقليه ويلزم شويه حزم مع الناس هذي
انعيب على الحرقان هاي الحرقه الصحيحه في لخدم

من طرف **hend** الجمعة 23 يناير - 22:57

foued كتب:
زعمة انت هو البرباش اللي نعرفو متاع تبربيش وحكايات فارغة ولا برباش عابر سبيل ؟؟
على كل مرحبا بيك ..
اما بخصوص الموضوع ..
ياخويا هاذاكا هو حال البلاد ..
شئنا ام ابينا ..
اش تحب تعمل

عرفنا باللي تعرفو يا فؤاد
عموماً هذا موضوع مهم أنا من الأساتذة الجامعيين و نقري فالإبتدائي طبعاً
إضطراري في لاول أما توا كيف يعطوني prof de cours ما نبدلش أما إلي يقهرك إنك تشوف ناس لا مستوى ولاهم محتاجين ومتحصلين على وظائف

كتبت هند :
عموماً هذا موضوع مهم أنا من الأساتذة الجامعيين و نقري فالإبتدائي طبعاً ..

احمدي ربي...
وادفعي الصدقة كل شهر من شهريتك...
انت خير من غيرك ...

من طرف **hend** الأحد 25 يناير - 0:30

الدعاس كتب:كتبت هند :
عموماً هذا موضوع مهم أنا من الأساتذة الجامعيين و نقري فالإبتدائي طبعاً ..

احمدي ربي...
وادفعي الصدقة كل شهر من شهريتك...
انت خير من غيرك ...

أناهي شهرية راني نائبة وشهرتي متاع 2008 لتوة ماشفت فرانك

الحمد الله وإن شاء الله الصدقة ديمة موجودة

كتبت هند :
...راني نائبة ...

ربي يجيبلك الخدمة...
وقلبي معاك...
ومع معاناتك...
والقادم أفضل ان شاء الله...

من طرف **hend** الأحد 25 يناير - 2:12

ربي يفضلك خويا

من طرف **Mayna** الأحد 25 يناير - 2:16

ضربة بكتيّف
خير من 10 سنين قراية

من طرف **scorpion** الأحد 25 يناير - 2:23

mayna كتب:ضربة بكتيّف
خير من 10 سنين قراية

والله كلامك صحيح 100/100
حتي أنا عندي خويا متخرج ليه 5 سنين حشى عينيكم و لتو مدخلش يخدم
و صاحبو ولد ............. مترسم ليه 3سنين
حسبي الله ونعم الوكيل

من طرف **hend** الأحد 25 يناير - 2:25

mayna كتب:ضربة بكتيّف
خير من 10 سنين قراية

ضربة بكتيف ونعيش طول عمري بالحرام ونزيد نوكل صغاري الحرام لا وخيتي و الله المستعان والأرزاق بيد الله

من طرف **Mayna** الأحد 25 يناير - 2:29

اكيد عزيزتي الارزاق بيد الله
اما الله غالب في الي قلوبهم ماتت
واستوى عندهم الحرام والحلال

الكتافات... و ما تعمل

الكتافات... و ما تعمل

رد: الكتافات... و ما تعمل

رد: الكتافات... و ما تعمل

رد: الكتافات... و ما تعمل

رد: الكتافات... و ما تعمل

رد: الكتافات... و ما تعمل

رد: الكتافات... و ما تعمل

رد: الكتافات... و ما تعمل

رد: الكتافات... و ما تعمل

رد: الكتافات... و ما تعمل

رد: الكتافات... و ما تعمل

رد: الكتافات... و ما تعمل