المحمدي أضاع نقطتين في القصرين

السلام عليكم ولاد جمعيتي

أول حاجة نحب نبارك للجمعية بنقطة جديدة تنضاف إلى الرصيد لأننا وصلنا إلى الوقت اللي تكون فيه مقولة "نقطة خير من بلاش"صحيحة

أمس تابعت المباراة من القصرين و لاحظت برشة حوايج إيجابية و سلبية

نبدو بالسلبي

بعض اللاعبيين مازالوا عبء على الجمعية و لا فائدة من إدخالهم وبالأخص الأجنحة التي أقلقتنا كثيرا خاصة الزعلاني اللي رزيييييييييييييييين برشا

سؤال آخر يطرح نفسه,ياخي عفيف السنوسي philip lham باش يلعب على الجهة اليسرى و هو معروف لاعب يلعب برجله اليمني

لاعب آخر تدهور مستواه بصفة غريبة جدا وهو باسم النفطي ,باسم أصبح لاعب أقل من عادي و أنا أتمنى شخصيا عودة سريعة لنبيل التليجاني لأنه الوحيد القادر على تعويض اللعب الرجولي اللي معروفة بيه قفصة

أو تشريك المنتدب الجديد عصام الفقيه

بالنسبة للهجوم لازلنا هجوم أكثر من عادي لكن بعودة الميساوي و كازادي أظن أن الحل أصبح موجود

صابر المحمدي ينقصه الكثير من التركيز لأنه أضاع علينا الفوز بالأمس و أدعوه إلى المزيد من العمل مثله مثل كازادي

النقاط الإيجابية

أول حاجة هي الجمهور اللي تنقل مع الجمعية اللي تحولوا مع القوافل إلى القصرين رغم وجود دربي العاصمة

الإنسجام التام في خط الدفاع بين البناني,ماتياس,والقيطوني

معز بن ثابت أفاد الفريق بخبرته و كان حاسم في بداية المباراة مما خلى الفريق يدخل في المباراة براحة

الكوكي عرف كيفاش يعمل تغييرات صحيحة ونافعة جدا وكان الشوط الثاني شوطه هو

حاجة أخرى لاحظتها وفرحتلها ياسر إنه كازادي رجع يحبس دفاع الفريق المنافس في مناطقه و هي شيء تحسب له

اللياقة البدنية كانت ممتازة جدا وهو شيء جيد جدا وقادر على مساعدتنا في بقية المشوار

هذا كل ما شاهدته شخصيا و أفتح باب النقاش للبقية