عندي ما نقلك و المسامح كريم

السلام عليكم
و الله لفت انتباهي بعض الملاحظات في هالبرامج هاذم الزوز
المشاكل المطروحة في هالزوز برامج اللي انا شخصيا نشوف انهم كيف كيف و ما ثمة حتى فرق ما بيناتهم
مثلا يطلع واحد او واحدة تقول انا عندي ابن غير شرعي و تقولها بكل بساطة و صحة عين كانها تقول في حاجة عادية
ياخي انتم تشوفوها نورمال الفازة و انا اللي عقدة؟؟؟ و الا شنوة بالضبط انا واحدة من الناس تشوكيت كي شفت جراة هالعباد
حاجة اخرى ياخي التوانسة ولو يسمسرو في خصوصيات التونسي في برامجهم؟؟؟؟
انا نشوف اللي البرامج هذي تتاجر في مشاكلنا باش تكسب قاعدة جماهيرية ليهم
اكيد ثمة شكون يوافقني و شكون ضدي
حبيت نعرف شنوة اراءكم ؟؟
و شكرا

اصحيح كيف ما تفضلت انت و قلت انها اصبحت سمسرة بمشاكل التوانسة لكن فما نقطة ايجابية انا نشوفها في المسامح كريم لاني نتبع فيه ديما انو يوعي الانسان و يوريلنا الجانب الانساني من خلال برشا مشاكل انو لازم التونسي يتعلم من هذه المشاكل باش تكولوا عبرة او درس حتى لو انو هالمشكل هذي
ما عشاشي
اما عاد فما شوية عباد تعود قالقة و متفاضية تجي تعمل حصة عالمباشر باش يشوفها زيد وعمر و هكاكة يعود البرنامج متع تفرهيد موش برنامج اجتماعي يحل مشاكل لعباد

الشكرالجزيل وتسلم اناملك

بنت الرديف كتب:السلام عليكم
و الله لفت انتباهي بعض الملاحظات في هالبرامج هاذم الزوز
المشاكل المطروحة في هالزوز برامج اللي انا شخصيا نشوف انهم كيف كيف و ما ثمة حتى فرق ما بيناتهم
مثلا يطلع واحد او واحدة تقول انا عندي ابن غير شرعي و تقولها بكل بساطة و صحة عين كانها تقول في حاجة عادية
ياخي انتم تشوفوها نورمال الفازة و انا اللي عقدة؟؟؟ و الا شنوة بالضبط انا واحدة من الناس تشوكيت كي شفت جراة هالعباد
حاجة اخرى ياخي التوانسة ولو يسمسرو في خصوصيات التونسي في برامجهم؟؟؟؟
انا نشوف اللي البرامج هذي تتاجر في مشاكلنا باش تكسب قاعدة جماهيرية ليهم
اكيد ثمة شكون يوافقني و شكون ضدي
حبيت نعرف شنوة اراءكم ؟؟
و شكرا

اولا شكر لك اختي بنت الرديف على طرح مثل هذه المواضيع لنقاش
و تسليط الضوء على الاعلام التونسي من خلال برنامج عندي ما نقلك و المسامح كريم
**********************
شوف اختي من وجهة النظر متاعي لا ارى اي صحة عين على حد تعبيرك وانما تلك الاحاديث و التصريحات والمشاكل التي تطرح طبعتها جراة الاعلام التونسي اليوم
وهذه نقطة ايجابية تحسب لتلفزة التونسي لانو يلزم نعرضوا اشياء كيف هكا حتى نزرعوا الوعي في تلك العقول الصغيرة
على خاطر من اخطاء الاخر اتعلم الصواب و المؤمن لا يلسع من الجحر مرتين
و بخصوص انو وحدة تطلع على التلفزة باش تقول انا عندي ابن غير شرعي انا ارى فيها نقطة ايجابية من حيث ان الاعتراف بالخطأ فضيلة و هكا هي كمثال وقع في الخطا تكون عبرة لبقية البنات الاخرين وهنا يتجسد دور الاعلام الحقيقي اللي يتمثل في نشر الوعي.
مواضيع التونسي التي اصبحت مادة للاعلام ليست ميوع وانما جراة
وجراة هالعباد يا اختي بنت الرديف راهي يمكن تكون عبرة ودرس للاخرين .
و الاعلام التونسي اليوم لا يسمسر حسب اعتقادي بخصوصيات التونسي لانك كيف ما قاعدة تشوف ثمة ناس ضاقت بيها الدنيا و لم تجد الاذان الصاغية و القلوب الواعية فوجدت الخلاص في الاعلام لتطرح من خلاله المشاكل والقضايا
هالناس اللي عندهم مشاكل تشوفها انت يا بنت الرديف صحة عين بل بالعكس هالناس هذوما وقفوا بكل جراة امام كاميرات الاعلام باش يقولوا شوفنا يا مشاهدين راهي هذه مشاكلنا يلزمكم انتم تتعلموا منها باش ما تقعوش فيها نهار اخر.
كيف تجي امراة تقول راهو عندي ابن غير شرعي ليس ذلك افتخار و لا هي تحب تطلع على التلفزة بل بالعكس هي تحب توجه رسالة الى كل البنات من خلال تجربتها الخاصة تقلهم فيها شوف عواقب الانسياق وراء الخطا تقلهم راكم يمكن تجيبوا اطفال ضحايا تقلهم راهو اذا انتم تقعوا في الخطا مثلي راهي نظرة المجتم ليكم ستكون بمثابة ذاك الوحش الذي سياكلكم اكلا.
هاو هنا اختي بنت الرديف لم تعد صحة عين بل ارشاد وموعظة.
فالاعلام مش يدق الابواب على الناس و يقلهم هيوا لبرامجنا واكذبوا هيوا لبرامجنا حتى نسمسروا بيكم وبمشاكلم
الاعلام قاعد في بلاصتوا و المشاكل جايتوا الناس تقلوا نحب من خلالك نطرح مشاكلي نحب المشاهد يسمعني اذا كان اقرب واحد ليا لم يصغ لي .
البرامج كيف عندي ما نقلك و المسامح كريم مش هدفها الاسمى تجاري صرف وانما عندها اهداف انسانية انبل.
و عندما نتساءل عن قاعدة جماهيرية عريضة لاي برنامج نقول هذا النامج كسب اقبال جماهيري كبير من خلال طبيعة الاهداف متاعو و الحاجات اللي قاعد يطرح فيها.
المشاهد التونسي اليوم ليس ذاك المشاهد بالامس متاع البسكويت و الشكلاطة بل اصبح واعي اكثر و لذلك هو يريد عرض مثل هذه البرامج لتكون حاضرة في تلفزته الصغيرة لانو يرى في البرامج هذيكا مراة تعكس معاناة الناس .
انا نحترم كل وجهات النظر سوى مع او ضد
لكن و ان كانت بعض النقاط السلبيات يلزمنا ديما نشكروا مثل هذا البرامج لانها بالفعل تعانق ما يخالج التونسي اليوم
تحاول باش تلقى لصاحب المشكلة حل.
و في ختام القول نقلك مشكورة يا بنت الرديف على تطرقك الى هذا النقطة المهمة في منتدى النقاشات
و دمتي دوما وعلى الدوام متميزة .

rayen vraiment chapeau
ma5allitenlna mangoulou m3ak ya3tik essa7a
haw 3a9lek tla3 akber men 3omrek eb barcha
tabrakallah 3lik

bsaraha ana tfarejt 3lihom ezouz preske meme copie ama elli takedt mennou elli preske 80% men ech3eb etounssi (la9it) atfal ghayer char3iin
w hadha elli ynajem yestantjou elmouchahed

khater fi kol emission fama 2 ou 3 personee elli men gher waldin
w rabi yoster ama benesba lia ana houa barnamej tijari

أسرار البيوت لا يجب أن تتجاوز الغرفة الواحدة و الناس أصبحت تتلذّذ كشف فضائحها
و الحق موش فيهم .............................................................
الجهل مصيبة يا بنت الرديف و اذا لم تستحي .....................................

و الاعتراف بالخطأ فضيلة و هكا هي كمثال وقع في الخطا تكون عبرة لبقية البنات الاخرين وهنا يتجسد دور
بصراحة انا انشوف ان سلبيات البرامج اكثر من ايجابيتها, الواحد يجي للبرنامج يفضح روحه ويفضح عائلته الكل باش تاخذ الناس عبرة؟؟
ربي يسترنا

شكرا على الردود المفصلة و خاصة رد الاخ ريان
اللي قال حاجة انو الاعتراف بالخطا فضيلة حبيت نعقب على التعليق هذا
انا نوافقك انو الاعتراف بالذنب اول خطوة لتصحيحيه
لكن الا ترى انو كي تطلع وحدة او واحد على الملا و قدام الناس الكل و تحكي علىابنها غير الشرعي يمكن يخلي الحاجة هذي تصير حاجة طبيعية في المجتمع و ما عادش المجتمع يحسبها حاجة عيب؟؟؟
و بهذا يولي كل شي مسموح ؟؟
يعني نحلو برشا عينين مسكرة

أناهو الوعي الي تتحدث عليه
هذه مأساة ، كارثة تمشي على رجليها يتحملها أفراد العائلة و خاصة الطفل البريئ الضحية بين اصحابه و على دوام حياته مثل هذه الاشياء لا تنسى و لن يغفر لامه و الاعتراف بالخطأ فضيلة لكن هذا ليس خطأ هذا تعمّد الفضيحة و جهل بما ينجر عنها يجب ان يعامل بشدة حتى لا تكون قدوة لغيرعا لا يجب التعاطف معها ابدا و ربك سبحانه قال اذا عصيتم فاستتروا