سجل حضورك اليومي بمثل شعبي تونسي او عربي

on commence



المكتوب على الجبين لازم تشوفو العين

خانوها ذراعها قالت سحروني

حانوت مسكر ولا كرية مشومة
الي ليك ليك والي خاطيك خاطيك
ما يْحِس الجَمرة كان الِّي يعْفَسْ عليها
الماء الماشي لسدرة الزيتونة أولى بيه
مائة خطوة و لا تنقيزة
الباب اللي ايجيك منو الريح سكرو و استريح
أعمل الخير وأنساه وكتعمل الشر تذكرو
لا يعجبك نوار الدفلة في الواد عامل ظلايل
وما يعجبك زين الطفلة حتى تشوف الفعايل

كلام الليل مدهون بالزبدة طلع عليه النهار وساح

ما يبكيلك كان شفرك وما يندبلك كان ظفرك

اش لــزّك حـــتّى الواد يهــــــزّك؟

حديثك في اللي ما يفهمكش رزية و لا نقص في الاعمار
يفصل في الزناقي و يخيط في الحوم
أهل العقول في راحة
اسمع الكلام اللي يبكيك وما تسمع الكلام اللي يضحكك
اللي يبيعك بالفول بيعو بالقشور
حاجة الوطى ما تتعطى
لو كان الخو ينفع خوه ماكان حد يبكي على بوه
فلان كيف القطوس الأكحل تضربو تتأذى تسيبو ياكلك عشاك
خوذها من ايد شبعان اذا جاع وما تاخذها من ايد جيعان اذا شبع
دخلني انخرجك
دورانـــك في البلدان رياسة
و معــرفتك في الرجال كنوز
و صحبتك في النساء نجاسة
كيف الشابّة
كيف العجوز

ندى



سَبِّّقْ الخِير تَلْقى الخِير

خْبِير المُومِن قًلبو

أًعمِلْ الخير وإنساه..

مَا يْـلِزْ لِلْمُر كان إِلِّي أَمَر مِنُّو

هوَ يْغَنّي وجْنَاحُو يْـرُدْ عَـلِيهْ

كان صَاحْبْـك عْسَل ما تَلّحْسُوشْ الكُل

ما يْحِس الجَمرة كان الِّي يعْفَسْ عليها

كان الكذب ينجّي .. الصدق أنجى وأنجى

كي الزير المتّكّي... لا يضحّك ولا يبكّي.

المخنوقة ضحكت على المذبوحة ياخي المصموطة ماتت بالضحك
- ما ناقص المشنوق كان ماكلة الحلوى
- إذا تحب تعلم ولدك الكلام خدمو قهواجي و الا حجام
- كي قنديل باب منارة ما يضوي كان على البراني
- ربي يعرف ميمونة وميمونة تعرف ربي
- راس الفرطاس قريب لربي
- خوذ العلم من روس الفكارن

إلّي يتبع الحمام الجالي يروّح للمغاغر
- جاء يعاون فيه على قبر بوه هربلو بالفاس

- العزوزة هاززها الواد و هي تقول العام صابة

- ماذا كليتى لوح يا براكة.

كان المهبول ياكل عشانا الكل العاقل ما يعطيهش ليه.

-الزغاريد أكثر من الكسكسي

عيطة و شهود على ذبيحة قنفود

وهو عايش شاهي وحدة تمر وكي
يموت يعلقولو عرجون ..

كي قنديل باب منارة ما يضوي كان على البراني

يا المزوقة من برة واشووووو
حاااااااااالك من داخل ..

أقبل ماتشوف فالمزوقة
شوف شوية فالمعلقة *

ضربني وبكئ وفاتني وإشتكئ ..

المندبة كبيرة والميت فأر ..

عمرك ما تجني من الشوك العنب *

foued كتب:

اللي في عينك حلا .. موش كان مالبرا جا
شومبوان سوبلاس الجديد بالبيفيديس و شعري ولى ديس سير ديس (10/10)

10/10 معناها فؤاد أصلع ومرفلنو