حذار : رافــــل

الرافل ... كلمة (قال الراجل) ملأت الدنيا و شغلت الناس ...كلمة تنفر منها الانفس و تقشعر لسماعها الابدان (...) كلمة مفزعة ...مرعبة ...كابوس يقضّ مضجع شباب البلاد (بطـّالة و موظفين) ...
وين تمشي تسمع ... رافل ...هاي مرفـّلة ...ماعادش تمشي للقهوة ... ردّ بالك يشدّوك ...وينو فلان ؟؟ ...ماسمعتش بيه ؟؟ ... المسكين هزّوه ...
حتّــى ماللعب و الفدلكة ولاو كان بالرّافل و على الرّافل و مواقع الترفيل و آخر أخبار المرفّلين ... و يكفي باش تسمع مزحة ثقيلة من نوع "تره بطاقات التعريف ... " و الا تسمع صيحة بعيدة في آخر النهج "ايا اطلع للباقة ..." و الا تشوف واحد لابس بالأخضر ، باش تحسّ بالغربة الشديدة و تحسّ اللي حكايات جودة الحياة و الأمن و الأمان لكلّها مشات (في خبر كان) و أنك تواجه في مصيرك وحدك و لا من مجيب و لا من نصير ... و تحسّ بفطور البارح و فطور اليوم و فطور الأسبوع اللي فات يتّحدوا مع بعضهم و يعملوا ثورة داخلية يصعب التحكّم فيها و احسن حاجة تعملها وقتها انّك تطلق ساقيك للريح و تطير (عجاجة) و في بعض الحالات تلجأ لأقرب دورة مياه تستردّ فيها معنوياتك.
فالرّافل اللي تعرفو بلادنا هذه الأيام أثـّر في الحياة العامّـة و تسبب بصفة ملحوظة في خلوّ بعض الشوارع و الأسواق من الجنس الخشن ; و خلّى جموع البطالة من الشباب يتجنّبوا القهاوي و الاماكن العامة اللي ممكن يكون فيها عرضة للرافل. حتى جموع الموظفين الـموش معرّسين و اللي اعمارهم اقل من 35 سنة زادة زادة نقّصوا من الظهور في الاماكن العامة و من التجوال على القدمين .

حقيقة منعرفش الاسباب اللي خلاتهم يرجعوا للصيغة الحالية متاع تطبيق قانون الخدمة العسكرية ، و مانيش متأكد زادة اللي المشاهد هاذية (الباقة المكتظة بالشباب ) مازالت تليق بالمجتمع التونسي اللي حسب وسائل الاعلام متاعنا قالّـك ولى نموذج في الرقي ّ و السلوك الحضاري و احترام حقوق الانسان و الحرص على كرامة المواطنين...
انسان يخرج من دارو الصباح و ما يعرفش في الليل يبات في دارو و الا في مركز الامن و الا يهزوه رأسا للثكنة ...منعرفش هذا يندرج في أيّ إطار و حسب أيّ منطق يعيشو الانسان الخوف و الرّعب من أداء الواجب .
فمّة شكون يقلّك اللي هذا منطقي و معقول طالما فمة شكون ما خدمش الجيش و هو يعتبر (فاصع) و مخالف لقانون الخدمة العسكرية و ربما صدرت في حقو احكام غيابية من المحكمة العسكرية ... لكن هلى انو القبض على المارّة بصفة عشوائية و غربلتهم على قارعة الطريق هو الحل ؟؟؟
أنا معنديش بصراحة حتى تصوّر لحلول ممكنة ، ربّما كانت فمة صيغ اخرى لتطبيق القانون متاع التجنيد ...صيغ متلائمة مع العقلية السائدة في مجتمعنا و مستوى احترام القانون و الوعي بالحقوق و الواجبات .
على خاطر (للأسف ) من المستبعد و من غير المعقول و غير المقبول في بلادنا انو الشابّ (او الشابّة) لا طاح لا دزّوه يقدّم روحو طوعا لمركز التجنيد و يقوم تسوية وضعيتو سواء بأداء الخدمة فعليا او بالقيام بالتعيينات الفردية او بالاستظهار بما يوجب الاعفاء من الخدمة ، هذية حكاية تنجم تصير في دول فيها المواطن يعرف حقوقو و واجباتو.

البارح ، صديقة في الفايسبوك قالت شبيه الراجل ما يخافش من الحبس و بالعكس يفتخر بالحبس (الحبس للرجال) في حين أنو يتفجع و يتبدّل لونو وقت اللي يسمع بالرافل ...و قعدت المسكينة باهتة من فزع رجالات (مستقبل) البلاد من التجنيد،

وهي على ما يبدو تحمل فكرة باهية على الجيش و ممكن مغرومة بأفلام الحرب و بطولات الامريكان في اوكيناوا و شجاعة المصاروة في حروب السويس، و رفقة السلاح و مشاهد البطولة و الرجولة و فداء الراية و الوطن ... و كل المشاهد النبيلة اللي تترافق مع كلمة القوّات المسلّحة و نشيد الجيش سور للوطن . و السؤال اللي يطرح نفسو ، ماهي علاقة الجيش التونسي بالقوّات المسلّحة ؟؟ و هل الجيش التونسي هو فعلا سور للوطن و الا هو جيش من بنّائي الأسوار و الطرقات و الجسور و قنوات المياه ؟؟؟
هل انّ المجنّد اللي باش يعدّي عامو فعلا باش يتلقّى تدريب عسكري ؟؟ زعمة عندو الفرصة باش يمسّ السلاح و يهزّ السلاح و يدرّب على السلاح ؟؟؟

أنا يحكيلي صديق تطوّع قبل سنوات في الجيش و عدّى عامو في ثكنة كبيرة جنوب العاصمة ، أنو ما يعرفشي من السلاح كان البندقية النمساوية رديئة الصنع الشتاير و امضى معظم الوقت في الاشراف على طابور متخصص في رعي الاغنام و ريّ الزيتون و الاشجار المثمرة.

فالجيش التونسي هو حسب ما يقولو في وسائل الاعلام جيش تنموي يساهم في المجهود التنموي و في المشاريع الكبيرة في البلاد ...وهذا موش عيب لو تمّ الاعتراف به و اقراره أما يقلّك الجيش سور للوطن و قوات مسلّحة و دفاع و ردع و كفاءة و اقتدار و مبعد يهزّ الشباب باش يعدّيو عام خدمة (شاقّة) و لا صوردي لا خرّوبة فهذا غير مقبول لانو الفكرة حسب رأيي فيها استغلال لفكرة و مفهوم الدفاع عن الوطن لتحقيق اغراض اخرى ، اقتصادية ربّما او سياسية او حتى اجتماعية بتأخير سنّ المطالبة بالعمل سنة على الأقلّ .

ايا انستو و ردو بالكم من الرافل مالا



منقوووووووووول

رد بالك
ادفع لفلوس تخرج

شطر عمري مرفّل
سنوات الضّياع
الّي عدّيتو هارب أكثر ملّي عدّيتو نحوّس

انهنيك سي فؤاد عديتهم هاك 3 قمرات ....

ربي امنع الهارب
اللازم في اللازم
ان شاء الله المجندين يعمل بيهم حويجه اتفيد لبلاد
الطرقات السدود حتى حصدان القمح
الحروب مثماش عنا عدو واحد منقدروش اعليه خاطر معبر رفح امسكر الغذاء ميفوتش خلي لا ..............

الرافل الكابوس المرعب للشباب
ما فرغت القهاوي وولينا نخرجو و نتعدو من الطريق اللي نحبوه كان توة ههههههه

ملا جو ...

مرة زعمة رفلوني ......

متعدي خوك أنا و صاحبي من قدام المركز قدام جامع بن يعقوب .....

حبسونا 3 أعوان ... قالك رافل....

أنا ميديتلو كارت طالب ما عرفش يقراها ... شد يقر فيها بالمقلوب

قالي أشنية هذي ... قتلوا كارت طالب في ألمانية

صاحبي مدلو كارت طالب ماستر

حسيتو اندم إنو وقفنا ههههههه

برو ردوا بالكم من ترفيلة في الصيف و السخانة على الأقل خلي تنضاف الشوارع و القهاوي شوية

قالك الحملة المكثفة متع السنة خصيصاً لفؤاد قالك ناوين عليه
وين باش تهرب يا فؤاد

foued كتب:

wardabayda كتب:رد بالك
ادفع لفلوس تخرج

صدقيني المرة هاذي مسربسة اكثر من الازم و لاينفع معاها لا دفعان فلوس و لا والو

daf3an leflous dima yanfa3 fi tounes

:idea:

hiba84 كتب:

foued كتب:

wardabayda كتب:رد بالك
ادفع لفلوس تخرج

صدقيني المرة هاذي مسربسة اكثر من الازم و لاينفع معاها لا دفعان فلوس و لا والو

daf3an leflous dima yanfa3 fi tounes

:idea:

لا والله المرة هذي الهوا ميدورش
رافل pour tt عباد, كراهب,موبيلاتات ...
اليوم أنا قاعد قدام الcyberpark وعاطي عيني للبوليسي اللي فالرومبوان متع البوسطة ياخا تعدى من بحذايا راجل كبير على موبيلات وهاز قضيات لداره ويمشي 0 كم ياخا يطنطروله 2 على موتوات وحدة متع بيشة وفرهود ولخرة BMW بالحرام كان يتعدى صاروخ يا يشدوه لحقوا على أك الراجل وبدو يعيطوا حبس حبس حبس مسيكين مالفجعة زعمة طاح ياخا حبس ولى هز قضياته وكملها قامبة مفمش 5دق يتعدى الشنقال هاز كليو ومولاها يبرطع وراهم
وكان عالعباد القهاوي فرغت أزح القهوة يهبطو عليها بال10 مرات فالنهار أش لز الكروان باش سكرت
وخبر جديد قالك الرافل ممتد حتى ل14-15 سبتمبر أولا فما برشة فرق فالقزرنات فرغوا 84-15-14... خاصة متع القصرين وثانيا قالك فما تعيينات باش توقع والرافل ما يحبس كان مبعدها
وبصراحة في العاصمة مفم شي لا رافل لا ديابلو فما كان 4 أعوان في محطة برشلونة وكل مرة ينادوا واحد يسألوه معدى الجيش ولا لا

بروا ربي معاكم بحيات الصابون لخضر واللام وبحيات الراقو والدفاع عن راية الوطن :cherry:

foued كتب:

hend كتب:قالك الحملة المكثفة متع السنة خصيصاً لفؤاد قالك ناوين عليه
وين باش تهرب يا فؤاد

ان شاء الله يرفلوك انت يا ماسطة تو تعرفي التفدليك الماسط متاعك كيفاش ..
و كانك عليا انا مسلكها طلعت تاجيل بو عام و اموري في الشنقر ونقر ..
ندخل لقفصة وانا نافخ صدري :geek:

ميسالش ما تشديتش السنة تتشد العام الجاي وكانك عليا نهديلك أغنية "أنا رايح بكرة عالجيش"

mela ezrb rou7k 5ouya fou2ad :geek: bayn feha alb999999999999a3 ma7douda

:rendeer: