ظاهرة الرافل سبر آراء

تذكير بمساهمة فاتح الموضوع :

واجب الجندية

surtout rakzouli 3ala el salle a mangé vraiment 9ahra! miskine izid draj wiwali jarbou3

صراحة انا مانيش ضد خدمة الوطن و الكلنا نعرفو انو خدمة الوطن من الايمان و واجب مقدس على كل مواطن و مواطنة تونسي(ة) و الكلام هذا مافيشي ادنى شك ..
و انما الحملات هاذي "الرافل" او القبض على المارّة بصفة عشوائية اللي يعملو فيها ماهيش حضارية حتى طرف خاصة و احنا في عصر الامن والامان " هوما قالو هكا .. انا ما ريتش الحق" تلقاهم يلمو فيها على بعضها حمص و زبيب و يحشو فيهم في الباقة كالغنم تقولش فلاح مهبط رسلة غنم لسوق الاربعاء و كل زوز مربوطين في بعضهم بالمينوت تقولش عليهم عاملين جريمة و مبعد يجيك واحد متحصل على الميدالية القزوردية في ضرب البندير و الطبال و يقول راهو الرافل مظهر حضاري و المواطنون يطالبون باستمراره بقية العام !!! الاسبوع اللي فات معلم صاحبي يحكيلي قالي هابطوه من اللواج و حطوله المينوت في ايديه و طلعوه الباقة والعباد تتفرج تقولش عليه عامل جريمة ولا قاتل رقبة قالي كرهوني في الجيش و في الوطن .. و مبعد رصتله في تعيينات فردية..
صدقوني انا واحد من الناس رصتلي توا قريب الشهر و انا معتكف في دارنا بطلت القهاوي و الدورة و الهملة و الاحواسات و الاسواق .. وليت نخرج كان في الليل و مانفوتش الحومة زادا .. هاو كان توا كيف عملت تاجيل تفرهدت شويا و رجعت الى سالف نشاطي ..

بصراحة ماعادش يطلع علينا الشيء هذا و احنا في القرن 21 خاصة و ان المجتمع التونسي اللي حسب وسائل الاعلام متاعنا قالّـك ولى نموذج في الرقي ّ و السلوك الحضاري و احترام حقوق الانسان و الحرص على كرامة المواطنين .. الواحد يجي خارج الصباح و قاصد ربي يخدم على روحو .. مايعرفش على روحو يا يبات في دارهم ولا في المركز .. ولا في الثكنة ..
يبدا متعدي في الطريق و خايف و يتلفت يمين ويسار تقولش عامل عملة .. يبدا يشرب في قهوة ومرعوب ..!! بالحق الواحد ولى عايش في رعب حقيقي .. و مبعد يجي يحكيلك على كرامة المواطن و حقوق الانسان !! بربي وينهي هالكرامة متاع المواطن و هو مربوط بالمينوت في ايديه و ملوح في الباقة كيفو كيف اللي عامل جريمة ولا قاتل روح ؟؟

بصراحة حكاية "الرافل" او القبض على المارّة بصفة عشوائية ماهيش حل و لاعمرها لاكانت حل ..
انا من رايي كان تتم مراجعة حكاية الرافل و البحث في صيغ اخرى لتطبيق القانون متاع التجنيد .. صيغ متلائمة مع العقلية السائدة في مجتمعنا على مستوى احترام المواطن و الوعي بالحقوق و الواجبات .

والله يا أخي فؤاد بكلامك هذا
راك تسيء لسمعة البلاد
أخي إن كان كل واحد قام بواجبو
لااظن
أن الدولة تفتش عليه ولا يهمها أمره
بالمرة
يا أخي أنروح للخدمة الوطنية وراسي مرفوع
أحسن بكثير ما نلحق أنه يأخذوني بالقوة وذليل ...

foued كتب:

الحوار مع الشباب

[ندعوك للتسجيل في المنتدى أو التعريف بنفسك لمعاينة هذه الصورة]

أخر واحد في المرفلين هو فؤاد

b.kalija كتب:والله يا أخي فؤاد بكلامك هذا
راك تسيء لسمعة البلاد
أخي إن كان كل واحد قام بواجبو
لااظن
أن الدولة تفتش عليه ولا يهمها أمره
بالمرة
يا أخي أنروح للخدمة الوطنية وراسي مرفوع
أحسن بكثير ما نلحق أنه يأخذوني بالقوة وذليل ...

som3et lebled ??????

adolf hitler كتب:

b.kalija كتب:والله يا أخي فؤاد بكلامك هذا
راك تسيء لسمعة البلاد
أخي إن كان كل واحد قام بواجبو
لااظن
أن الدولة تفتش عليه ولا يهمها أمره
بالمرة
يا أخي أنروح للخدمة الوطنية وراسي مرفوع
أحسن بكثير ما نلحق أنه يأخذوني بالقوة وذليل ...

som3et lebled ??????

سبحان الله لا بد علينا
إحترام قوانين الدولة وعدم مناقشتها
أخي الكريم هذا أقل شيء يمكن عمله ...
أورأيك مخالف ....؟؟؟؟؟؟؟؟؟؟

chnowa brabbi nabda habet lel sougge iji wa7ed direct la salam la klam ihezek w yotherbek w tal3ek lel karhba ..chnowa 9anoun li 9oul haka brabbi ?????????????

يا أخي اللي يمشي وراسو مرفوع
أحسن من اللي يمشي وهو مطأطأ الرأس
والدولة لها ألف حق .

اوكي الدولة له ألف حق و مليون حق أما بش يخسرو كان هم أزيدو وكلوهم و يشربوهم ..و الجيش التونسي ليس لهو أي دافع حقيقي لل................
إلي هنا يكفي الكلام ..

:roll:





كلما سمعت هذا النشيد الرسمي لتونسنا الغالية أهتز قلبي و أحسست بالروح الوطنية تنحت بحروف من ذهب من جديد في قلبي ويبعث بداخلي أحلى و أنبل المشاعرالمخلصة لبلدنا تونس الحبيبة



و حين نرى هذا العلم يرفرف بنا و لنا نزداد فخرا و عزة و شموخ و ندعوا الله بأن تظل هذه الراية العالية صامدة و
شامخة أبد الدهر.
وحتى يبقى الأمن و الأمان داخل البلاد لابد من وجود رجال و مناظلون يحرصون هذا البلد ويخدمونه.فكيف سيكون هذا؟


سنة واحدة سيكون الشاب فيها مجندا لخذمة وطنه الذي ولد فيه و ترعرع و نشأ.
365 يوما ستكون مدة طويلة و قاسية على كل فرد أدى هذا الواجب الوطني لكن الفائدة تكون أحلى و أعذب مذاقا و لا ننسا أجرنا العظيم عند الله عز وجل



الخدمة العسكرية واجب وطني مقدس على كل فرد منا له القدرة الصحية للقيام به

فلولا رجالا جاهدوا و ناظلوا و صبروا لما نعمت تونسنا الخضراء بالاستقلال و الحرية
ولولاهم لما زلنا نعيش تحت رحمة الاستعمار وجبروته و اغتصابهم لأرضنا الطيبة