على شكون صعبت؟؟؟؟؟؟؟؟؟؟؟؟؟

السلام عليكم ورحمة الله وبركاته ..وبعد
. هم جمعا من الاصدقاء يطلق على مجلسهم ب " شلة المعاكسين " في اشارة الى
الاتجاه المعاكس الذي تبثه الجزيرة .يختارون ركنا منزويا في احدى المقاهي
دون كاميرا ولا مكروفون ولا مخرج ولا مقدم ولا منشط ..كلهم يمثلون دور
الاعداد والاخراج ..يناقشون كل الافكار ويحللون الاخبار والانباء ويقيمون
المظاهر والازمات العربية والعالمية ..لم يكن مجلسهم فريدا من نوعه فماهو
الا فضاء يرتاحون الى البقاء فيه كلما سنحت الظروف وانتهت الاعمال ياتي دور
الاقوال تباعا والمقهى مجمعهم وملتقاهم .

شرفني مجلسهم ذات يوم فلم اكن ممن يبادلون الحوار والنقاش او طرح ما تعودوا
عليه سابقا ..تسمرت في مكاني وازدادت اعدادهم وكونوا حلقة مستديرة ..واذا
باحدهم ..يجمع انفاسه ويتنهد تنهيدة مصطنعة ثم يقول " ايه الدنيا صعبت "
بادره اخر بالسؤال " ومتى كانت سهلة وميسرة ؟"

وهنا وجدت نفسي مشدودة الى حديثهم اكثر من ذي قبل وانصت الى تفاعلهم
وتعليقات بعضهم اتحثث خباياها ومعانيها ومقاصدها فساسرد بعض ما سمعت منهم
تباعا .

1.الاول

ياخويا ..عندي بنتي قابلة على الزفاف خلال الصيف المقبل والله تهريت
واتعريت ..كملت تو كل شيء تقريبا ما بقي سوى جهاز تلفزة .." ابتسم وضحك
الحضور وساله احدهم قائلا " اخي تقولش لينا اش جهزت لبنتك ؟" اجاب "
الغسالة والقاز " الة الطبخ " والديفيدي والبارابول والفريجيدار والماعون
وكل ماتتطلبه الكوجينة من بيت فطور وغيرها من اللباس والاغطية بانواعها
المختلفة "

عقب احد الحضور على كلامه قائلا " ايه الدنيا صعبت ..قبل كان الشاب هو اللي
يوفر كل هذا اللي تحكي عليه ويزيد فوقهم الشرط وماادراك ماالشرط ويكون
نقدا او حليا وكسوة العروسة من ساقها لراسها وان شاء الله ترضى هي وامها
وفي وقتنا هذا يقلك اشبيه الشباب عازف عن الزواج ؟ هاي نعمة هذه كل شيء
تجهزه البنت وياربيش يقبل بيها "

2.الثاني

حب يغير الموجة ويبدل المحطة قال " الدنيا صعبت ..قد مانجري وانجري مانيش
خالط على شيء ..لاشهريتي ولا سوالاتي وقروضاتي حلتلي نقائص ومصاريف العيلة
..خوكم ماكم تعرفوا الشهيرية على قدها والذري احسب تغلط ..منين باش انجيب
..نمشي نسرق ؟ ومنين باش نسرق ؟ والله حرت وظلامت الدنيا في عيني "

اجابه احدهم " ياخويا ماكش وحدك ..لو كان انت شهار وماخلطتش ؟ امالا اش
نقول انا خدام حزام ..مرماجي ..نهير نخدم واربعة قاعد بطال شادد القهوة "
اما الحمد لله مستورة وماشية مرة متجزي ومرة منقوص واللي عند ربي ماهوش
بعيد " اما انت ياخويا اش لزك تجيب في الذري على روس بعضهم كيف سرابس
البلار ..ومن بعد تقول اش باش يوصلهم ويكبرهم ؟ ماك تعرف اش يتسنى فيك من
الاول "

3.الثالث

هذا يظهر فيه مثقف برشى قال " بالله اقلبوا علينا هالصحن ..وخلوا الستر
لربي ..توا تفرجوا في الجزيرة وشوفوا الموتى من كل حدب وصوب ..هاو في
نيجيريا التالية الموت كالبطاطا والقتل فيها تتساوى فيها الحيوانات
والحشرات والعباد ...والا في افغانستان هاو قلك ما ازاهمش طائرات وصواريخ
امريكا والنيتو زادت كملت على مابيهم الانزلاقات الثلجية ..والا في غزة
الحصار من كل حدب وصوب سكروا عليهم حتى الهواء اللي يتنفسوا فيه ..والا في
دارفور السودان البقاء للاقوى ..والا والا ..وانتوما توا احمدوا ربكم
تاكلوا وتشربوا وتعلقوا على الكورة وتحللوا ..والفايدة بكلها انكم احرار
تتكلموا كيف ماتحبوا وتختاروا اش تحبوا "

وقبل ان ينهي الاخير كلامه كثر الهرج والمرج وعمت المقهى الضجيج والصراخ
..ياقهواجي جيب رامي امتاع اربعة اطراح وعجين " ياقهواجي هات شكبة ..هات
روندا..هات بيلوط...هات ديمينو ..هات الالكسبراس بيان سيري ..هات ..هات...

ماني قتلكم الدنيا صعبت برشى ...امالا ...صعبت على اشكون ؟؟؟؟؟

دمتم بود

من طرف **هِبة** الأحد 14 فبراير - 21:02

الدنيا صعيبة على الناس الكل
الفقير و الغني
الجاهل و المثقف
الصغير و الكبير
الرجل و المرأة

المهم الواحد يوسع بالو

يا اولادي اش صعبها صلو على النبئ
والله نحكي كتوانسة امورنا اكثر من 5/5
الراجل جهز ابنتو بالكماليات الكل
والجماعة في القهوة هات ...هات ....
بالله قولولي ....
اقل شئ البرطابل ماهو يتسمى من الكماليات؟؟
العيلة فيها خمسة افراد تلقى اقل شئ سبعة بورطابلوات في الدار...

الدنيا صعبت لأنو
الانسان رجع طماع و ما يقنعش باللي عندو يحب دايما يكسب
وش كسب جارو و صاحبو
لان الفرد اصبح يشتري اشياء لا يحتاجها من اجل التباهي
و يترك الدين و الفسليتي تخنقو
من سوء التسيير كذلك اللي يجي بحكم و يدبر قهوة موح اشرب و روح
و لا نسى كذلك اننا شعب بستهلك و لا ننتج .بما ان الفلاحين و المزارعين
استغنوا عن مهنهم و اصبحوا يتسارعون للاسواق.

على شكون صعبت؟؟؟؟؟؟؟؟؟؟؟؟؟

على شكون صعبت؟؟؟؟؟؟؟؟؟؟؟؟؟

رد: على شكون صعبت؟؟؟؟؟؟؟؟؟؟؟؟؟

رد: على شكون صعبت؟؟؟؟؟؟؟؟؟؟؟؟؟

رد: على شكون صعبت؟؟؟؟؟؟؟؟؟؟؟؟؟