كرســــــي الاعتــــــــراف

فؤاد سؤال أخير
هل تحب الشعر؟
وأي شاعر تحب؟
وهذه هديتي لك

حنان :

1- قبل أسمك ماذا تحب أن تكتب ؟
اسم خطيبتي

2- حيوان تشعر انه مظلوم ؟
العلوش نهار العيد الكبير يسخفني كيف نجي نذبحوه

3- حقيبة أسرارك عند من تضعها ؟
نحتفظ فيها و نخليها عندي

4- أحد علماء النفس قال ذات مرة : ( أنه باستطاعة الإنسان العيش بدون أصدقاء ... ) ماذا ترى أنت ؟؟؟
صاديبون انت و نوع الاصدقاء : فمة اصدقاء ماتنجمش تعيش من غيرهم و فمة اصدقاء تتمنى لو انك لم تعرفهم ..
معناها اكيد عالم النفس هاذا عندي اصدقاء من النوع الثاني معناها اصدقاء سوء

5- أين تأخذك ذروة الغضب ؟
كيف نتغشش نجم نعمل اي حاجة و كان فيدي حاجة طول هالحيط

6- ما أجمل شيء في الاسلام ؟
أجمل شيء في الإسلام هو ... الإسلام .. الحمد لله على نعمة الاسلام

7- لماذا لم تصبح مشهورً ؟
الحمدلله هاني مشهور في نيجيريا يزي هههه

8- متى يعاندك النسيان ؟
ديما و بالمجد عندي مشكلة كبيرة مع النسيان ولتوا مالقيتلهاش حل

9- متى يقسو قلبك ؟
كيف نحس بالظلم

10- هل حدث أن أنتصرت على نفسك يوماً وأحصيت عيوبك ؟
اكيد سيرتو مللي جيت لنيجيريا وليت غالبها نفسي

11- ما هو أنطباعك عن السياسه ؟
كورة اللي يجي يشوتها لغيره

12- متى تخجل من نفسك ؟
كيف نحط هدف ولا حاجة في بالي .. و مونوصللهاش و كيف نقول حاجة و مانعملهاش و زادا كيف نوعد و نخلف

13- في زمن البحث عن المادة ... عن ماذا تبحث أنت ؟
عن الحب و السعادة

14- ماهو هدفك بالحياة؟
تي ماني جاوبت عليه الف مرة يا حنان السؤال هذا !! ياخي ماكش قاعدة تقري فللي نكتب فيه

15- ضمن من تصنف نفسك سلبي أم إيجابي؟
je suis neutre , ph = 7

16- رتب هذه الكلمات حسب الأفضليه لديك :
الصحه - راحة البال - الزوجه - المال - الاولاد - الحصول على أعلى المناصب .

17- عندما يحتد النقاش وتحس أنك تناقش موضوع لا جدوى من مناقشته لانه لن يتغير الوضع ماذا تفعل؟
نسكت و نمشي نعمل دورة

18- عندما تتناقش ايضا في موضوع وفي النهايه بعد اصرار منك بالبدايه انك على حق فتكتشف ان الذي امامك على حق ماذا يكون ردة فعلك؟
عادي .. الناس الكل تغلط و تصيب

19- لو تفاجئت بخيانه شخص عزيز ايا كان كيف تتصرف معه؟
نمحيه من ذاكرتي جملة و نوكل عليه ربي

20- لو طلب منك تولي منصب الوزير من تختار من الوزارات وماهي قراراتك؟
بيني و بينك مانحبش المسؤوليات من نوع تشد وزير ولا رئيس .. خليني هكا ارتحلي

21- انت من مدينة تحبها وتعشقها بكل مافيها فاذكر مدينتك وعبر عنها بكلمتين فقط؟
بالرغم من اني نحب المتلوي و نعشقها اما هذا مايمنعش من انها بلاد العجاج و الدمار

اهم سؤالين ... وارجو الرد عليهم بصراحه وبدون أى زعل يا أصدقائى ؟
يا أصدقائى ؟؟ // يا بنتي ياخي في اشكون تكلمي ؟؟ يا خي انا اسمي اصدقائي ؟؟ على بلادتك مانيش باش نكمل نجاوبك على الاسئلة متاعك ههههه

22- أعضاء تعجبك كتابتهم وقل رئيك بشخصياتهم سوا ايجابيه اوسلبيه؟
ماني قتلك مانيش باش نجاوبك و بري لاصدقائك يجاوبولك عليه هههه

23- عضو تضحك من اسلوب طرحه للمواضيع والردوود وعضو اخر تعتبرة جد جداً فى كتابته ( أى لا يعرف الهزار أو المزح)
ماني قتلك مانيش باش نجاوبك و بري لاصدقائك يجاوبولك عليه ههههه

amorbouali :

فؤاد سؤال أخير
تي هام زوز هاذوما موش واحد بركة ؟؟ برى مايسالش يا سيدي هاني تو ناخذ بخاطرك
هل تحب الشعر؟
موش برشة
وأي شاعر تحب؟
نحب بلقاسم متاعنا " ابو القاسم الشابي"
وهذه هديتي لك
شكرا جزيلا اخي على الهدية

خاطر طفاني عندهم نهارين السؤالات يلزم انكرر باش يفهم وايجاوبني

thouraya :

شنوه تاكل في نجيريا :
ناكل تقريبا كيما في تونس : حوت ، دجاج ، كسكسي ، مقرونة ، الروز ..
أكثرحاجة تحبها وثعمل المستحيل باش ما تخسرهاش :
خطيبتي بطبيعة الحال

enchallah rabbi yfadhalkom le b3adhkom w rod balek 3leha

حنان :


1- هل أنت شخص رومانسى؟
كان الرومانسية من نوع الواحد يبدا ساهر تحت ضوء القمر و يستمع لاغاني الحب و يبدا سارح .. السماح ماحاجتيش بيها هههه

2-هل يمكنك أن تضحى بحياتك من أجل من تحب؟
بالله فماش اكثر من التضحية اللي انا مضحيها تو ؟؟ الواحد ملوح في بلاد الصفان و بعيد على اهلو و اصحابو

3- ما هي مواصفت شريك حياتك ؟
انها تكون : بنت عايلة ، متربية ، تخاف ربي ، رزينة في مخها و حكيمة في قراراتها و تكون مزيانة زادا بالطبيعة

4-من يعشق قبل الاخر من وجهة نظرك القلب ولا العين؟ ولماذا؟
ساهلة برشة : العين تكابتي و القلب يعشق

5-ماذا تفعل اذا خانك من تحبة؟
نوكل عليه ربي ونمحيه من ذاكرتي جملة

6- لو خيروك بمكان تذهب فية مع حبيبك ... ما هو المكان ولماذا اخترت هذا المكان؟
نمشي نعمل معاها عمرة ولا حجة ان شاء الله فماش ما ربي يباركلنا

7- متى تشعر بالوحدة وانت مع حبيبك؟
jamééééééééééééé كان نشعر بالوحدة وانا معاها

8-اغنية تهديها او سوف تهديها لحبيبك ؟
فمة اغنية نحبها برشة و ديجا هديتهالها مرة
هي اغنية لفيروز تقول كلماتها :

شايف البحر شو كبير كبر البحر بحبك
شايف السما شو بعيد بعد السما بحبك
كبر البحر وبعد السما بحبك نيا حبيبي
يا حبيبي بحبك
نطرتك أنا ندهتك أنا رسمتك على المشاوير
يا هم العم يا دمع الزهر يا مواسم العصافير
ما أوسع الغاية وسع الغابة قلبي
يا مصور ع بالي ومصور بقلبي
نطرتك سنة وياطول السنه واسأل شجر الجوز
شوفك بالصحو جاي من الصحو وضايع بورق اللوز
ما أصفر الدمعة أنا دمعة بدريك
بدي أندر شمعة وتخليني حبك

9-اى نوع من الورود سوف تهدى حبيبك وما هو اللون؟
وردة حمراء

10- هل انت عاشق للحب لمجرد الحب ام انك عاشق لمن تحب ؟
عاشق لمن احب

11- ما هو رايك في الحب ؟
الحب هو حصيلة اعجاب بين طرفين

12 - هل تعترف ان هناك حب عن طريق التليفون او النت ؟
ممكن فمة اما اكيد في الاخير مايوصل لحتى نتيجة ايجابية

13- ما رايك في الحب الاول هل هو اكبر حب ام اكبر وهم ؟
موش حكاية حب اول ولا اخير .. المهم الحب اللي يدوم و يبقى

14- ماذا تفعل عندما تشعر انك احببت الشخص الخاطىء وانه لا يستاهل هذا الحب؟
نمشي طول نعدي على روحي عند الطبيب ههههه

15- ماذا تفعل لو عرفت انه هناك شخص يحبك وانت لا تبادله الشعور ؟
نقله ربي يصبره اول حاجة وربي يفرج عليه ثاني حاجة

شيء مش رومنسي حتى طرف هالراجل بلاش بيه ههههههههههههههه

السلام عليكم