ان كيدهن عظيم

كان يا ما كان في قديم الزمان …… …
قالك يا سيدي ثمة عجوز قاعدة في دارها
وفجأة طلعلها ابليس عليه النعلة ………
العجوز خافت وسمت بالرحمن
…قالها ابليس :أنتي يا عجوز هل تعتبرين نفسك داهية
العجوز: نعم أنا داهية ……….. والنساء عموما كيدهن عظيم
أبليس: أنا أتحداك……..وانشوفو اشكون أعظم …..المرأة والا أبليس
العجوز :باهي انا نعمل مشكلة وأنت لازمك تحلها واذا ما قدرت أنا أنحلها
و أفوز بالرهان.
O.k :أبليس
مشات العجوزشافت على شاب بطال مسكين وقالتلو انا تنخدمك فترة اما انحب الطاعة والكلام لا
وافق الشاب خاطر يحب على شوية فلوس
مشات العجوز ومعاها الشاب لحانوت قماش وقالتلو أتنتظرني عند باب المحل
…دخلت المحل وشرت قماش غالي وابدات تسوم في تاجر القماش
العجوز: نقصلي شوية يا بن الحلال …
التاجر :اذا أنتي ما عندكش فلوس خوذي قماش أرخص
العجوز : ما انجمش يا وليدي ….لازم يكون غالي والا بيصير شي ء ما صار
التاجر :ليش؟ لاباس …..لها الدرجة …..شنوة الحكاية؟
العجوز:شفت الشاب اللي واقف عند باب المحل ..هذا ولدي
..يحب وحدة متزوجة وهي تحبو ولما تتطلق من زوجها …ولدي يتزوجها
وهو قالي أن عارضتي الزواج أطردك من البيت وأمرني أني أشتري قماش
غالي باش يعطيه لحبيبتو ولا باش يطردني من البيت مع أن البيت بالأساس
بيتي ولكني غلطت وكتبتو باسمو العجوز تبكي
التاجر: ميسالش هونيها وتهون والله كسرتي خاطري ….باهي هاو باش نعطيك القماش
ببلاش….واجري على الله
العجوز طلعت فرحانة وقالت للشاب برة انت للدار
ومشات العجوز لبيت زوجة تاجر القماش وطبطبت الباب وخرجتلها الزوجة
العجوز:آه يا بنيتي أنا تعبت في الطريق و ما انجمش انأكمل ممكن نرتاح بحذاك شوية
خمس دقايق .
رحبت الزوجة ودخلتها وأكرمتها وجابتلها شاي
العجوز: مشكورة خليني نمشي توة (تعمدت تنسى القماش ) وطلعت.
الزوجة:مسكينة نست قطعة القماش …أكيد توة ترجع بعد شوي وتأخذها
نمشي أنحطها في الخزانة ..
تاجر القماش رجع لدارو وتغذى وارقد شوية شوي .
قام العصر وفتح الدولاب باش يبدل حوايجو باش يرجع لحانوتو ……مفاجأة قطعة القماش
وعرف أن المرأة اللي يحبها ولد العجوز هي زوجته يعني تخون فيه
اتغشش عليها وطقها وطردها في الشارع بالحوايج اللي عليها.
العجوز كانت تنتظر هاللحظه في أخر الشارع مشاتلها تجري
العجوز: وش بيك يا بنيتي ليش تبكي؟
الزوجة : زوجي طردني …وما أعطاني فرصة أتكلم .
العجوز: ميسالش أنا انهزك لبيتي وأنا نمشي أنحل المشكلة
مشات العجوز لبيتها ودخلت الزوجهة في غرفة بينما الشاب كان في
غرفه ثانيه وأمرته أنو ما يطلعش منها
مشات العجوز للشرطه تبكي وتقول :كنت قاعدة في بيتي وفجأة دخل
رجل ومعه مرأة وقعدوا ببيتي حاولت أطلعهم ما نجمتش
(أحتلوا بيتي )
ذهبت الشرطة وقبضت على الشاب والزوجة ….وحطوهم في السجن.
العجوز: ههههه وش رايك يا أبليس دورك توة حل المشكلة
أبليس : لا لا ما انجمش أنحلها هالمشكلة تشربكت برشة
العجوز: أنا باش أنحلها وكأن شيء لم يكن ..
ونربح الرهان
مشات العجوز تزور الزوجة بالسجن وقالت لها :أنتي ساعدتيني مرة
وأناتوة باش أنساعدك …..يلا ألبسي السفساري وغطي روحك وأطلعي من السجن كأنك أنا وأنا توة نقعد
مكانك.
الزوجة:مشكوة ….لكن أنتي
العجوز: ما يهمكش كيف ما طلعتك انطلع روحي.
تمت عملية الهروب بنجاح….
الوالي أمر الحراس يحضرو المسجونين باش يحكم عليهم
حضرت العجوز والشاب وقالهم الوالي :ليش قابضين عليكم وشنوة عملتو؟
ردت العجوز:احنا ما عملنا شيء كنا قاعدين ببيتنا أنا وولدي دهمت الشرطة
علينا وهزونا للسجن .
اتغشش الوالي على الشرطة وما عطاهمش فرصة يتكلمو ويقاللهم: غلطانين
واتحبو تتكلمو.
طلعت العجوز من الوالي وعطت الشاب فلوسو وأنهت خدمته عندها.
مشات العجوز لتاجر القماش وقالتلو أنها تعبت في الطريق وأن زوجته أصيلة وأكرمتها وهي من
كثر التعب نست القماش عندها وأن زوجته بريئة
وقالتلو خذ قماشتك لأن ولدي سافر هو و زوجته الجديدة.
رجع التاجر زوجته وتأسف منها و راضاها .
العجوز : وشنوة رايك يا أبليس أنا فككت الحكاية بسهولة والا لا؟
أبليس : أنتي ربحتي ….
يمة………يمة أن كيدهن عظيم
هرب منها وهو خايف
ههههههههههههههههههههههه يا لطيف منكم

مكان فيه عجوز كهذه لا يدخله شيطان فكيدها وحده كفيل باتمام مهامه
هههههههههههههه