بنتي تخدم و انا قاعد

حامد عماري كتب:

اولا ناس بكري يقولو : سعود موش تعرية زنود

و توا : سعود و تعرية زنود

ثانيا : انا و انت و هو و هم ما يلوجو كان على مرا تخدم \ تحبها ترقد و تبقى بلا راجل ؟؟؟؟؟

ثالثا : برشة برشة من بناتنا نظاف و خاطيهم و جابوها بسهر الليالي و المناظرات و عاونو اخواهم باش طلعو رجال

لا سعود و لا تعرية زنود \ مجهوداتهم وصلتهم

هاك تشوف فيهم في الليسيات و في الجامعة اكثر المتفوقين بنات \ فيهم المزيانات و فيهم الزبوز ما يقحرلهم حد لكن يجيبوها بالمجهود و التوفيق من ربك

رابعا : جلمة بلاد الذهب \ ماكمش في حاجة لخدمة الحاكم

عندكم ما شاء الله جبال مغيلة الكلها خيرات

_ الاكليل غير اعمل مردومة و اصنع زيت الكليل تصدرو فيه

_العرعار تصنعو منو القطران

_ الحجر تعملو فيه جير عربي الشكارة بهاك الحساب للدهينة و سقيان السطوحات

_ الصنوبر : شبعة فلوس \ كيلو الزقوقو ب7 الاف من المنشر

_ ما تنساش العلوش و الغنم \ ما شاء الله جلمة الاولى في بوزيد

_ ما تنساش البقر : حتى كاني اغلب الشتلة عربي لكن الحال ماشي

_ الخضروات : ما شاء الله \ الفالتة وحدها تعيش شطر جلمة خلي كيف نزيدوها البحيرات الجبلية في كل بلاصة \ صحيح نزحت الكلها في هالجفاف لكن ربك كريم \ توا تصب و يدز الخير

_ النباتات الجبلية النافعة : الخرشف \ السلق العربي .... من الابيض لسلتة لمغيلة لعين مدور لعين جفال

_ الماء الزلال : حياة و ما ادراك نشرو فيه الدبوزة ب500 و انتم من فضل الله تغسلو بيه في الصوف

ريان كتب:

حامد عماري كتب:

اولا ناس بكري يقولو : سعود موش تعرية زنود

و توا : سعود و تعرية زنود

ثانيا : انا و انت و هو و هم ما يلوجو كان على مرا تخدم \ تحبها ترقد و تبقى بلا راجل ؟؟؟؟؟

ثالثا : برشة برشة من بناتنا نظاف و خاطيهم و جابوها بسهر الليالي و المناظرات و عاونو اخواهم باش طلعو رجال

لا سعود و لا تعرية زنود \ مجهوداتهم وصلتهم

هاك تشوف فيهم في الليسيات و في الجامعة اكثر المتفوقين بنات \ فيهم المزيانات و فيهم الزبوز ما يقحرلهم حد لكن يجيبوها بالمجهود و التوفيق من ربك

التعابير اللي تستعمل فيهم اكبر دليل علاش البنات متقدمين علينا

يا ولدي احنا موجودين في منتدى اجتماعي مش في سوق ولا حومة

يلزم اي عضو فينا يهذب من التعابير اللي يستعمل فيهم.

سبحان الله و لله في خلقه شؤون