لتواصل الا جتماعى

السلام عليكــم ورحمـة الله وبركاتــة ،،

احلى شي لما يجوا اقاربك في زيارة و تصير هرجة و مرجة

او ايجوك اصدقاء يتغدو او يتعشو عندك

او اجوك اصدقاء من مدينة ثانية

المهم جو حلو و مليح و فيه ود و محبة


و توا في ضل غلاء المعيشة و مرتبات الناس الظعيفة و خاصة انه مرات المرتب اتجي معاه فاتورة الضو والماء والتلفون وساعات الزايدة ة متاع لولاد. والله قلبي وجعني على كل خليني انكمل الفكرة متاعي


اش يعمل الانسان؟

اكيد احاول يعمل الواجب واكثر

لكن بمجرد ان يمشو الضيوف تكون ميزانيته تأثرت... او مرات يشري اللحم و الخضرة و المشروب و و و و بالدين لان الفترة يلي جو فيها الضيوف ماعندوش في جيبو ما يستر.

يعني تقريبا لا يقل عن 100 دينار يصرفهم على عزومة عادية متاع 3 اشخاص

يعني مااتنجمش تقريبا انك تعزم اكثر من مرة في الشهر

ولو عزمت اليوم و غدوة جاك ضيف فجاة ويلزمك اتقوم بالواجب لكن على كتفك هم كبير و حسرة علي ظروفك

ولو جاتك عائلة او اقارب بصغارهم وناوين على المبيت ماهو يلزمهم يتغدو و يتعشو و تمشي تشري لحم و اللازم منه و امرك لله


و بما ان الشهرية شوية و الدنيا غالية والانسان احب يستر روحو يتلز على الكريدي
ويبقى اعاني مدة اكبيرة باش امورو تتصلح
ااه سترك يارب

هل تعتقد ان هذه العوامل قد قللت من كثرة العزومات و الزيارات العائلية و تغيير بعض العادات في الزيارة ؟


نرجو التعليق

شكرا على الموضوع الجميل

لكن في رايي التوادل و التحاحبب لا علاقة له بالمال

و مهما كان مستواك الاجتماعي تنجم تستدعي اهلك و اصحابك كل يوم

و الجود بالميجود

و شكرا

شكرا على المرور الكريم

بارك الله فيك

تمنيت لو انك علقت على مداخلتي

عفوا سيدي
الموضوع يمس الكثير وفي ظل متطلبات الحياة مفروظ انك اتقوم بالازم
اما الجود من الموجود هذه اتركها الى ابائنا

touha كتب:عفوا سيدي
الموضوع يمس الكثير وفي ظل متطلبات الحياة مفروظ انك اتقوم بالازم
اما الجود من الموجود هذه اتركها الى ابائنا

رأيك معقول يا أخ
ابو طه

لكن موضوعك حسب ما فهمت
محدد بالضيافة و استقبال الاقارب و الاصدقاء
لذلك كان جوابي كذالك

اما اذا كنت تريد الحديث عن المقدرة الشرائية و غلاء الاسعار
فشئ آخر
و هو حقيقة لا ينكرها احد

و اما عن المقولة
الجود من الميجود
ففي رايي المتواضع صالحة لكل مكان و لكل زمان

مع فائق شكري