يعني ايه "أم الدنيا"
+2
abouimed
KH@LED
6 مشترك
صفحة 1 من اصل 1
يعني ايه "أم الدنيا"
من طرف KH@LED الخميس 21 أكتوبر - 23:19
يعنى ايه "أم الدنيا"؟
يعنى يقولك إن من اهم انجازات عصر ما بعد الثورة هى مجانية التعليم..... وأى أسرة فى مصر بتبيع اللى وراها و اللى قدامها علشان الدروس الخصوصية!!!!
يعنى أبويا يسافر و يتغرب و يوفر شقة لولاده من فلوسه محدش دفع له فيها حاجة....... وييجى بطرس غالى يفرض عليها ضريبة عقارية.!!!!!!!!
يعنى الباشا يعمل سور لقتل اطفال غزه ..... ويطلع واحد يقولك البرادعى عميل لاسرائيل !!!
يعنى وزير مالية عمل قانون الضرائب العقارية وقال هيدفع عن القصور بتاعته ....... وبعدين يطلع يتعالج على نفقة الدولة
يعنى وزير صحة شريك فى كبرى مستشفيات البلد (دار الفؤاد) ومراته تتعالج على نفقة الدولة
يعنى ناس غلابة و مش لاقيين الزلط حتى ... وعضو مجلس الشعب يطلب منهم ثلث قيمة قرار العلاج على نفقة الدولة رشوة عشان يتعالجوا على نفقة الدولة
يعني نزود و نمد الغاز لإسرائيل مدعم لعشرين سنه جايه ------ والمصريين مش لاقيين أنبوبه بوتاجاز
يعني نصدر الكهرباء لإسرائيل ولغيرها ------والمصريين بيموتوا من الحر ، وياإما ترشدوا لهانقطع الكهرباء
يعني وزير الإسكان يبقي سمسار اراضي !
ووزير الصحه بيتعالج علي نفقة الدوله!
يعنى ييجى واحد يسرق فلوسنا وارضنا ويوزعها على اصحابه ...... وييجى واحد يقولك اللى تعرفو احسن من اللى ما تعرفوش
يعنى تبقى واثق أيام اختيار الدولة المضيفة لكأس العالم 2010 ان مصر هاتخدها هاتخدها لإنعدام الامن فى جنوب أفريقيا و عدم و جود بنية تحتية فى المغرب ---وفجاة تاخد صفر كبييير من لجنة الفيفا
يعنى يطلع واحد فى التلفزيون يقولك آه البرادعى ...عارفه عارفه دا حمدى غيث بتاع انا البرادعى يا رشدى.........
و يبقى تامر حسنى و شعر صدره من علامات الرجولة و لا حول و لا قوة الإ بالله
يعنى يبقى عندك ثلث آثار العالم فى مدينة واحدة بالأقصر وتلاقى دولة زى تونس عدد السائحين فيها اكتر من عندك
يعني تترشح في الانتخابات عن فئة (العمال) وتنجح فتعيش عيشة (الملوك)
يعنى يطلع السيد صفوت الشريف يقول إن الرئيس حسنى مبارك أسطورة لن تتكرر ------ ونلاقى فى عصره مشاكل تعليم – بطالة – أكل – شرب – صرف – تزوير انتخابات – كهرباء – سرقة – بيع مصر وأرضيها – زبالة – فساد - غلاء - بلطجة - ظلم
يعنى بلتجية وحسالة الشرطة يعملوا فى الناس اللى هما عايزينه من قتل لسحل لضرب لإغتصاب لتهديد بالتعرى ------ ونطلع فى الآخر بلد الأمن والآمان
يعني الحكومة تمنع التدخين جوه القطار علشان تحافظ علي أرواح الناس .... ويروح القطار بكل اللي فيه مخيش في قطار تاني.
يعنى تبقى الدول العربيه اللى مكانش حد يسمع عنها زى دبى وقطر والبحرين كلها نظام ونضافه------ وحنا اللى كنا بنعلمهم من 30 سنه الزبالة وعدم النظام في كل مكان ورئيس الوزراء بيقول ان وجود الزبالة بالكثرة دي بيدل على الغنى الي عايش فيه الشعب المصري
يعني تبقي نسبة التحرش الجنسي بالفتيات في الشارع المصري والمواصلات العامة اكتر من 80% .....والحكومة تطالب بخلع النقاب
يعني لما الشعب ما يلاقيش سكن ويروح يسكن في الجبل ويقع عليه يقولوا عشوائيات
يعني لما الناس تتغرب ولما تيجي ترجع تركب عبارة تعدي بيها البحر والعبارة تغرق وحوالي 1500 واحد يموتوا .... يطلع التحقيق انهم ماتوا بنزلة برد عشان لما غرقوا ماكانوش عاملين حسابهم وماتقلوش هدومهم
يعنى قناة ال bbc فيها مذيعات محجبات... و تلفزيون بلد الأزهر بيمنع ظهور المذيعات المحجبات!!!!!!!!!!!
يعني مصانع الحديد كانت بتبيع الطن ب2000 جنية وييجي بقدرة قادر احمد عز محتكر الحديد يبيعه ب8000 جنية ........ تيجي الحكومة تعمل له قانون تفصيل مخصوص ليه عشان تحميه من بطش الناس
يعني يبقي اليهود نهبوا فلوس العالم عشان الهولوكوست الوهمي ...ويتباهو بقتل اسرانا في تليفزيونهم ومحدش يقولهم حاجه!
يعني يعملوا قانون ضرائب جديد على العقارات ....... والشعب الي مش ناوي يدفع يموت نفسه عشان يجيب الاقرار ويتباع في السوق السودا كمان
لما وزير التربية والتعليم المسئول عن تخريب الثانوية العامة وتعديلها اكتر من مرة خلال 4 سنوات والغاء سنة 6 من الابتدائي ..... يكون رئيس مجلس الشعب وممكن رئيس جمهورية كمان في حالة وفاة الرئيس
يعني قطارين بيخيشوا في بعض .... واللي يتحاسب الكومسري وفي مقولة اخرى البقرة الي كانت واقفة على القضبان
يعنى تروح مستشفى حكومى وتجيب كل حاجة على حسابك(قطن وشاش وأدوية ) ناقص كمان دكاترة وممرضين ووزير المالية وزوجة وزير الصحة بيتعالجوا بالملايين على نفقة الدولة
يعني تبقي عندك بحرين و نيل قناة السويس و11 بحيره وبتستورد السمك من بره!
يعني يتحرق مجلس الشورى .... والشعب يدعي ربنا ان النواب يكونوا جواه
لما الاعلام الحكومي والخاص مش همه الشعب الي مش لاقي ياكل ولا يلبس ولا يسكن وطبعا بدون عمل ...... وهمه كله يعرف مين قتل سوزان تميم والمحكمة هتحكم بايه في قضية مرتضى منصور وشوبير !!!
لما الدايرة الي فيها 2500 صوت ..... مرشح الحزب الوطني ياخد لواحده 13000 صوت
يعنى لما يكون المزارع مش عارف يزرع ارضه بالقمح علشان نحتاج امريكا ------------ ولما يزرعه ياخدوه ارخص من المستورد 3 مرات
لما يمنعونا من زراعة القطن الي بنتميز بيه وبعد كده يروحوا يبيعوا مصانع الغزل والنسيج لمستثمرين يهود يسرحوا العمالة ويقطعوا الشركات ويبيعوها اراضي على النيل
"يعني كلنا خايفين علي مستقبل مصر واللي ماسكينها خايفين علي مستقبلهم هما"
لما يكون الملاك فى الرحاب بتدفع 12 جنيه على المتر مسطح بدل فرق الصيانه ---------- يقوم الباشا هشام طلعت يدى سوزان 50 مليون من جيب (تييت)
يعنى لما تكون اقصى سرعه للسيارة 20 كيلو فى الساعه علشان الطرق متنيله بستين نيله والبلاعات طالعه فى وسط الشوارع واحيانا مفتوحه -------- يطلعوا لنا بقانون حزام الامان وصندوق الطبى علشان ابو مراة الباشا الصغير يبيع ويغتنى من دمنا
لما الموظف فى الحكومة بياخد اد مرتبه 500 مرتب رشاوي و يقولك مش عارف يعيش علشان الزيادة السكانية!!!!
لما يكون عندنا مجلس قومى للمرأة و أعلى معدلات طلاق فى الوطن العربى!!!!
لما يكون عندنا مجلس قومى لحقوق الانسان وأعلى معدلات اعتقالات و تعذيب فى أقسام الشرطة.....
لما وزير الاسكان يطلع حرامى يبيع ملايين الامتار ببلاش للمستثمرين مخالفة لقوانين الدوله ------------ ويبيعوا لنا المتر ب 3000 جنيه فى القاهره الجديده
لما البلد تبيع أراضها خصوصا فى سينا لمستثمرين أجانب ---------- ويطلعوا المستثمرين يهود
لما يوقفوا القنوات الدينية لإلتزام شركة النايل سات بالمسئولية الأخلاقية والاجتماعية لشركات الأقمار الصناعية ------- ويروحوا يعملوا شاطئ فى سينا للعراة
و لما وزير الاسكان يقول لو مخصصتش الآراضى للعائلة أمال هخصص لمين ,,,يبقى اللى اختشوا ماتوا!!!!
و لما بيصرفوا ملايين الجنيهات على المهرجانات و المؤتمرات كل سنة و اول ما يحصل كارثة - كالزلزال او السيول – يقول للشعب اتبرع للضحايا!!!!!
لما طلعت السادات قال بقين على الهوا تترفع عنه الحصانة و يتسجن فى اقل من شهر... وممدوح اسماعيل صاحب العبارة يسافر من صالة كبار الزوار!!!!!
يعنى تيجى تشترى شقه فى اسكان مبارك لمحدودى الدخل تحسبها تلاقيها واقفه عليك بسعر السوبر لوكس
لما الرئيس يحتفل بليلة القدر و يوزع جوائز على حفظة القرآن الكريم.... ولما الاخوان ييجوا يعملوا حاجة ايجابية - زى مشاريع خيرية او حتى يوزعوا شنط رمضان - يعتقلوهم و يقولوا لا للدولة الدينية !!!!!!
و لما تتهد على اهلها يطلعوا يقولوا هم اللى غلط دول عشوائيات.... وكنتى فين يا حكومة على رأى معتز الدمرداش؟؟؟؟!!!!!!
و لما يعملوا قانون مرور جديد..... وضحايا حوادث الطرق سنويا أعلى من نسبة اللى ماتوا فى حرب أكتوبر
ولما .........
ولما .........
ولما .........
آههههههههه
يارب
اللهم أصلح أحوال مصر وأحوال من فيها
KH@LED-
- عدد المساهمات : 1691
العمر : 105
المكان : قلعة منسية
المهنه : الحمد لله
الهوايه : internet
نقاط تحت التجربة : 13115
تاريخ التسجيل : 17/03/2010
رد: يعني ايه "أم الدنيا"
من طرف abouimed الخميس 21 أكتوبر - 23:33
قال صلى الله عليه و سلم (الدنيا ملعونة ملعون ما فيها إلا ذكر الله وما ولاه أو عالماً أو متعلماً)
فما بالك بامها
فما بالك بامها
abouimed-
- عدد المساهمات : 2452
العمر : 60
المكان : القصرين
المهنه : ولد القصرين و يرفض الذل
الهوايه : الحرية ضاهر و باطن
نقاط تحت التجربة : 15154
تاريخ التسجيل : 28/01/2010
رد: يعني ايه "أم الدنيا"
من طرف حامد عماري الخميس 21 أكتوبر - 23:36
*-*-*-*-*-*-*-*-*-*-*-*-*-*-*-*الكلمة الطيبة كشجرة طيبة*-*-*-*-*-*-*-*-*-*-*-*-*-*-*-*
اذا لم تكن شاهدا على عصرك ...و لم تقف في ساحة الكفاح الدائر بين الحق و الباطل ... و اذا لم تتخذ موقفا صحيحا من ذلك الصراع الدائر ... فكن ما تشاء : مصليا متعبدا في المحراب ام شاربا للخمر في الحانات ... فكلا الامران يصبحان سواء -
=======================
حامد عماري-
- عدد المساهمات : 2469
العمر : 54
نقاط تحت التجربة : 14497
تاريخ التسجيل : 29/07/2009
ناجح-
- عدد المساهمات : 1328
العمر : 56
المكان : قفصة
المهنه : استاذ
نقاط تحت التجربة : 12415
تاريخ التسجيل : 14/02/2010
رد: يعني ايه "أم الدنيا"
من طرف نور الهدى الخميس 21 أكتوبر - 23:57
لاحول ولاقوة إلا بالله
حسبنا الله ونعم الوكيل
والله المستعان في كل بلاء
حسبنا الله ونعم الوكيل
والله المستعان في كل بلاء
نور الهدى-
- عدد المساهمات : 736
العمر : 45
نقاط تحت التجربة : 11321
تاريخ التسجيل : 04/10/2010
رد: يعني ايه "أم الدنيا"
من طرف abouimed الجمعة 22 أكتوبر - 0:01
ناجح كتب:و لذلك سمّيت أمّ الدّنيا
اخ ناجح .. لقد اصبحت الدول تقاس بملوكها و امراءها و رؤساءها... لا بشعوبها ولا بعلمائها...
عدل سابقا من قبل abouimed في الجمعة 22 أكتوبر - 0:30 عدل 1 مرات
abouimed-
- عدد المساهمات : 2452
العمر : 60
المكان : القصرين
المهنه : ولد القصرين و يرفض الذل
الهوايه : الحرية ضاهر و باطن
نقاط تحت التجربة : 15154
تاريخ التسجيل : 28/01/2010
رد: يعني ايه "أم الدنيا"
من طرف حامد عماري الجمعة 22 أكتوبر - 0:13
جلّ الناس على دين ملوكهمabouimed كتب:ناجح كتب:و لذلك سمّيت أمّ الدّنيا
اخ ناجح .. لقد اصبحت الدول تقاس بملوكها و امراءها و راساءها... لا بشعوبها ولا بعلمائها...
و كذا اهل مصر
*-*-*-*-*-*-*-*-*-*-*-*-*-*-*-*الكلمة الطيبة كشجرة طيبة*-*-*-*-*-*-*-*-*-*-*-*-*-*-*-*
اذا لم تكن شاهدا على عصرك ...و لم تقف في ساحة الكفاح الدائر بين الحق و الباطل ... و اذا لم تتخذ موقفا صحيحا من ذلك الصراع الدائر ... فكن ما تشاء : مصليا متعبدا في المحراب ام شاربا للخمر في الحانات ... فكلا الامران يصبحان سواء -
=======================
حامد عماري-
- عدد المساهمات : 2469
العمر : 54
نقاط تحت التجربة : 14497
تاريخ التسجيل : 29/07/2009
رد: يعني ايه "أم الدنيا"
من طرف ناجح الجمعة 22 أكتوبر - 0:21
حامد عماري كتب:جلّ الناس على دين ملوكهمabouimed كتب:ناجح كتب:و لذلك سمّيت أمّ الدّنيا
اخ ناجح .. لقد اصبحت الدول تقاس بملوكها و امراءها و راساءها... لا بشعوبها ولا بعلمائها...
و كذا اهل مصر
ناجح-
- عدد المساهمات : 1328
العمر : 56
المكان : قفصة
المهنه : استاذ
نقاط تحت التجربة : 12415
تاريخ التسجيل : 14/02/2010
رد: يعني ايه "أم الدنيا"
من طرف issa hammami الأربعاء 17 نوفمبر - 1:21
[b][i]WA MA3A THELIKA HIA OM_EDDONIA
issa hammami-
- عدد المساهمات : 71
العمر : 47
نقاط تحت التجربة : 10323
تاريخ التسجيل : 14/11/2010
مواضيع مماثلة» أنشودة من غير فلسطين شو يعني...لطافة وبراءة
» رسالة جامعة في ترك ما لا يعني ورفض الاشتغال بما لا يجدي
» كل واحد منا له اسم مستعار في المنتدى ممكن نعرف ماذا يعني لك هذا لاسم
» سبحان الله شهيد فلسطيني حلو عليه القبر بعد 6 سنوات القو الجثة هي هي يعني ما اتحلتش
» سقوط دمشق يعني سقوط طهران: لماذا تتمسك إيران بالنظام السوري؟
» رسالة جامعة في ترك ما لا يعني ورفض الاشتغال بما لا يجدي
» كل واحد منا له اسم مستعار في المنتدى ممكن نعرف ماذا يعني لك هذا لاسم
» سبحان الله شهيد فلسطيني حلو عليه القبر بعد 6 سنوات القو الجثة هي هي يعني ما اتحلتش
» سقوط دمشق يعني سقوط طهران: لماذا تتمسك إيران بالنظام السوري؟
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى