يوميات مع حماتي

الفصل الاول


حبيته واصريت اني اتجوزهغصب عن الكل
انا سلمى وهو أحمد اما هي فتكون (أم أحمد) حماتي المصون..

رغم كل الصعاب التي واجهتنا انا واحمد ولكن تغلبنا عليها وتحديت اهلي واتجوزته وعشت مع اهله وكنت من البداية اخذت عهد على نفسي ان اعاملهم كأهل و اكتر مع ان البيت صغير والحال على قده لكن كانت لي غرفتي الخاصة طبعاً .........

واحكيلكم ايه على غرفتي الخاصة دي غرفة جميلة وهاديييية خالصصصصصصصصصصصصصصصصص لدرجة اني ما كنتش بحس ابداً انها غرفتي الخاصة بل هي عامة بالأحرى (زي الميدان العام) الكل يدخل والكل ياخد الي عاوزه من غير ما يسألني واذا في يوم قفلت عليي قوضتي وقعدت فيها تقول حماتي
-( ايه في ايه بتقفلي على نفسك ليه اطمني مش حنحسدك اذا كنتي جايبة حاجة مش عاوزانا نشوفها ربنا يهنيكي ) ..

كانت عيشة كلها نكد والي قرفني فيها حماتي طبعا دي كلمة قنبلة ذرية قليلة عليها دي تدي دروس لماري منيب مع اني والله مش بكرهها و احياناً بيوجعني قلبي عليها بقول يا بنت دي مهما كان زي امك استحمليها بس اوقات بتعصب وبحس اني حفرقع وهي ولا على بالها طول النهار قاعدة وببتأمر عليي مع ان بنتها موجودة معانا ومش صغيرة بس كأني الشغالة بتاعتهم....ولما اشتكي لجوزي يرجع تعبان من الشغل اخاف اقولو وازعجو بس والله يا ناس مطلعة عيني خالص...

ده في يوم حبيت اعزم اهلي البيت على الغدا وده من النوادر اصلا يتعزمو ده يوم مش حنساه كنت بطلب من جوزي شوية طلبات قامت قالتلو..


- ايه كل ده الي رايح تجيبو احنا لسه في اول الشهر انت فلوسك بكده حتخلص..
- احمد: معلش يا ماما اهي عزومة خفيفة عشان اهل سلمى
- حماتي: دي خفيفة ده لو كان الوزير كنت جبت اقل من كده أكل هو انا ناقصة وجع دماغ ..اسمع يا احمد يا بني تقول لاهل مراتك يجو ويرووحو بسرعة انا دماغي اليومين دول بتوجعني مش قادرة على الدوشة...
- احمد: حاضر ان شاء الله....

وانا كنت بسمع جوه الي بيتقال قمت ذدت الطلبات وعليت صوتي وقولت..
-اسمع يا احمد انا عاوزة لأهلي عزومة ما حصلتش جيب فراخ وبط ولحمة اه دول اهلي مش كل يوم بيجو ...
هنا ممكن تقولو ان حماتي فرقعت فدخلت في الحديث وقالت...
- والله يا احمد اغضب عليك اذا جبت ذيادة عن الي قولتلك عليه انت حتصرف مرتبك على العزايم
قلت بصوت عالي: ايه يا حماتي مالك متحططة على اهلي ليه...
وبدأت تزعق وقرفتني في عيشتي ما عرفتش اليوم ده خلص ازاي خفت انها تعملي مصيبة لما يجو اهلي انما انا ما حطيتش في بالي عشان كانت معاهم خالتي وخالتي ست رغاية بتمسك حكايات الجيران من اول الحارة لأخرها وحماتي تموت موت في الرغي والكلام قامت قعدت معاها واتفقو وبدأو يتكلمو على الناس ونسيت اهلي انهم موجودين...كسبت بكده جوووووووووووون

ياه احكيلكم ايه ولا ايه..........................

شاطرة هيي بس تعمل عزايم لأولادها واخواتها وقرايبها وكلو يطلع على حسابي انا..
واطبخي يا سلمى وجيبي الحاجة دي يا سلمى
تقولو اني السفرجي بتاعها..ده لو كان سفرجي كان ادلل اكتر من كده على الأقل عنده يوم اجازة مش زيي واخدةحكم مؤبد..يا رب ارحمني...
مش عارفة ليه كل الحموات بيحطو نقرهم من نقر مرات ابنهم وخصوصاً اذا كان الكبير..
مستحيل انسى يوم صباحيتي عملت فيي ايه..
دي على اساس رايحة تقعد اسبوع عند قرايبها جات من الصبح وجابت معاها ناس كتير كتير قال ايه يباركولي...ويا ريت روحو لا لا لا لا معقولة ده ديوان الست حماتي لازم يكمل بقعدتو الملكيه بالحشم والناس والخدم الي منهم انا طبعاً... والاحلى من كده عزمتهم يقعدو عندها ككام يوم يعني معانا.. قال ايه(اصلهم جيين من البلد.)
..وتاني يوم قعدت اخدم فيهم وهي تقعد ابنها جنبها بدل ما انا الي هي مراتو تقعد جنبو وانا بشتغلل....

ياه انا كل ما افتكر ببقي حطق..

كفاية انها اقنعت جوزي يمنعني من الشغل قال ايه الست لازم تكون ست بيت تخدم جوزها قصدها تخدم حماتها واولاد حماتها وقرايب حماتها...دي عاوزة شغالة مش مرات ابن....بس لو ما كانتش ست كبيرة انا كنت مسكت في زمارة رقبتها او عقدت لسانها عقدة طول العمر اهو ارتاح من رغيها وكلمها الي زي السم ....بس لا حرام هي طيبة اوقات بس اوقات ماري منيب تلميذة جنبها...

الحلقة التانية





اه ياني من حماتي دي مجناني وكلو كوم وقبل ما تجوز كوم..

ححككيلكم شوية عن قبل الجواز يعني قبل الفرح بكم يوم لما العروسة بطلع الجهاز..

انا كنت عارفة قدرت جوزي فمخلتيش اهلي يطلبو مهر كبير وانا كمان كنت من
شغلي شايلة شوية فلوس جبت بيهم بقية الجهاز..واهلي ساعدوني كتير .

قبل بكم يوم من الفرح كنت طالعة قودتي في بيت جوزي برتب الجهاز

.انا وامي واختي بس عشان قال ايه مش عاوزة دوشة ومش ضروري كل الناس
تشوف هدوم الي حلبسها لزوجي مش معرض .

طلعت لقيت امة لا اله الا الله مستنية في البيت مع حماتي عازمة الجيران
وقرايبها وقاعدين مستنين يشوفو الجهاز تقولو فيلم سينما جايين يحضرو. .مع اني موصيها
قبل كده اني مش عاوزة ناس في تطليع الجهاز وقالتلي ما تقلقيش..
.بس انا شفت الي شفته بصراحة ما قلقتيش خالص.. .........

انا شفت المنظر ده اتخضيت قولتي لأمي ايه ده اذا كان يوم الجهاز جيبالنا كده ناس


في الفرح حتعمل ايه ده احنا كده اكيد حنأجر الاستاد مش صالة.. .

دفشتني ماما اسلم على المعازيم وقالتلي خلاص عشان خطري عديها المرادي
ما نقدرش نفتح بقنا ده بيتها...مش انتي عاوزة الجوازة دي خلاص اتحملي
انا ما ضربتكيش على ايدك...و...و...

خلا ص يا ماما ارجوكي مش مستحملة مش كفاية الهوجة الي انا فيها دول كلهم حيخشو قودي
ويشوفو الجهاز ده انا كده مش حخلص ترتيب غير بعد الفرح...

وجيت حماتي وقلتلهم يلا افتحو الشنط ..وعينك ما تشوف الا النور
هجمو هجمة عمري ما حنساها وكلو ما يصدق يمسك قطعة من الملابس
ويتفحصها كأنو بيشتري فاكهة ويرتبوها بشكل عشوائي وكل ما يلاقو حاجة حلوة
يندهو الباقيين تعالو شوفو ده وتعالو بصو ده يا سلاممممممم.
.وانا واقفة على جنب زي الحزينة الي جت تفرح ما لقتلاهاش مطرح يدي
بختي الي باين من اولو من وش حماتي وعيلتها يا رب صبرني.

.وتقلهم شفتو ابني جب الجهاز ده كلو دفع دم قلبو فيه...

وانا عاوزة اتكلم بس مش عاوزة مشاكل..
بعدين جات قدام الناس دي كلها قالتلي بزعيق: ايه دهههههههههه هدوم العريس فين...؟؟؟؟؟؟؟؟؟؟؟؟؟؟؟؟؟؟؟؟؟

والناس كلها بصتلي ضحكت بسرعة وداريت الموضع وقلتهلها هدوم ايه انا جايبة بيجاما وروب..

قالتلي: ايه ايه ايه؟ بسسسسسسسسسسسسسسسسسسسسسسسسسس
لالا ده كده مش ممكن انا ابني يتجوز ما عندوش الا بيجاما وروب..

-خلاص ولا يهمك يا حماتي حنزل اشتريلو
-والنبي ما حدش حيجبلو غيري ده ابني حبيبي انا احلى عريس فشر
( على اساس انا الي عانس مصري يعني)...

وكانتت عملتها جرصة لولا ستر ربنا واشتكيت لأحمد علي عملتها اضايق جداً وقالها كده
يا ماما تزعلي سلمى قدام الناس ..

قالتلو دي مش جيبة هدومك...

-ومالو يا ماما مش انتي الي قلتيلها العريس بيجبولو بيجاما وروب بس..
اه- ما انا عارفة بس حبيت اعمل الشويتين دول قدام الناس احسن يفتكرونا
بخلا يا بني عشان قيمتك..

...............معقولة الكلام ده يا ماما بقه كل ده على الفاضي..

-لالا على الفاضي ايه ده كلهم قالولي معاكي حق وكده رفعت راسي قدامهم..
-حرام عليكي يا ماما تعملي فيها كده قبل فرحها..
معليش انا عاوزة قصداً اكسر شوكتها عشان ما تتفرعنش عليي من اولها...

تصدقو الي عملتو ده كله ما يجيش حاجة جنب الفرح..
احكيلكم عملت ايه..؟؟؟

الحلقة الثالثة
........الفرح قررنا نعمله في صالة صغيرة يا دوب تساع 50 شخص.. عموماً كنت لابسة فساتني الابيض وقاعدة مستنية العريس وعيلته في بيتنا يجو يخدوني على الصالة على اساس الساعة 8 يكون عندنا بقيت 9 ولسه ما جوش اتعصبت جامد والناس بدأو يتودودو الي يقول خير ان شاء الله حصل ايه واي يقول الغايب عذرو معاها والي يقول حجات مش قادرة اقواهالكم.......


واخيراً سمعت من بعيد تيت تيت تيتتتتتتتتتتتتتتتتتتتتتتتتتتتتتتتتت والكل بيقول العريس وصصصصصل العريس وصل. ..
ماما قالتلي قومي استعدي لاستقبال عريسك..قولتلها بعصبية : عريس مين مش عاوزة اتجوووووووووزززززززززززززززز
اي ه ده اسكتي يا بنت مش ناقصين فضايح...شوفي عذرو بعدين حكمي...


وجيه احمد مطقم كده وبيضحك ولا علباله كأن ما فيش حاجة وازغاريد ملية البيت وامه يعني حماتي المصون مسكاه وداخله ده ما خلتوش يسلم عليي يا دوب زغردت لليليليليشششششششششششششششششششششششششششششششش في وشي حسيت انها حتقعد فيها 10 ايام وبعدين وقفت في النص جنبنا انا وابنها..ما لحقتش اقول ولا كلمة الا كانت منزلانا على العربية عشان نروح الصالة...
قولت خير اهو اخذ راحتي في العربية اتكلم معاه اشوف سبب تأخيرو...


قعدت في النصصصصصصص الناس تقولها عيب يا حجة العرسان يقعدو جنب بعض..تزعق فيهم وتقلهم ما حدش لو دعوة بيه ده لبني عاوزة افرح فيه..
بعدين جيت ماما قلتلاها ما يصحش يا حجة اقعدي على جنب مش ضروري في النص..
لا لا لازم اقعد في النص عشان الحسد...عشان ما يتحسدوش امال انا ناقصة ابني يتحسد..على اساس انا ما ليش لازمة يعني..
كنت حطق حفرقع ده انا قلت في بالي والله لأعملهالك جنازة النهاردة في البيت يا احمد مش فرح عشان تفرح امك فيك...


وقعدت في العربية وفي النص.........مش عارفة حماتي عندها عقدة النص ليه...


وصلنا الصالة احمدالله انها نزلت عشان تشوف الزفة وانا واحمد قعدنا لوحدنا في العربية قولتلو ...
عاجبك عمايلك امك كده كلو كوم وتأخيرك كوم....
اعذريني حبيبتي والله مش قصدي ماما اصريت ندور بالعربية عاوزة تفرح فييه
يا سلام مش عارفة ده مين العروسة انا ولا هيي والله عجايب بقه كده يا احمد تخلي مامتك تنكد عليي من اول يوم ...
والله مش قصدي حبيبتي انا في ايدي ايه خلاص اضحكي وصلنا الصالة مش عاوزك تدخلي مكشرة..اضحكي يلا عشا ن خاطري..


ودخلنا ويا ريت ما دخلت علي شفتووووووووووووووووووووووووو
اكتر من 200 شخص موجودين الي قاعد على الكراسي والي واقف والي قاعد على الكوشة الي لازم انا الي اقعد فيها..اتصدمت ويا ريت اعرف حد منهم دا يا دوب طاولة ولا طاولتين من طرف اهلي والباقي كله ما اعرفهمش مش عارفة حماتي عازمة مصر كلها ولا انا دخلت فرح غلط....
قولت لأحمد ايه ده؟
مش عارف يا حبيبتي والله الظاهر الاحباب كتير..
لا مش عاوزة احباب دول احباب امك . ...مش احبابي ..هو كل دول حيسلمو عليي ده انا فرحي حيخلص بكده بعد شهر...حد يرش عليي مية باردة يا ناس حطق حفرقع..
طولي بالك يا سلمى كلهم كم ساعة..
هو احنا جايين عيادة دكتور مستنين دورنا ده فرحنا يا احمد فرحناااااااااااااا


ووصلت الكوشة والحمدالله ان القاعدين عليها حسو ان في عروسة جية تقعد وسمحولي اقعد...
وكل الفرح مغمضة عيني مش عاوزة اشوف الهجوم الي موجود والزحمة الي موجودة وحسيت اني مش قادرة اتنفس..وكل شوية تيجي حماتي تقولي شايفة فرحك يا سلمي اهو الناس تدي قيمة للفرح .....بس ما جوش للأسف كلهم لسه جايين بعد شوية


والنبي يا ناس حد يروحني عند ماما مش عاوزةاتجوززززززززززززززز..


ما عرفتش اليوم ده عدى الزاي قاعدة كل الوقت متنرفزة ومش عاوزة اشوف وش حماتي حسيت ان المصايب بترف عليي من اولها..ربنا يعيني على حماتي دي قنبلة ننوية بتنفجر باستمرار..
اقول ايه واحكي ايه يا رب صبرني...


__________________

الحلقة الرابعة


وعده الفرح وعدت الصباحية وعدى شهر وشهور والأيام بتتغير وكل حاجة في الدنيا بتتغير حتى رؤوساء الدول بتتغير لكن حماتي ما بتتغيرش دي حاجة كده من ايام الفراعنة رمز من رموز مصر .....بعقلها وتصرفاتها...
وبعد كام شهر ابتدى الكلام بقه (عن العيال) والخلفة...


كل يوم تاخد جوزي على جنب وتقولو ودي مرتاك لدكتور دي شكلها ما بتخلفش..
وهو يقولها استني علينا يا ماما ده احنا ما بكملناش شهر اوام عملتيها ما بتخلفش...



يا سلام وانا ايه ضمني انا عاوزة افرح بعيالك.... .


وابتدت كل يوم تسمعني كلام وتسألني: انتي حملتي حاجة تقيلة انتي وصغيرة؟
حد في عيلتكم ما جابش اولاد؟
واي حد من معارفها يجيلها تقعد تفتحلو سيرة اني لسه مش حامل..


وانا على قد ما حماتي اتكلمت في الحكاية دي كرهت الاولاد والخلفة والي بيخلفوهم...
وكل يوم تنزل السوق تشتري حاجات للبيبي وتقولي دول عشان حفيدي الصغير دول عشان ابراهيم الصغير. .
اوام خلتني اكون حامل وخلفت لا وجبت كمان ولد..وسمتهولي ابراهيم..وانا لازمتي ايه ما كانت تجيب ولد من دار الايتام وتربي...وخلاص. .


وانا حموت من جوايا مش عارفة اسكتها ازاي...

لكن الحمدالله جيه الي نساها الحكاية دي..جت في يوم بنتها طفشانة من بيت جوزها وزعلانة منو وجت عند اهلها واصلاً بنتها عايشة كمان مع حماتها .. .
وقعدت تقولها حماتي: هما يطولو واحدة زيك ده بعينهم ترجعيلو حبيتي ضناي تعملي فيها يا فوزية كده الاهي ما توعي يا رب ...
وتقولها سماح بنتها: دي بتعذبني يا ماما شغل البيت كلو على ضهري زهقتني في عيشتي كل النهار نكد وزعيق ..


وانا قاعدة على جنب بهز في دماغي وبقول في بالي( كأنك يا سماح بتتكلمي عن مأساتي) قسمي وسمعاني يا ختي يلا اطربيني خلي امك تعرف هي عاملة فيي ايه وتررحمني بقة جتها. ....ولا لا حرام ادعي..ربنا يهديكي يا حماتي..


وملت سماح النشرة ما خلتش حاجة مش كويسة الا وحكتها لحماتي الي هي ماماتها..
لقيتها حماتي يعني قامت ومسكت التلفيون واتصلت بأهل جوز سماح.. .


الو مين بيتكلم اديني امك جتك دهية انتي وامك...


ما كنتش بسمع الطرف التاني يعني حماة سماح انما بمسمع حماتي الي بتقول وبزعق: ايه يا فوزية انا بعتة بنتي خدامة ولا ايه...ما تتلمو بقة ده انا رضيت بأبنك بالعافية والله لو ما تلميتو لكون مجراسكو امال ده انا بنتي ست البنات ما تخلي بنتك تساعدك ولا تجيبي شغالة انتي ما حدش مالي عينك ططيبببببببببب..
انا جي عندكم البيت وحعرفك مقامك.. ..بعدين خلاص الجوازة دي بلانة منها دي جوازة شؤم خلاص خلي ابنك في حضنك يا ختي وولاده حبعتهلكم دول ولادكم يا عيني مش ولادنا وانا حجوز بنتي احسن جوازة امال...


وقفلت السكة في وشها بهدلتها بهدلة .. ..ولبست ورايحالهم...

لولا انا حاولت اهديها :معلش يا حماتي اقعدي ربنا يهديكي..
حماتي: اوعي من سكتي دول عاوزين الي يربيهم ربنا يوريني فيهم يوم المفتريين دول...
معلش يا حماتي اهدي انتي بس شوية ما تروحيش انتي ومتعصبة بعدين والله سماح معاها حق بقة هما جيبينها خدامة ولا مرات ابنهم يرحموها شوية..


حماتي: اه شفتي يا سلمى ماهو ده الي فارسني ..سيبيني خليني اروح بدل ما اقطع هدومي..اوعي من وشي...

وجت بنتها واحمد جه هداها ....
لغاية ما همدت والا كانت راحت خلت الي ما يشتري يتفرج عليهم...
وكملت انتي معاكي يا سملى بقة بقيت ما يجيش تلات اوض فيه الجيش ده انتي حتخدمي فيه وعيال سماح لوحدهم يودو المورستان...انا ناقصة والله لأعمل زيك يا سماح في يوم وازعل عند اهلي من عمايل حماتي انما معلش حصبر شوية...


ده في يوم دخلت قودتي لقيت البنت بنت سماح بتلعب في حجاتي وماسكة علب المكياج وحطاهم على وشها ومبهدلة الدنيا..
قولتها امشي انجري يا بنت من هنا ايه الي انتي عملتي ده..نهارك مش فايت...


-وانتي مالك اتي..حتشكيكي لماما..
- تشتكيني لماما يا بنت يا مفعوصة انتي والله لاضربك..
- ايه ايه؟ تضلبيني طيب جلبي وسوفي حعملك ايه....يا وحسة
-انا وحشة ربنا يهدك.. يا سماح تعالي شوفي بتنك قليلة الادب دي...


وجت حماتي على صوتي واوام حملت بنت سماح وعملت نفسها بتعيط وتقول لحماتي..
ضلبتني يا تيتيه عشان جيت عاوزة اخد حاجة...


- انا ضربتك يا بنت يا كدابة..دي بهدلت الدنيا هنا يا حماتي...


وقامت عليي حماتي القومة الكبيرة..................يا لهوي علي حصل..


يتبع...

الحلقة الخامسة


وقامت حماتي عليي القومة الكبيرة وبلشت فيي زعيق..


-انتي بتتشطري على بنت صغيرة..انا عارفة انك بتكرهيها عشان هيي على اسمي...


وقعدت تحضن البنت وتقولها: حبيبتي يا عطيات يا نور عيني ما عاش الي

يزعلك تعالي معايا...يا عطا

(قعدت اعيط على جنب وقلت في بالي انا حفضل ساكته لامتا والنبي لولعها النهاردة..).


استنيت لحد ما جه جوزي ودخل القودة لقاني قاعدة مبوزة..

-ايه فيه ايه مالك خير؟

- خير؟ منين ان شاء الله هو الي يقعد هنا مع امك يشوف الخير دي ما بتحرمش..
اسمع كلمة ورد غطاها يا تشفلي بيت لوحدي يا اما والله لاكون مولعة في روحي هه..


- يا خببببببببببر؟ فيه ايه ايه الي بيحصل؟ مالك يا جميل

- ما فيش بس مش انا الي اتهزء عشان بنت مفعوصة جت لعبت في قودتي وزعقت فيها ..

- لا لا انا اصلا ما ارضاش مين الي زعق فيكي والله لاخلي عيشتو طين لابهدلو
النهاردة حتكون نهايتو على ايدي..


- قلت بعصبية( الست والدتك)

-اتصدم وقال(لا لا اكيد كده مش بحاجة)

- يا سلام مش دلوقت كنت قايم القومة الكبيرة علي زعلني همدت يعني. .

-اصل......حبيبيتي ...خلاص خلاص... وحياتي عديها معلش خلي دماغك اكبر من كده...

- لحد امتى حفضل اكبر دماغي ده حينفجر من كتر التكبير . ..

- لا لا بعد الشر عليكي يا حبيبتي خلينا نخرج نتمشى على الكورنيش شوية...


بعد شوية هداني ولبسنا ووافقت انزل معاه...



شفتنا حماتي لابسين ورايحيين...وبدأت التعليق..


- على فين العزم ان شاء الله؟ايه يا سلمى مش تسيبي الراجل يرتاح لسه راجع هلكان من الشغل..
(ما رديتش عليها استنيت جوزي يرد)ويا ريتو ما رد...


- معلش يا ماما اهو نتفسح شوية
قلت بعصبية( ايه الي معلش يعني انا بتعبك مش كده هو مش انت الي قلتلي قومي نتمشى)

مسك جوزي هدومي وشدهم وقلي بصوت واطي( والنبي خلاص خلي الليلة تعدي على خير)

قامت حماتي قايمة من مطرحها وقالت استوني لما اجي معاكم انا كما ن عايزة اتفسح....

واتصدمت...وقلت دلوقت حيقولها لا بلاش..قام قلها(اهلاً وسهلا)


ودخلت قودتها تلبس وانا قاعدة اقول لجوزي: كده تعمل فيي انت اخدني تفسحني
ولا تنكد عليي يا رب عيني يا رب ربنا يتولاني ببرحمتو انا كان مالي يا رب


- خلاص يا حبيبتي اهو تتفسح معانا شوية مش يمكن تتهدى النفوس بينك وبينها شوية..
- امري لله يا رب ما ليش غيرك يا رب..
- مالك في ايه بتدعي كده هو احنا رايحين نحارب ما تهدي شوية
- حاضر اهدا..الصبر...


ولبست ونزلت معانا وبدأت تتمشى على الكورنيش وطبعاً وقفت في النص
بييني وبين احمد كالعادة وكأني ماشية جنبها خدامة جيباها معاها. ..

وهي في الطريق شافت واحدة صاحبتها ....
وقفتها وقعدت تسلم عليها..(ازيك واخبارك ايه وجتك ايه)..
وجبتها جنبنا وقالتها: انتي مش عارفة ابني احمد ده ابني (وضحكتها شبر)
ولا اهتمت بيي كأني واحدة ما ليش لازمة جايباها من الطريق....


قالتلاها صاحبتها مين دي الي معاكم: قالتها هي ومبوزة
(اه دي سلمى مرات ابني( وكشرتتتتتتتتت)
والسؤال المعتاد سألتو صاحبتها ما هي تحب الرغي زي حماتي مش صاحبتها
! قالتلي: ما عندكيش اولاد


قامت حماتي ردت وقالتها: لا يا حبة عيني مساكين والله بدعي في كل صلاة ربنا يرزقهم
اولاد انا عارفة مش راضيين يروحو الحوكمة ليه ( حتعيط )


اتغظت وقلت لاحمد يلا بينا اتأخرنا انت مش حتشتريلي جزمة جديدة..

- اه اه طبعاً يلا بينا ....


ومشيت حماتي معانا وقالتلو: انت رايح تشتري لمراتك جزمة جديدة مش لسة العيد الي
فات جايبلها واحدة..

- اه يا ماما صح بس دي كانت صيفي دلوقت جزمة للشتا..
- ومش حرام فلوسك يبني تضيعها على التفهات دي جيب واحدة لكل المواسم وخلاص..


قمت انا جيت اتكلم احمد سكتني بس قلتلها: المرة الي جيي نجيب واحدة لكل المواسم يا حماتي
بس اما يخترعوها..انا عارفة افكارك دي ما فيش حد بيعبرها ليه...


(عملت نفسها مش سمعاني وقالت): خلاص اهو تجبلي واحدة معاك...

- ايه يا حماتي مش دلوقت بتقولي انك خايفة على فلوسو...
ودورت وبصت فيي وقعدت تزق والناس تبصلنا

( وايه فيها ايه هيي فلوسو حتخلص على مامتو يعني ولا انتي معليش انا لقه
يا شيخة حرام عليكي عينك ضيقة كده ليه مش كفاية فرطت فيه وجوزتهولك..


-ماما احنا في الشارع مالك بتزعقي ليه خلاص على عيني وعلى راسي اجيبلك اتنين... سلمى ما تقصدش..

- تقصد ولا ما تقصدش ايه ده ستات اخر زمن ده انا في زمناتي اما كان ابوك الله يرحمو عايش
(قلت في بالي ربنا رايحوو)....

ما كنتس اقدر ابص في عين حماتي بصة واحدة ولا اقولو خدلي وجيبلي
ده فضلت في دولابي ما عنديش الا فستنانين عشر سنين ابدلهم ولا قلت لجوزي عايزة حاجة..
- هو انتي يا ماما كنتي بتخرجي من البيت اصلا الا في العيد...
- ومالو بس ما كنتش بطلب...


انا كنت حطق( االهم طولك يا روح )الليلة دي بينها مش حتخلص على خير..
واتمنيت اشتري الجزمة واخبط دماغي بيها على قد ما كنت نفسي اموت حد ...
ودخلنا محل الجزم وحماتي بردو ماشية في النص...






يتبع...

قصة مشوقة نابعة من الواقع

الحلقة السادسة



دخلنا محل الجزم وصاحب المحل كان نفسه يولع في روحه وفي المحل على قد
ما طلعت عينو حماتي وهي عمالة تقيس ومش عاجبها حاجة وكل حاجة تقول
لا لا دي موضة قديمة ..
وانا اشتريت الي عاوزاه قوام ولما نقيتو اول حاجة لسه قبل ما اقول لصاحب المحل
نمرة رجلي راحة قايلالو حماتي ( بكام؟) وكأنها هي الي حتدفع
لما حستيها غالية قالتلو لا لا ادينا ارخص ...

لكن انا ضربني العند وقلت لا عاوزة الجزمة دي...مش عاوزة غيرها ..لغاية ما جوزي
قالي خلاص تأمري وهدى مامتو واقنعها ان دي لكل المواسم زي ما قالت عشان يحسسها انو نفذ كلممتها .. غير كده كانت فجرت المحل ولا خليتو يجبهالي.



قامت كل الوقت قعدت تنقي حجات غالية كلو بس عشان تكون حاجة اغلى من
الي اشتريتها......... اصلها مفترية..


منك لله يا حماتي مصروف الشهر بتاع جوزي بيانو راح...

حاخدك ان شاء الله نشحت في السيدة يا حماتي وانتي اصلاً مين يديكي
فلوس ده لو حد عرف عمايلك كانو ضربوكي بكل الجزم الي هنا في المحل...


و قعدنا ساعة ونص وهي بتنقي اخر حاجة قلها صاحب المحل خلاص عاوزين
نقفل تعالي بكره..
كان نفسو يضربها لولا جوزي الي كل شوية يعتذر ويقول ماتأخذناش و منعذبك
معانا والا كان رماها من الباب..

واخيراً جابت جزمة اعتقد انها لبنت في العشرين ولما قولتلها: حماتي دي مش لسنك دي
عليها شريطة حمرة دي لبنت في العشرين انا الي صغيرة ما البسهاش..


ردت بتكشيرة وبعصبية كأنها عاوزة تضربني:انتي ما تلبسيهاش عشان ما تلقلكيش
انتي كفاية عليكي الي اخدتيه مالك ومالي الله..بعدين ليه مين قلك انا كبيرة..
.اسألي صاحب المحل يحطلي كم سنة..
وبصت حماتي لصاحب المحل الي كان النار حيطلع من وشة منها وقلها: لا لا دي لايقة عليكي
خالص .
(كان عاوز يخلص منها ويبعليها اي حاجة)

قامت وقفت وقالتلي: شفتي دي الناس الي عندها نظر ولا بلاش انا خلاص حشتريها..

واشترتها وانا متأكدة انها لو لبستها نص الحارة حتغري وراها تقول العبيطة اهي هي..
يلا خلينا اتشفى فيها شوية..
.
وانا خارجة من المحل قالي صاحب المحل بشويش (ربنا يكون في عونك)
قالتلي حماتي: بيقولك ايه المهول ده..
قولتلها: لا اصلو انبسطت بيكي بيقولي جبيها معاكي ديماً...


قامت انبسطت وقالتلو :ربنا يخليك..
ضحكت انا في سري ضحكة خفيفة وكملنا مشي..


واحنا راجعين قالت حماتي لجوزي: يلا مش حنتعشى خدنا مطعم نتعشى..
- رد بسرعة وووشو اتقلب ميت لون غير انة في محل الجزم وهو بيدفع حسيت ان حرارتة بقيت اربعين... (لا يا ماما انا مش جعان)
ورديت انا معاه(ولا انا) لاني عارفة دلوقت اقل عشوة حنتبهدل كل الشهر بسببها..
مع اني كنت ميتة من الجوع انا وجوزي. .


بصتلي بصة كانت حتموتني بيها وزعقت فيي كمان في نص الشارع
وقالت : خلاص مش ضروري تغمزيلو عشان ما يعشنيش انتي فاكرة انا مش عارفة
انو بيجبلك اكل ديما ليكي لوحدك وبيدخلو قودتك من غير علمي انما انا بعرف ما فيش
حاجة تخفى عليا لكن بقول معلش مش يمكن حامل وببتوحمي...انما يا خسارة ما فيش لا حمل ولا دياولو ..اهو طفس وخلاص..


- ايه ده يا حماتي معقولة الي بتقولي انتي مصرة تضايقيني ديماً كده ليه ..
- انا اضايقك وليه اضايقك اعي تفتكري اني حطاكي اصلاً في دماغي يا بنت
انتي انا لولا ابني بيحبك عمري ما كنت رضيت بيكي..

-
- - شايف امك يا احمد وساكت حضرتك...
وكان جوزي يبص لكل واحدة فينا ومحتار يعمل ايه كأنه نفسو يرمي نفسه من النيل..
.وعمال يقول لكل واحدة فينا (استهدو بالله..مش كده يا جماعة)


-اهدى ايه مش شايف امك ....انتي ما بتخافيش من ربنا حرام عليكي احنا في الشارع..
- ومالو خلي الناس كلها تعرف ان الامهات بيجي مين بياخد اولادهم منهم كده وبيعلموهم عليهم..
- اهدي يا سلمى احنا في الشارع..جرصتينا يا ربي خلاص اقطع هدومي عشان ترتحو
- طيب يا احمد سايب مراتك كده تبهدلني وساكت اما واريتك يا بنت..
- شايف امك..طيب والله مانا راجعة البيت وانبسطي بأبنك خليه جنبك..



وسيبتهم وجريت اقول(تاكسي تاكسي) وركبت بيه وسيبت احمد يجري ورايا ويقول سلمى سلمىىىىىىىىىىىى...وسيبتو عمال يجري وحماتي ربنا يتولاها بتقولو :

تعالا يا واد سيبك منها الباب يفوت جمل الحمدالله انا كده ارتحت.
.يلا بينا حعزمك على مطعم شيك والنبي على حسابي...


ورحت انا بيت بابا و دخلت من باب بيتنا بعيط وماما اتخضت عليا ولما حكتلها الي حصل
حلفت للطين عشيتها لحماتي ..يعني دخلا شكلي كده على الحرب العالمية التلتة..
















يتبع