الكذب والتفشليم

قالك ثمة واحد كذاب ياسر بق لا يشق له غبار كل كلامو كذب ويا ويلو من ايشك لحظة في كلامو امصدق روحو قال يا سيدي مرة وأنا متعدي لقيت ثور وحشي واقف قدامو فكرت باش نهرب لانو كان قاصدني ياخي قبل ما نهرب نصفع في صوت اتقول صوت نفاخة حداد فخرجت لفعى سوداء اكبيرة عمري ما شفت مثلها لو أنقول راو غلضها اتقول قعر بطومة ممكن ما اتصدقوني نزلت مقروني من على ظعري وابقيت نتفرج ياخب قربت من الثور وابدات تلحس في راسو بالسانها الي اتقول ضلفاية ونزلت الى رقبتو فظهرو حتى لحساتو كلو ثم ابدات تبلع فيه بادية بذيلو وامشيت وخليتها ما خلت منو كان لقرون
هذا بيدو امشى مرة لبلاد عطاه واحد تميمة وقالو هذي تحميك من كل خطر وصاحبنا بق كبير ما صدقش اها باش ايعديها عليه واحد مستحيل قالو صاحب التميمة اية جرب عطاه مقرون امعمر وقالو نوض علي بيه وماكن منو كانو اطلق عليه الرصاص ما جرالو شيء قال والله تستاهل ودفع فيها برشة فلوس ورجع لبيتهم انهار حكى عليها لصاحبو ما صدقوش اتغشش امشى جاب المقرون وجاب ولدو فيدو قطوسة وحط اك التميمة في لباس ولدو ونشن فيه المقرون صاحبو قام بسرعة وبعد المقرون فجات الرصاصة في الحيط وخرجت مرتو تجري واتسب وتلعب وجو الجيران وقامت لقيامة لكن هو ماشو متراجع جاب اك القطوسة وحط عليها التميمة ونوض عليها
...........................
امشات اك القطوسة مسكينة افلوس ما لحق كان على ذيلها طاح مسكين من الفجعة وابدى يبكي وايقول اقريب انرزي اوليدي في عمرو
هذي عاقبة الكذاب رغم أنها جاتو امجلدة

التفشليم : من فعل فشلم أي قال كلاما كثيرا لا علاقة له بالصدق ويقال أن قبيلة عنزة كانت تعني به القول الحسن أما قبيلة كليب فقد نعتت به قبيلة بكر بعد قتل الزير سالم أما الأعراب فقد اعتبروه كلمة غير فصيحة