المقامة الفايسبوكية

كيف تحكي الكبار الصغار تعمل دورة و الا تركح كيف مسمار
أيا السلام عليكم ... واش حوالكم

حديثك مع إلي ما يفهمكش إنقص من الأعمار ...والبهامة أو قلة التربية تكثر من الدمار،... ناس قبل قالو ولد الفار يطلع حفار أو ولد الطير يطلع نقمار.... مالا حضرو رواحكم أو أنصبولي رادار ... أما تأكدو إنو أنتم أو أفكاركم ماكومش باش تفوتو عتبة الجدار الفايس بوكي والشاهد عمار 404.

باسم الله بدينا ... وعلى نبينا محمد صلينا ... وإلي موش عاجبو يمشي علينا ... القصة أو ما فيها إنو ثم شكون دخل علينا بكسوة الحاج كلوف ... ياخي كلاتو الكفوف.... لغة حرية التمخوير ... وإلي تقرب لضرب البندير ... متاع الملحدين و العلمانيين ... بعيدة برشة على حرية التعبير إلي يكرهوها الحمير ... ولأنو خناب الدجاج حط يدو على راسو ... وقت مالفنان بسيكو حط معاهم راسو ... ولات الناس الكل تترعش ...و بدت تخضرط من الغش....
أو ما فهموش آش يعملو كيف إجيهم كش كش .. ناس تقول إنسيبوه أو ناس تقول خلوه إخش،... أما المهم هو فجعان الذيب ... ما حاجتناش بقتلانو.

أوليدك جاك من تالي باش إذكرك في إلي نسيتو ...و يقلك يا بوهالي أرجع لأصلك ... ولا تبالي الناس الدايرة بيك ...مايهماش فيك ...توا هاي قاعدة إدبر عليك ... أما وقت ما تجي فيك ... لا ينفعك لا دولار ولا شيك.

يا مزين من برا واش حوالك من داخل ... هاو الخنار باين جهار نهار ...و المسؤول ما عندو مايقول ...وااهل الحل و العقد راقدة على وذنيها ...مولا الدار موش لهنا ... قلة معروف في نسمة تي في ...و ما تنسوش في برنامج عندي ما إنقلك ... الي كشف الي شطر صغار تونس ولدو ورا علاقات بدت بالجوال ... والغريبة الي قاعدين يبرمو في مبروم على مبروم ... وهو أمر محال ... برى مالا شوف الأسباب ...توا تلقاها حرية التمخوير ... الي ردت المرا تتباع او تتشرا.

"أي رني رني يا كرهبة كمال رني / رني ماصابني كاسات فيك إنغني" مالا أقعد غني يا مغني و خلي الشعب متهني ...مادام التلفزة والراديون ما يرضو كان على بو كانون ...وقت مايعبولو البيدون بالفلوس والحلقوم،... لا يهزها عياط في بوزيد ... و لا نار شاعلة و باش تزيد ... آنا إنقلو يا مغبر ظهرك أنفض الغبار على ظهرك ... وأعمل همة أو قيمة لحبيبك و صهرك ... العار حفار أو ماكش صغير باش تعرف الفرق بين محسن الشريف أو عمر المختار،... رد بالك إغرك الدولار ...أو تتسبب في الدمار لجيل تربى على القران و الإحترام ...أو حتى كان إنسى فيقو ...أو قلو أصلك اصلك لايغرك صاحبك ... يا مكثر لصحاب يا متلف خيارهم.... أما الفنان فنو أكبر برهان ... إما إغني على حاجة الديك للدجاجة / وقتها إستني يا دجاجة لين إجيك القمح من باجة ...و إلا يكشف في المستور إلي متخبي في الكواليس و حاطين عليه بوليس،.. إلي قال الفن حكاية ضوايا ... إنقلو برى لشركة الكهرباء اما الغاز لا، الفن رسالة و رسالة ... بناءة موش هدامة ... الفن توحدت بيه شعوب وتقربت بيه القلوب ... الفن هدف أو لا يكون ...فك علينا من لوغة العاشق المجنون ... و الفنان فنو ما جابش الجديد ... لكن ضرب بالحديد ضرب الأصل المجيد ... ضرب قلوب المسلمين موش باش يجرح ... الهدف كان باش إنحي الصديد إلي عمى بصيرة المسلم التونسي جراء وسائل الإعلام أو تحريف شعائر الإسلام ... قال إلكم هذا هو الدين و إللي عندو راي آخر مسكين.

ننصحك بنيتي لا تخلطت الاديان عليك بدينك ... شي مايفيدك ...أسهلي أمك على زمان البركة ...وقت ما كانت الحشمة و ماكانش الحديث بالفرشة... زينتك في سترتك ...و وهرتك في حشمتك ... و قيمتك في دينك ... ما تبعش أولاد لحرام راهو حدث بيهم القران ... و كيما تعرفت لا يعجبك نوار دفلة في الواد عامل ضلايل .. و لا يعجبك فكر الناس من قبل ما تشوف الفعايل ... و إنت يا ولدي إنقلك الي الراجل مبادئ و مواقف ... وتزيدهم الافكار موش الجال ... و تركك لدينك باش يعملك كار ...، رد بالك من الكفار ...راهم إحبو إخرجوك من ملة محمد المختار ويشوفو فيك النهار
_____________________________________________
ان شاء الله ما قلّقنا حد.

الله يستر عليك
عيني ما اتظرك
اهتز قبره ونفض الغبار عن نفسه واستوى بديع الزمان الهمذاني

جابر عثرات الكرام كتب:الله يستر عليك
عيني ما اتظرك
اهتز قبره ونفض الغبار عن نفسه واستوى بديع الزمان الهمذاني

شكرا على مروركم العطر
لا يغرنك الامر
فانما رأيت تكريما قد شملكم صباح اليوم
فرمت ان ينالني بعضه
فسارعت الى قلمي و دواتي
عفوا القلم الالكتروني

المقامة الفايسبوكية

المقامة الفايسبوكية

رد: المقامة الفايسبوكية

رد: المقامة الفايسبوكية