هل تحب زوجتك أكتر أم شغلك ؟

موضوع طريف أنقله لكم ولعله يعجبكم ونرى رأي التونسي فيه.

قال موظف مصري لما سئل .
انت بتحب مرتك اكتر ولا شغلك ؟
فأجاب ....سعادتو

كل نساء العالم بيتهموا أجوازهم بأنهم بيحبو الشغل أكتر منهم
وأنا اصالة عن نفسي ونيابة عن الرجالة أعترف بأن دا

صحيح ......صحيح .... صحيح ليه....؟؟
لي أسبابي ومبرراتي التي أرجو منكم التفكير فيها بعين العقل:

أولا ..........الشغل بيصرف عليّ .... بس أنا اللي بصرف عليها!!!

ثانيا........في الشغل ممكن ترفع صوتك براحتك وزعائك يجيب نتيجة...
مع مراتك صعب انك تزعأ براحتك ومهما رفعت صوتك مش هتوصل لنتيجة ...

ثالثا ........ممكن تزوغ من الشغل في أي وقت من غير ماحد ياخذ باله

أو حد من الزملاء يداري عليك
أنما تزوغ من مراتك .. هيهات ..أنسى …..

رابعا.........في الشغل عندك مدير ممكن ترضيه لو اشتغلت كويس ....
إنما مراتك لو عملت قرد .. حمار .. أي حاجة مش ممكن ترضيها !!!

خامسا.......في الشغل من حقك تاخد أجازه...عندك عارض واعتيادي
ودا غير يوم الجمعة....والعطلات الرسمية.....بصراحة الشغل خفيف ع القلب.....
أنما مع مراتك...مش ممكن تاخذ أجازه......بالعكس انت لازم تلزق فيها يوم إجازتك

و إلا يبقى نهار اهلك مالوش ملامح.....!!!!

سادسا.........في الشغل ممكن تترقى و تاخد منصب بيه....وباشا كمان..

ويبقى لك مكتب لوحدك...... و مراسل.....و سكرتيره خاصة ….

والكل يضرب لك تعظيم سلام....

في ا لبيت ح تعيش زوج وتموت زوج......

واللقب الوحيد اللي ممكن تاخده لما تنادى عليك مراتك

وتقولك.... يا بابا...أو.... .يا حاج.... ولما تعجز... تقولك.....يا بركه

سابعا ........الشغل لو زهقت منه ممكن تسيبه بدون مشاكل.... وبسهوله ....

أنما مع مراتك...لو روحك طلعت..لازم تحط في بؤك جزمه أديمة

وتفكر مليون مره..في المحاكم والمؤخر و النفقة.. والعيال والشقه والاجار..

ثامنا........ في الشغل..لو سبته ..أو بلغت سن التقاعد بتاخد مكافأة كبيره

..ومعاش..وحفله تكريم ....
أما مراتك لو سبتها... أنت اللي ح تدفع مكافأة ومؤخر ونفقه

...وشقه كمان.. وتتحبس لو ما دفعتش

تاسعا.........ممكن تغير شغلك وتتنقل لغيره لو لقيت شغل أحسن منه.......

في حين أنك طوووول الوقت بتشوف بنات أحلى ميت مره من مراتك

بس ماتقدرش تغيرها

عاشرا......في الشغل....متأمن عليك عشان لو حصل لك حاجه......

ولو حصل لك حاجه.....مراتك هي اللي هاتقبض التأمين

في النهاية ... بتحب مين أكتر...مراتك ولا شغلك ؟؟

أكيد مراتي ... أحسن يوقع البوست ده في ايدها .... تبقى مصيب

إسماعيل كتب:موضوع طريف أنقله لكم ولعله يعجبكم ونرى رأي التونسي فيه.

قال موظف مصري لما سئل .
.....................
في النهاية ... بتحب مين أكتر...مراتك ولا شغلك ؟؟

أكيد مراتي ... أحسن يوقع البوست ده في ايدها .... تبقى مصيبة

[ندعوك للتسجيل في المنتدى أو التعريف بنفسك لمعاينة هذه الصورة]

يبقى العيب فيييييييييين ؟؟
أكيد فيه هو !!
عشان خوآآآآآآف وعامل نفسو سي السيد
خخخخخخخخخخ
حلوة أخي إسماعيل ...