هذا هو المستوى الاخلاقي المتدني اللي وصلنالو

البارح طفلة من البنات اللي تشدوا في مطار قرطاج جايين من لبنان يمارسوا في الدعارة في كباريات لبنان تتكلم في برنامج في قناة تونسية
هذا هو المستوى الاخلاقي المتدني اللي وصلنالو شعب لا عاد عندو لا قيم لا مبادئ و لا اصالة هاذي هي نتيجة من نتائج ثقافة التغريب هاذي الحداثة و هاذي هي "حرية المراة" اللي يحبوا عليها
طفلة صغيرة كيفاش دارهم يخليوها تسافر وحدها كيفاش يقبلوا بنتهم تبات البرا بوها كيفاش يحط ر
اسو على المخدة و بنتو مش في الدار كيفاش يهز راسو في وسط الرجال و باعث بنتو للبنان
التربية و الاخلاق و الدين يعلموا الانسان الصبر و الرضاء و الفقر عمرو لا كان دافع للمتاجرة بالجسد و عمرو لاكان دافع ل"عطيان الذل كارو"
طفلة كيما هاذي باللي تكون فقيرة و مخصوصة شنوا باش تعمل بيها فلوس البغاء و شنوا باش تزيدها
الحقيقة انو برشا بنات ولا عندهم برشا جشع و عينهم كبرت برشا تحب لوكها كيما هيفاء و تلبس الsigné تحب ديما 6 - 12 تقول عروسة بزار هاذي للاسف احلام بناتنا ما ترضاش بواحد يهنيها حتى كان على قدو لكن "تعطي للذل كارو" و تبيع بدنها لللي يسوا و لللي ما يسواش هاذي هي "الكرامة " اللي تلوج عليها برشا بنات الا من رحم ربي
الثورة ما يلزمشي تغير السياسة اكهو في تونس لكن يلزم تغير اخلاقنا و تعاود تبني المبادئ اللي اندثرت الاسرة التونسية المسلمة لازم يرجع دورها فاعل باش نعاودوا نبنيو المجتمع لازم ترجع "هيبة" البو و الام و ترجع كلمتهم مسموعة مش كل واحد يعمل على زي راسو و كل واحد عايش في عالم وحدو و تولي هاذي اخرتها "تجارة بالجسد" - دعارة و "عطيان الذل كارو"
[ندعوك للتسجيل في المنتدى أو التعريف بنفسك لمعاينة هذه الصورة]