يا أولادي فيقوا؟وينكم؟

تذكير بمساهمة فاتح الموضوع :

بجاه ربي هالمواضيع عبروها حتى بكلمة واحدة!!!

أولا أنا أعتذر على كتابتي باللغة الدارجة و لكن أردت ايصال الرسالة للجميع،بجاه ربي كي تدخلو للمنتدى اظغطوا على قائمة المواضيع التي لم يرد عليها و شوفوا؟بربي موش وضع يدعو للأسف؟الواحد الله أعلم بيه كيفاش يتعب و يبحث و يكتب الموضوع ومن بعد ما يلقاش منا حتى كلمة شكر أو تشجيع!!كيفاش نتوقعوا منو يعاود يكتب و هو يلقى موضوعه مهمل حتى واحد ما عبرو بكلمة؟بربي آش باش يخسر الواحد منا كي يكتب حتى كلمة شكر؟كان كل واحد منا يتطوع يرد على موضوع توا نلقو المواضيع الكل مردود عليها! بربي فيقو شوي و شوفو المنتديات الأخرى كيفاش قاعدة تخدم وتنافس!معذرة كان ظهرتلكم منرفزة شوي اما رانا نحبو منتدى قفصة يكون أحسن منتدى!واللا الأعراس و ألأحواسات مازالت شاغلتكم!ومن بعد تجي القراية ومن بعد رمضان وهكذا دواليك! أعول على رحابة صدركم في تقبل هذه الملاحظات و ؟أرجو أن يلقى هذا النداء صدى لدى الجميع.

أخيرا شكر خاص الى الاخوة الأعضاء المشرفين على قسم البرامج المشروحة على العمل الجبار الذين يقومون به وأيضا لأن عدم وجود الردود لم يثني من عزيمتهم لأنه لو لاحظتم أكثرالمواضيع التي لم يرد عليها هي في قسم البرامج المشروحةوأنا شخصيا رغم أن معرفتي وولعي بهذا المجال محدود الا أني أقول للمشرفين على هذا القسم مرة أخرى شكرا لعزيمتكم و سعة صدركم.