خبر عاجل ...جديد البورصة التونسية .. في ظل الأزمة المالية العالمية

[b]في ظل الأزمة المالية العالمية التي تعصف بالبنوك والشركات والبورصات العالمية... وافلاس بعضها. وتحت تأثير هذه الأزمة تهاوت أسهم الشركات والبنوك وشركات التأمين في البورصة التونسية الأسبوع الماضي ، حيث سجل مؤشر البورصة هبوطا مريعا ، وقد سارع كبار المستثمرين قبل صغارهم إلى التفويت في أسهمهم رغم الخسائر الكبيرة التي تكبدوها ، وذلك خوفا من مزيد من الانهيار....
ولكن مع اطلالة صباح اليوم والى ان اغلقت البورصة التونسية ابوابه على الساعة 14 و 10 دق ، شهدت البورصة انتعاشة كبيرة وتنفس خاصة صغار المدخرين الصعداء ، فمن جملة 55 شركة خدمات وشركة تامين وبنك كانت الحصيلة كمايلي :
* 9 شركات لم يتم تداول اسهمها اصلا
*7 شركات حافظت على اسعارها السابقة لحصة يوم الجمعة
* 10 شركات سجلت انخفاضا
* 29 شركة سجلت ارتفاعات متفاوتة القيمة
فهل نقول أن البورصة التونسية قد بدأت تتجاوز الأزمة ...؟؟؟
للحديث بقية مع أخبار البورصة التونسية والاقتصاد الوطني والعالمي .

الازمة العالمية نابعة اساسا من الاقتصاد الامريكي وهي نتيجة للمضاربة في العقارات وقد اثرت بشكل كبير على جميع العمليات المالية هناك
وبما اننا في تونس ليس لنا ارتباط كبير بالبنوك الامريكية واغلب معاملاتنا المالية باليورو وليس بالدولار (جزء من الازمة ) لا اردى داعيا للخوف فنحن على الاقل في الوقت الحاضر بعيدين عن الازمة

امس لعشية نعمل في دورة في البلاد .. بديتها ب شويا قضيات من المغازة العامة و وصلت حتى ل دوشمان و كملتها بعطار الحومة ..
حسب ما شفت الاسوام هيا هيا كيما قبل رمضان ..

هاني حبيت نبشركم مالا اللي لحد الان بلادنا لاباس و مازالت ما وصلتهاش الازمة و ظاهرلي باش نولي نجي على كلام سي بكار المحافظ متاع البنك المركزي كيف قال راهي بلادنا لا يخشى و لا خوف عليها لانها انتهجت "سياسة الحذر واليقظة" و زادا احدثت "لجنة يقظة" لمتابعة هذه الأزمة ..

بالنسبة ليا انا هالازمة حتى في صورة ما وصلتنا ( ان شاء الله في راس العدو و في راس اللي يكرهنا ) ماعندها ما تعملي و ماهيش باش تقلقني بالكل ..
خاطرني مستانس بيها الازمات من النوع هذا ( المالية ) و عندي مديدة محسوب وانا نعاني فيها ( بالتحديد ملي بديت نكون عامل روحي و حاب نعرس ) ..

قلتلكم عاد .. خوكم يصبولو الشهيرية منا ، عشرة ايام بالظبط بعدها تقين عليا و نبدا نعاني من الجفاف في جيبي .. و هاني مرة نستنجد بالوالد يسلكهالي ربي يطول في عمرو و مرة بحيط البانكة نجبد في الاحمر ربي يخليه صحيح هو زادا .. معناها انا بطبيعتي مقينة عليا خلقي و عايش في ازمة من غير ما تزيد تجيني الازمة الاخرى ..

بيني و بينكم الازمة اللي يحكو عليها ظاهرلي سمعت بيا انا مقينة عليا هاذاكا علاش ما جتش .. و ماهيش باش تجي باش ما تقينش عليها هيا زادا .. قالت هالسخطة تي هاو مقينة عليه خلقي هذا من غير من نزيد نكمل عليه انا ..

هي زادا خافت على روحها .. بربي توصل تلقى الجموع الكل ديون و قروضات و قينيا و بطالة و البلاد حابسة و تمركي تبارك الله .. بربي فماش ازمة اكثر من هاذي ؟ تي هانا بطبيعتنا عايشين في ازمة .. ازمة خلقي راضعينها الكل في الحليب كيما يقولو فيها .. ازمة تولدت معانا و عايشة معانا .. و موش بالساهل زادا نسلمو فيها خاطر ربينا عليها الكبدة الناس الكل ..
دونك خلينا مالا لاهيين في رواحنا و في ازمتنا خير .

و ليلتكم زينة و تصبحو على محبة ..

foued كتب:امس لعشية نعمل في دورة في البلاد .. بديتها ب شويا قضيات من المغازة العامة و وصلت حتى ل دوشمان و كملتها بعطار الحومة ..
حسب ما شفت الاسوام هيا هيا كيما قبل رمضان ..

هاني حبيت نبشركم مالا اللي لحد الان بلادنا لاباس و مازالت ما وصلتهاش الازمة و ظاهرلي باش نولي نجي على كلام سي بكار المحافظ متاع البنك المركزي كيف قال راهي بلادنا لا يخشى و لا خوف عليها لانها انتهجت "سياسة الحذر واليقظة" و زادا احدثت "لجنة يقظة" لمتابعة هذه الأزمة ..

بالنسبة ليا انا هالازمة حتى في صورة ما وصلتنا ( ان شاء الله في راس العدو و في راس اللي يكرهنا ) ماعندها ما تعملي و ماهيش باش تقلقني بالكل ..
خاطرني مستانس بيها الازمات من النوع هذا ( المالية ) و عندي مديدة محسوب وانا نعاني فيها ( بالتحديد ملي بديت نكون عامل روحي و حاب نعرس ) ..

قلتلكم عاد .. خوكم يصبولو الشهيرية منا ، عشرة ايام بالظبط بعدها تقين عليا و نبدا نعاني من الجفاف في جيبي .. و هاني مرة نستنجد بالوالد يسلكهالي ربي يطول في عمرو و مرة بحيط البانكة نجبد في الاحمر ربي يخليه صحيح هو زادا .. معناها انا بطبيعتي مقينة عليا خلقي و عايش في ازمة من غير ما تزيد تجيني الازمة الاخرى ..

بيني و بينكم الازمة اللي يحكو عليها ظاهرلي سمعت بيا انا مقينة عليا هاذاكا علاش ما جتش .. و ماهيش باش تجي باش ما تقينش عليها هيا زادا .. قالت هالسخطة تي هاو مقينة عليه خلقي هذا من غير من نزيد نكمل عليه انا ..

هي زادا خافت على روحها .. بربي توصل تلقى الجموع الكل ديون و قروضات و قينيا و بطالة و البلاد حابسة و تمركي تبارك الله .. بربي فماش ازمة اكثر من هاذي ؟ تي هانا بطبيعتنا عايشين في ازمة .. ازمة خلقي راضعينها الكل في الحليب كيما يقولو فيها .. ازمة تولدت معانا و عايشة معانا .. و موش بالساهل زادا نسلمو فيها خاطر ربينا عليها الكبدة الناس الكل ..
دونك خلينا مالا لاهيين في رواحنا و في ازمتنا خير .

و ليلتكم زينة و تصبحو على محبة ..

يا سي فؤاد هاك تبارك الله عليك
تحمد ربي و تشكرو
السيد الوالد ربي يفضلهولك يحلك في أزماتك الكل
و حيط البانكة وين تقلوا افتح ي سمسم يهبطهملك دولارات و أوروات و ينات و دينارات
حتى في الروج موش مشكلة
و شهريتك مسمار في حيط
و تتجول في الماغازات و تميل في راسك
الأسواق تقوللها إر ترحل بالسلع و الخيرات
و الناس تشري يا سي فؤاد
و تبني و تعلي زادة موش ولينا على الساتيام إيتاج تو في قفصة
و مؤشرات بورصة سوق الأربعة تبارك الله
هي قلي كفاش بش تجيك هالأزمة
و الا كيفاش بش تحس بيها
و زيد فوق من الكل في دولة أمرستان
لي حكيتنا عليها آك النهار
هو قالك بش يعلنو على انشاء وزارة التأميم
و ولاية نيويورك بش يسموها كيف كركوك في عهد المرحوم
محافظة التأميم
تهاك تبارك الله عليك
من نصر الى نصر

الموضوع مزيان . اما بالنسبة لواحد بطال كيفي انا ما يهمو في حتى شيء. لكن في النهاية تستاهل شكر.