الحرقة

لماذا كل هذا السخط على الواقع الى درجة التضحية بالنفس و النفيس
هل أصبحت أوطاننا جحيما لا يطيق أهلها البقاء فيها ؟
أم أنها رغبة في اختصار المراحل و الغنى السريع الذي قد يصبح سرابا تراه العين ولا تبلغه اليد ؟
السلام عليكم
تعاني بلدان المغرب العربي من تدفق المهاجرين السريين الذين يحلمون بعبور البحر للوصول الى الجانب الآخر حيث المال و الجاه و العمل بشتى أنواعه ...كما يتصورون...
فمنهم من يعبر البحر و يعود الى بلده بعد مرور عشرات السنين بعد أن أفنى شبابه في خدمة الغير ومعه حفنة من المال ...و منهم من يلقى حتفه و تتقاسم جسده الصغير أسماك القرش
تاركا وراءه أهله و أحبابه في غم و نكد...
و منهم من ينسى بلده و يتجنس بجنسية الغير و لا يعود الى بلده الا ممددا في صندوق خشبي ...
ما هذا السخط على الواقع ما هذا الهروب الى المجهول فهل واقعنا الاقتصادي و الاجتماعي يتطلب كل تلك التضحية ؟
وهل فعلا العالم الغربي هو عالم سحري يجذب اليه كل من أراد الجاه و الشهرة ؟
أم أن الحلم يختفي بمجرد أن يطأ المهاجر تلك الأرض و يعاشر أهلها فيندم كل الندم ؟
ثم ألا تعتبر الهجرة السرية هروبا من الواقع ؟
و هل الهجرة مكسب للدول المصدرة للمهاجرين أم اكراه يزداد على اكراهاتها الكثيرة و المتنوعة ؟

انها مغامرة نحو المجهول ولكن لابد لها اسباب قوية لكي تدفع الشاب الى المخاطرةوالمقامرة بحياته


ماهي أسباب الهجرة السريّة؟ومن المتسبب بها؟
ماهي نتائجها؟
ما هي الحلول التي يمكن طرحها؟
و خاصّة هل أنت مع الهجرة السريّة؟ولماذا؟
أريد أن أفسح المجال للجميع للنقاش حول هاته المسألة

يا نعيشوا عيشة فل يا نموتوا الناس الكل

مش سحر الغرب لكن امورنا التاعبة هنا بربي اش عاجبك في هالبر كان الهم و الميزيرية و البطالة

محسوب البرة يستنوا فيكم على الشط و مرحبين بيكم على الأخر
تي ماهو اللي باش يسلكها على الآخر باش يلقى خدمة باهية على الىخر و هي اللي باش ينظف المرشي بعد ما يسكر و إلا مطبس نهار كامل يلقط في الطماطم و البصل
هو العبد اللي يمشي أموره مريقلة يبدو يسخسخوا فيه ماللي مازال في تونس,برا غادي ,هيا جاي ,جيب نسخة مطابقة للأصل في شهادة إنخراط في جمعية أحباء الطيور,وهات من هاك الرويق ,خلي يا يبدى حارق,
إسع معلومة للي يحب يحرق ,يلزمه أول حاجة 6 شهور بعد ما يعرس ما يعفسش الشارع باش لمن يشوفه و يشلق بيه,خلي يا ما زلت ماعرستش
و زيد حاجة أخرى,ماشي في بالكم أكثرية اللي حرقوا ماشين باش يخدموا,تي ماهو ينوي هكاكة المرة الأولى و من بعد يضربه الهواء متاع القوورة ,يولي عاد المعلم حيط يصد و حيط يرد
الحاجة الوحيدة اللي الباهية إنو "الجورني"(الراتب اليومي للعامل اليومي)في إيطاليا يوصل لحتى 35 د في أبسط الحالات ,خلي يزيد واحد يخدم سوايع زايدة
خلاصة القول,الحرقة منا تشوي و منا تكوي,واللي يسلكها يعيش ملك زمانه

منعرفش هالمدة سمعت انو ثمة 1200 حارق تونسي موقفين في لمبدوزة الجزيرة الايطالية الي هيا في الاصل تونسية اما اهوكة في اطار عملية تقريب ايطالية الى السواحل التونسية قصد تسهيل عملية الحرقة تم التغاضي على هاذي الجزيرة و التفريط فيها ..
على كل هالعدد المهول متع الحارقين و الي كلهم من الشباب و الي في انتظار ترحيلهم من لمبدوزة الى تونس و لله اعلم اش باش يصير فيهم وخاصة مع تشديد العقوبات المسلطة على الحراقة و المتعاونين معاهم ..
ورغم التشديد الا انو عدد الحراقة في ارتفاع متواصل و كل مرة هاو نسمعو 40 حارق بقبقو وسط البحر و كلاهم الحوت و هاو مرة حفنة شدوها الا ان وصل الامر ل 1200يا بو قلب ..
1200حارق علاش ميلموش بعضهم الحراقة التوانسة مدامهم بها الاعداد المهولة و يعملو نقابة و الا جمعية اهوكة ساعة ساعة نقراو في اك البوند متع الاخبار متع الجزيرة
جمعية حراقة بلاحدود التونسية تتضامن مع حراقة المكسيك وتطالب اوباما وحكومته بنزع الاسلاك الكهربائية من الحدود الامريكية ..
و الا نقابة الحراقة تصف العدوان على غزة بأنه عمل همجي و ترصد مجموعة من المساعدات لفائدة المنكوبين ..
اهوكة عل الاقل الحرقة تتهيكل و يولي عندها سياج سوسيال و حق الحراقين ميضيعش و علاش تصحح اتفاقيات شراكة و توأمة مع جمعيات مماثلة بهدف تطوير القطاع هذا
وتولي ثمة ايام مخصصة للحرقة ونلقاو بوندرولات في البلاد كيما البوندرلات متع المهرجانات و التظاهرات الثقافية الجمعية الوطنية للحراقة تحتفل بربيع الوطني للحرقة ايام15و16و17مارس .. و الا تحي ذكرى شهداء الحرقة ..
و هكاكة عل الاقل نوليو نشوفو برشة ايطالين ملي يديهم مسخة بالدم التونسي امام المحاكم خاصة و انو هناك شكون باش يدافعلهم على حقوقهم
بصراحة شيء مؤسف انو الشباب التونسي ولى يلوح في روحو للموت من اجل اوهام واحلام بالثروة ..
اما الغريب في الامر انو ضمن الحراقة ثمة ناس حاملة لشهايد اي نعم شهايد كنا نعرفو مفهوم هجرة الادمغة اما تو تقريبا في عصر تغير المفاهيم باش نولي نعرفو مفهوم حرقان الادمغة و علاش في تطور العنصر البشري الحارق من بطال متيقر الى حامل شهادة يزيد يطور الامر و بعد مديدة نسمعو بوزير حرق و الا مسؤول رفيع المستوى بون هيا العملية صايرة اما موش بالمفهوم المجرد متع الحرقة على خاطر وجهة الناس هاذم في الغالب مدينة البنوك و تذكرتهم ديما ذهاب بلا اياب ..
الامر هنا يخلينا بلحق ناقفو وقفة تأمل ونطرحو على انفسنا مجموعة اسألة ومنجمو نعالجو هالظاهرة او على الاقل نحدو منها الا منكونو صادقين مع انفسنا ..
علاش الشباب التونسي يحرق و هنا كي نحكي عالشباب نحكي عالشباب من مختلف الجنسين حتى البنات زادة و لات تحرق اي نعم البنات زادة ..
تصورو شمعناها بنية تحرق في الوقت الي موش هيا مطالبة فيها باش تحل دار بون ممكن حرقتهم عندها اسباب خاصة بعالم البنات منجموش نفهموها اما افهمو شمعناها طفلة وصلت تحرق ..
ملا خلي لولاد الي هوما مطالبين باش يحلو دار ..
على كل قلت انو الاسباب تتلخص في زوز محاور كبار :
اسباب اقتصادية
غلاء المعيشة و تجاهل بعض الجهات و اغفالها من المخططات وكمل الازمة المالية بدات تبربش وهو ما ادى ببعض رؤوس الاموال من الحد من حجم استثمارتها
اسباب اجتماعية
انتشار البطالة ... الفقر... و الحاجة
بون انا متعمقتش فيهم الزوز اسباب نظرا لانهم اسباب معروفة لدى الناس الكل
لكن الي باش يخلينا نحدو من الظاهرة هاذي هو نشر الوعي والوعي الوطني ..
لازمنا نوعيو الشباب انو العملية الانتحارية هاذي و قوارب الموت متهزش للجنة وانما لرحلة اخرى من التمرميد والعذاب هذا اولا ثانيا انو لازم زرع الروح الوطنية في الشباب انو نخليوهم يتشبثو ببلادهم مهما كانت الظروف تي احنا راس مالنا الشباب و الموارد البشرية ..
لعنا لانفط لا ذهب
على كل ربي يهدي ماخلق و يفتحها في وجه كل حارق


مقال منقول

[quote="قوافليست انتحاري"]محسوب البرة يستنوا فيكم على الشط و مرحبين بيكم على الأخر
تي ماهو اللي باش يسلكها على الآخر باش يلقى خدمة باهية على الىخر و هي اللي باش ينظف المرشي بعد ما يسكر و إلا مطبس نهار كامل يلقط في الطماطم و البصل
هو العبد اللي يمشي أموره مريقلة يبدو يسخسخوا فيه ماللي مازال في تونس,برا غادي ,هيا جاي ,جيب نسخة مطابقة للأصل في شهادة إنخراط في جمعية أحباء الطيور,وهات من هاك الرويق ,خلي يا يبدى حارق,
إسع معلومة للي يحب يحرق ,يلزمه أول حاجة 6 شهور بعد ما يعرس ما يعفسش الشارع باش لمن يشوفه و يشلق بيه,خلي يا ما زلت ماعرستش
و زيد حاجة أخرى,ماشي في بالكم أكثرية اللي حرقوا ماشين باش يخدموا,تي ماهو ينوي هكاكة المرة الأولى و من بعد يضربه الهواء متاع القوورة ,يولي عاد المعلم حيط يصد و حيط يرد
الحاجة الوحيدة اللي الباهية إنو "الجورني"(الراتب اليومي للعامل اليومي)في إيطاليا يوصل لحتى 35 د في أبسط الحالات ,خلي يزيد واحد يخدم سوايع زايدة
خلاصة القول,الحرقة منا تشوي و منا تكوي,واللي يسلكها يعيش ملك زمانه

[/quote



صحيح ماهمش باش يلقو البيروات تستنى فيهم و الشركات
اما غادي على الاقال اللي يتعب يلقى
مش عيب الواحد يخدم سيرفير و الا يغسل صحون و الا حتى سارح بقر مادام خدمة نظيفة و حلال شنوة المشكل
اما الخدم البسيطة غادي تنجم تصور منها الخير و البركة تنجم تكون منها و تعمل مستقبل صحيح فيها تعب اما فيها فلوس زادة كان عالتعب الهم لاحقنا هنا و الا غادي لبرا بالكش تعب تربح منو و هنا مورال 0 و حالة 0 و بطالة الواحد يوصل عمرو 35 و هو لا خدم لا عمل دار لا شي]

المتغطي بمتاع الناس عريان
و مش كيف إلي شاف كيف إلي سمع

والله والله والله لا فمة كيف تونس بهمها بميزيريتها ببطالتها ... هى بلادك ..
لوكان تعرفوا بعض الجنسيات الاخرى اش يعانيو تقولوا لا عندنا هم ولا ميزيريا ولا بطالة...
والله احنا في نعمة حاسديننا عليها باااااااارشة عباد ..
قولوا الحمد لله...

AMAL MASMOUDI كتب:والله والله والله لا فمة كيف تونس بهمها بميزيريتها ببطالتها ... هى بلادك ..
لوكان تعرفوا بعض الجنسيات الاخرى اش يعانيو تقولوا لا عندنا هم ولا ميزيريا ولا بطالة...
والله احنا في نعمة حاسديننا عليها باااااااارشة عباد ..
قولوا الحمد لله...

بربي اختي وين تشوفي فيه هالعز كان هالاهل و الامالي بحذاك نقلك عندك حق
اما حاجات اخرين ما ثمة شي
الواحد قداش حلم بحاجات باش يعملهم اما بلادنا مقيفرة ما فيها شي يشجع و لا شي يساعد باش تعمل حاجات تعاون بيهم روحك

محسوب البرة توا يقد روحه أبو العيلة,
تي أول سؤال يطرحه الحراق على روحه زعمة نوصل و إلا يشدوني و إلا نغرق ,3إحتمالات,معناها بعملية حسابية عندك نسبة 33بالمائة باش تحرق مقابل 66بالمائة تراسيلك في وضعية لا تحسد عليها
لذلك الذل في تونس أرحم بكثير من العز في بلاد ناسها يحبوووووووك برشا و يحبوا العربي و يفرحوا بيه

إحسب تراه و شوف الإحتمالية,1على 3 ,توا تجيك 0,33

foued كتب:

صحيح خوى..

houma maytin hna wela gadi .
ye5i machi fi balkom hna 3aychin tihouma amwat 3ala chakli a7ya2

Rosa كتب:

قوافليست انتحاري كتب:
لذلك الذل في تونس أرحم بكثير من العز في بلاد ناسها يحبوووووووك برشا و يحبوا العربي و يفرحوا بيه

yomken enta t9oul hakka 5ater 3ayech wadh3ia maddia labes (el 7amdoullah) ema 7ott fibalek elli femma nas fi tounis mahomch la9in ma yaklou, et parfoi ibato jwa3a,yomrdhou mayal9ouch bech idawou, rjal w ma3indhom fi jibhom 7ata franc dc yakrah 7yato w i9oul el mout ar7em dc iwalli bessif 3lih ifakker fel 7ar9a

Mais biensur a mon avi el 7ar9a moch 7all

كلامك فيه شوية تناقض
واحد ما يلقى ما ياكل معناها ال 5 آلاف عندوا تعمل آفار,فما بالك كيفاش باش يقمر ب 4 ملايين و شوف يخلط شوف لا ,معناها بصفة عامة إحنا ما نحكوش على النوعية هذيكا متاع الناس,
إحنا نحكوا على "البطالة الميسورين"
بلغة أوضح واحد موش لاقي ما ياكل معناها ما يفكرش بالحرقة جملة