حكايتي مع .. الكنام
+9
soujoud
العنيد
AMAL MASMOUDI
HP
أنين الصمت
Rosa
صقر الجنوب
Sweet EviL
foued
13 مشترك
صفحة 1 من اصل 2
صفحة 1 من اصل 2 • 1, 2 
حكايتي مع .. الكنام
من طرف foued الخميس 9 أبريل - 0:38
ايا برا قلنا السلام عليكم :
ليا برشة ما خرفتش .. قلت خليني نخرفلكم شويا و نحكيلكم شنوا صارلي اليوم مع الكنام (الصندوق الوطني للتأمين على المرض) ..
عندي الوالدة تعبت شويا المدة الاخيرة و مانكذبش عليكم ظهري تعرى من المصاريف بين التصاور و التحاليل و الطبة السبيسياليست .. ربي يشفيها على كل حال ..
عاد قلت هيا خلت خلت كيما قال لمين النهدي في فردة و لقت اختها .. قلت خليني نقيدها معايا في كرني الكنام فماش ما يرجعولي حتى شويا فليسات ملي صرفتو بما اني من الاول اخترت منظومة استرجاع المصاريف .. ولو اني مقتنع تماما انهم ما يرجعولي الفليسات كان بعد مانمرض بالسكر و الاعصاب و غلظ الدم جراء الاجرائات الادارية اللي باش نهرج فيها فيما بعد في جرة هالفليسات ..
باش نوصيكم حاجة قبل مانكمل نصيحة لوجه الله : اللي قدر عليه ربي و جا باش يعمل منظومة استرجاع المصاريف انا نقلو سيب عليك و يخلف ربي .. خاطر مايرجعولك شويا (موش الكل بطبيعة الحال) من الفليسات كان ماتمرض عافانا و عافاكم الله بواحد من الثلاثة امراض : يا السكر ، يا الاعصاب ، يا غلظ الدم ربي ان شاء الله يلطف بينا و بيكم .. نتيجة الاخلاص و التفاني في العمل داخل الادارات التونسية اللي باش نحكيهولكم من مبعد ..
برا يا سيدي عملت على ربي و خذيت نهير كونجي باش نتفرغ تماما للكنام .. و قصدت ربي ..
اول حاجة الماكينة اللي تعطي التيكيات اللي فيهم نوامر مكسرة .. ستنو اسع خليني نفهمكم حكاية هالنوامر .. ماهو تبارك الله كل شيء ولا يمشي منظم .. اييييه يا حسرة على ايامات الفوضى و ندزك و دزني ... مشاو على رواحهم هاذوكم .. توا كل شيء ولى informatisé و منظم .. تاخذ نومرو و تستنى الدور متاعك .. برجولية زايد مع النظام و ربي يخلينا النظام ..
عاد قلتلكم نلقى الماكينة اللي تعطي النوامر مكسرة .. اما باش مايعطلوش المواطنين هانم حطو واحد محترم بحذا الماكينة هو اللي يمدلك نومرو كيف تدخل .. اسع نلقى صف طويل عريض باش تهز نومرو .. برا وسعت بالي و انا ماهو بالي واسع خلقي من عند ربي و ضربت نص ساعة شاد الصف باش نهز نومرو باش نشد بيه الصف مرة اخرى باش نمشي للشباك اللي باش يقضيلي اموري ..
تسمعو بيها : تشد الصف باش تشد الصف ههههه انا جرالي هكاكة .. شديت الصف باش نهز نومرو باش نشد بيه مرة اخرى الصف .. !!
المرة هاذي الصف موش كيف الصف الاول .. هذا منظم عليه تشد بلاصتك و تستنى الجماعة اللي قبلك اللي هوما في الحالة متاعي انا 35 واحد تبارك الله ..
برا كيف العادة ضربت ساعة ونص و انا نستنى في دوري .. في الاخر الموظف اللي في الشباك الحق قام معايا بالواجب و اكثر ربي يبارك فيه .. قتلو راني باش نزيد معايا الوالدة في الكرني .. قالي .. لا عاد موش هنا تزيدها .. اطلع الدروج و اول بيرو على ايدك اليمين .. طلعت فرحان عاد انا و قلت صايي سلكت .. انا مازلت طالع في الدرجة الثالثة و نلقى الصف ماشاء الله واصل للدروج و قدامي 20 واحد .. و البيرو فيه كان مرا وحدة هي اللي تخدم في الخدمة الكل ربي يكون في عونها .. مع العلم انو البيرو فيه 3 مكاتب معناها نورمالمون يبدو فيه 3 موظفين موش وحدة بركة تخدم حوكي و حرايري ..
ايا سلمت امري لربي و قعدت نستنى مع الاوخيان اللي قبلي اللي ليهم ساعة و اكثر و هوما يستنو ..
ستنيت درجين بالحساب و جا نص النهار و نص .. خرجت للا الموظفة الكريمة و قالت توا نص النهار و نص .. وقيت الفطور .. اللي مازالو يرجعو ماضي الساعتين !! و سكرت الباب بالمفتاح و خرجت !! انا الحمد لله قاري شويا قانون متاع الوظيفة العمومية بحكم خدمتي فيها .. اما جامي كان قريت اللي وقت الراحة يبدا من نص النهار و نص في الادارات العمومية !! خاطر هو نورمالمون يبدا من الماضي ساعة للثلاثة .. بون مانظلمش المرا بالكش منقحة فيه القانون حسب ما يساعدها هيا !! الحاصيلو الجماعة كل واحد خزر لصاحبو و تمتمو بشويا كلام و بعض العبارات اللطيفة على تفانيها في العمل و خاصة احترامها للتوقيت الاداري .. و خرجو .
مشيت عملت سندويتش في الاميرة بعد ما قلبي سخف من الجوع من شدان الصف متاع الصف و مبعد عملت دورة في شامبيون و كملت عملت كاس تاي في كاليبسو هضمت بيه الساندويتش مع بعض السجائر المضروبة من نوع عيد الاستقلال ..
جات ماضي الساعتين .. هزيت روحي و رجعت للكنام ..
اااه المرة هاذي خوكم فهم اللعبة .. و ماعادش باش يحصل في شدان الصف متاع الصف كيما الصباح..
المرة هاذي طلعت طول للدروج .. و يا ليتني ما طلعت و يا فرحة ما تمت ..
الصف نلقاه الدوبل متاع الي كان الصباح .. اما المشكل اللي الست الموظفة لتوا ماجاتش .. بالكش تكمل في قازوزة ولا كاس تاي تهضم بيهم بعد عناء يوم طويل و شاق من العمل ..
الحاصيلو من ماضي الساعتين .. ضربتها للاربعة و نص باش جا دوري .. دخلت للست الموظفة و حكيتلها البيعة .. الحق يكثر خيرها تواضعت و سمعتني ووسعت بالها معايا و في الاخر قاتلي : كمل جيبلي مضمون و تصريح على الدخل و شهادة عدم انخراط في cnss و شهادة عدم انخراط في cnrps و كمشة اوراق اوخرين ... و هيا نريقلك امورك ..
بعد ما عديت نهار كامل وانا شاد الصف متاع الصف نزيد نرجع نعمل نهار اوخر كيما هكا !!!
قلتلها تعرفش كيفاش بنية عمي : يخلف ربي في الفليسات و في التعب و شدان الصف متاع الصف و ربي ان شاء الله يعوضني عليهم و السماااااااااااااح كان مازلت نعفس هنا ..
هاني لتوا خوكم طالعلي الدم و السخانة 200 و نحس في روحي بكلي نغلي ..
خليني نمشي نعمل وحيدة فشفاشة efferalgan فماش ما تهفت عليا شويا السخانة ..
ايا ليلتكم زينة
ليا برشة ما خرفتش .. قلت خليني نخرفلكم شويا و نحكيلكم شنوا صارلي اليوم مع الكنام (الصندوق الوطني للتأمين على المرض) ..
عندي الوالدة تعبت شويا المدة الاخيرة و مانكذبش عليكم ظهري تعرى من المصاريف بين التصاور و التحاليل و الطبة السبيسياليست .. ربي يشفيها على كل حال ..
عاد قلت هيا خلت خلت كيما قال لمين النهدي في فردة و لقت اختها .. قلت خليني نقيدها معايا في كرني الكنام فماش ما يرجعولي حتى شويا فليسات ملي صرفتو بما اني من الاول اخترت منظومة استرجاع المصاريف .. ولو اني مقتنع تماما انهم ما يرجعولي الفليسات كان بعد مانمرض بالسكر و الاعصاب و غلظ الدم جراء الاجرائات الادارية اللي باش نهرج فيها فيما بعد في جرة هالفليسات ..
باش نوصيكم حاجة قبل مانكمل نصيحة لوجه الله : اللي قدر عليه ربي و جا باش يعمل منظومة استرجاع المصاريف انا نقلو سيب عليك و يخلف ربي .. خاطر مايرجعولك شويا (موش الكل بطبيعة الحال) من الفليسات كان ماتمرض عافانا و عافاكم الله بواحد من الثلاثة امراض : يا السكر ، يا الاعصاب ، يا غلظ الدم ربي ان شاء الله يلطف بينا و بيكم .. نتيجة الاخلاص و التفاني في العمل داخل الادارات التونسية اللي باش نحكيهولكم من مبعد ..
برا يا سيدي عملت على ربي و خذيت نهير كونجي باش نتفرغ تماما للكنام .. و قصدت ربي ..
اول حاجة الماكينة اللي تعطي التيكيات اللي فيهم نوامر مكسرة .. ستنو اسع خليني نفهمكم حكاية هالنوامر .. ماهو تبارك الله كل شيء ولا يمشي منظم .. اييييه يا حسرة على ايامات الفوضى و ندزك و دزني ... مشاو على رواحهم هاذوكم .. توا كل شيء ولى informatisé و منظم .. تاخذ نومرو و تستنى الدور متاعك .. برجولية زايد مع النظام و ربي يخلينا النظام ..
عاد قلتلكم نلقى الماكينة اللي تعطي النوامر مكسرة .. اما باش مايعطلوش المواطنين هانم حطو واحد محترم بحذا الماكينة هو اللي يمدلك نومرو كيف تدخل .. اسع نلقى صف طويل عريض باش تهز نومرو .. برا وسعت بالي و انا ماهو بالي واسع خلقي من عند ربي و ضربت نص ساعة شاد الصف باش نهز نومرو باش نشد بيه الصف مرة اخرى باش نمشي للشباك اللي باش يقضيلي اموري ..
تسمعو بيها : تشد الصف باش تشد الصف ههههه انا جرالي هكاكة .. شديت الصف باش نهز نومرو باش نشد بيه مرة اخرى الصف .. !!
المرة هاذي الصف موش كيف الصف الاول .. هذا منظم عليه تشد بلاصتك و تستنى الجماعة اللي قبلك اللي هوما في الحالة متاعي انا 35 واحد تبارك الله ..
برا كيف العادة ضربت ساعة ونص و انا نستنى في دوري .. في الاخر الموظف اللي في الشباك الحق قام معايا بالواجب و اكثر ربي يبارك فيه .. قتلو راني باش نزيد معايا الوالدة في الكرني .. قالي .. لا عاد موش هنا تزيدها .. اطلع الدروج و اول بيرو على ايدك اليمين .. طلعت فرحان عاد انا و قلت صايي سلكت .. انا مازلت طالع في الدرجة الثالثة و نلقى الصف ماشاء الله واصل للدروج و قدامي 20 واحد .. و البيرو فيه كان مرا وحدة هي اللي تخدم في الخدمة الكل ربي يكون في عونها .. مع العلم انو البيرو فيه 3 مكاتب معناها نورمالمون يبدو فيه 3 موظفين موش وحدة بركة تخدم حوكي و حرايري ..
ايا سلمت امري لربي و قعدت نستنى مع الاوخيان اللي قبلي اللي ليهم ساعة و اكثر و هوما يستنو ..
ستنيت درجين بالحساب و جا نص النهار و نص .. خرجت للا الموظفة الكريمة و قالت توا نص النهار و نص .. وقيت الفطور .. اللي مازالو يرجعو ماضي الساعتين !! و سكرت الباب بالمفتاح و خرجت !! انا الحمد لله قاري شويا قانون متاع الوظيفة العمومية بحكم خدمتي فيها .. اما جامي كان قريت اللي وقت الراحة يبدا من نص النهار و نص في الادارات العمومية !! خاطر هو نورمالمون يبدا من الماضي ساعة للثلاثة .. بون مانظلمش المرا بالكش منقحة فيه القانون حسب ما يساعدها هيا !! الحاصيلو الجماعة كل واحد خزر لصاحبو و تمتمو بشويا كلام و بعض العبارات اللطيفة على تفانيها في العمل و خاصة احترامها للتوقيت الاداري .. و خرجو .
مشيت عملت سندويتش في الاميرة بعد ما قلبي سخف من الجوع من شدان الصف متاع الصف و مبعد عملت دورة في شامبيون و كملت عملت كاس تاي في كاليبسو هضمت بيه الساندويتش مع بعض السجائر المضروبة من نوع عيد الاستقلال ..
جات ماضي الساعتين .. هزيت روحي و رجعت للكنام ..
اااه المرة هاذي خوكم فهم اللعبة .. و ماعادش باش يحصل في شدان الصف متاع الصف كيما الصباح..
المرة هاذي طلعت طول للدروج .. و يا ليتني ما طلعت و يا فرحة ما تمت ..
الصف نلقاه الدوبل متاع الي كان الصباح .. اما المشكل اللي الست الموظفة لتوا ماجاتش .. بالكش تكمل في قازوزة ولا كاس تاي تهضم بيهم بعد عناء يوم طويل و شاق من العمل ..
الحاصيلو من ماضي الساعتين .. ضربتها للاربعة و نص باش جا دوري .. دخلت للست الموظفة و حكيتلها البيعة .. الحق يكثر خيرها تواضعت و سمعتني ووسعت بالها معايا و في الاخر قاتلي : كمل جيبلي مضمون و تصريح على الدخل و شهادة عدم انخراط في cnss و شهادة عدم انخراط في cnrps و كمشة اوراق اوخرين ... و هيا نريقلك امورك ..
بعد ما عديت نهار كامل وانا شاد الصف متاع الصف نزيد نرجع نعمل نهار اوخر كيما هكا !!!
قلتلها تعرفش كيفاش بنية عمي : يخلف ربي في الفليسات و في التعب و شدان الصف متاع الصف و ربي ان شاء الله يعوضني عليهم و السماااااااااااااح كان مازلت نعفس هنا ..
هاني لتوا خوكم طالعلي الدم و السخانة 200 و نحس في روحي بكلي نغلي ..
خليني نمشي نعمل وحيدة فشفاشة efferalgan فماش ما تهفت عليا شويا السخانة ..
ايا ليلتكم زينة
*-*-*-*-*-*-*-*-*-*-*-*-*-*-*-*الكلمة الطيبة كشجرة طيبة*-*-*-*-*-*-*-*-*-*-*-*-*-*-*-*
foued- مشرف
- عدد المساهمات : 8063
العمر : 46
المكان : Lagos .. nigeria
نقاط تحت التجربة : 13427
تاريخ التسجيل : 07/11/2007
رد: حكايتي مع .. الكنام
من طرف Sweet EviL الخميس 9 أبريل - 0:59
rabi yssabrek mafamaa ken la3waj fi hal leblad. mafamech idara te5dem 3la rouha w tahtaram el wa9 wel 9anoun w5ali 3ad min laktaf welm3arif min ghirhom matnajim ta3mil chay
Sweet EviL-
- عدد المساهمات : 1808
العمر : 38
المكان : Paris
المهنه : Ingénieur en micro et nano électronique
نقاط تحت التجربة : 13193
تاريخ التسجيل : 11/08/2007
رد: حكايتي مع .. الكنام
من طرف صقر الجنوب الخميس 9 أبريل - 2:47
قبل كل شئ ان شاء الله لاباس الوالدة يا خويا فؤاد
وانت ان شاء الله اتهونت عليك شوية السخانة
اما بربي اش اتحب تعمل قدام هالعوج هذا
راو الواحد تيترشق من اجنابو قال حمة الجريدي
وانت ان شاء الله اتهونت عليك شوية السخانة
اما بربي اش اتحب تعمل قدام هالعوج هذا
راو الواحد تيترشق من اجنابو قال حمة الجريدي
*-*-*-*-*-*-*-*-*-*-*-*-*-*-*-*الكلمة الطيبة كشجرة طيبة*-*-*-*-*-*-*-*-*-*-*-*-*-*-*-*
صقر الجنوب-
- عدد المساهمات : 3454
العمر : 56
المكان : اولاد شريط
المهنه : موظف
نقاط تحت التجربة : 14965
تاريخ التسجيل : 13/02/2008
Rosa-
- عدد المساهمات : 587
المكان : el guettar
المهنه : mazelt na9ra
الهوايه : ennoum et net
نقاط تحت التجربة : 12938
تاريخ التسجيل : 25/05/2007
رد: حكايتي مع .. الكنام
من طرف أنين الصمت الخميس 9 أبريل - 11:47
يا سيدي اللطف عليكم من السخانة الناس الكل
هذاكا الحال أش بش نعملوا
مالا كان نحكيلكم على حكايتي معى التيليكوم في جرت الأديياسال المحنون أش تقولوا؟؟؟؟
هذاكا الحال أش بش نعملوا
مالا كان نحكيلكم على حكايتي معى التيليكوم في جرت الأديياسال المحنون أش تقولوا؟؟؟؟
*-*-*-*-*-*-*-*-*-*-*-*-*-*-*-*الكلمة الطيبة كشجرة طيبة*-*-*-*-*-*-*-*-*-*-*-*-*-*-*-*
... كن كالنخيل عن الأحقاد مرتفعا * يرمى بصخر فيلقي أطيب الثمر ...
أنين الصمت-
- عدد المساهمات : 1248
العمر : 39
المكان : الجبال الصلدة
المهنه : بطالة مؤقتة
الهوايه : الصمت
نقاط تحت التجربة : 12341
تاريخ التسجيل : 26/12/2008
رد: حكايتي مع .. الكنام
من طرف foued الخميس 9 أبريل - 15:49
تليلي عميد كتب:قبل كل شئ ان شاء الله لاباس الوالدة يا خويا فؤاد
وانت ان شاء الله اتهونت عليك شوية السخانة
اما بربي اش اتحب تعمل قدام هالعوج هذا
راو الواحد تيترشق من اجنابو قال حمة الجريدي
الله يخليك يا تليلي يا خويا ..
و الله كان كثرو بالعوج راهو
تلقاه يخدم في ادارة تقولش عليه شد رئيس جمهورية
و الله كان كثرو بالعوج راهو
تلقاه يخدم في ادارة تقولش عليه شد رئيس جمهورية
عدل سابقا من قبل foued في الخميس 9 أبريل - 15:55 عدل 1 مرات
*-*-*-*-*-*-*-*-*-*-*-*-*-*-*-*الكلمة الطيبة كشجرة طيبة*-*-*-*-*-*-*-*-*-*-*-*-*-*-*-*
foued- مشرف
- عدد المساهمات : 8063
العمر : 46
المكان : Lagos .. nigeria
نقاط تحت التجربة : 13427
تاريخ التسجيل : 07/11/2007
رد: حكايتي مع .. الكنام
من طرف HP الخميس 9 أبريل - 15:51
ربي يخلليلك الوالدة سي فؤاد
وهاذيكة هي ادارتنا الله غالب
وهاذيكة هي ادارتنا الله غالب
HP-
- عدد المساهمات : 235
العمر : 50
نقاط تحت التجربة : 11746
تاريخ التسجيل : 03/03/2009
رد: حكايتي مع .. الكنام
من طرف foued الخميس 9 أبريل - 15:53
Rosa كتب:tal3etli eskhana wena na9ra fi klamek .
enchalla labess ya rosa, 3lik b fachfacha enti zada rahi bahiya w thaffet ess5ana
*-*-*-*-*-*-*-*-*-*-*-*-*-*-*-*الكلمة الطيبة كشجرة طيبة*-*-*-*-*-*-*-*-*-*-*-*-*-*-*-*
foued- مشرف
- عدد المساهمات : 8063
العمر : 46
المكان : Lagos .. nigeria
نقاط تحت التجربة : 13427
تاريخ التسجيل : 07/11/2007
رد: حكايتي مع .. الكنام
من طرف foued الخميس 9 أبريل - 16:07
لا موش هاذاكا الحال ..أنين الصمت كتب:يا سيدي اللطف عليكم من السخانة الناس الكل
هذاكا الحال أش بش نعملوا
العملية ساهلة برشة ..
اش كان فيها كان يزيدو مكتب استقبال في l'entrée كيما صاير في اغلبية الادارات الاخرى اللي عندها علاقة مباشرة مع المواطن .. يقوم بتوجيه المواطن و يرد على استفساراتو من غير لا تبقى تتمرمد في شدان الصف و تضيع وقتك و في الاخر يقلك هام ناقصين الاوراق !!!
كان جا فما مكتب استقبال كنت نجم من الباب نسأل العون و نقلو اشنوما الاوراق الازمة .. يقلي عليهم .. نحضرهم و نجي ..
على الاقل في عوض مايخسر الواحد نهارين و يضيع وقتو و يتمرمد فيهم .. يخلفله ربي و تجيه تمرميدة نهير بركة .
هيا احكيلنا كلنا اذان صاغيةأنين الصمت كتب:مالا كان نحكيلكم على حكايتي معى التيليكوم في جرت الأديياسال المحنون أش تقولوا؟؟؟؟
*-*-*-*-*-*-*-*-*-*-*-*-*-*-*-*الكلمة الطيبة كشجرة طيبة*-*-*-*-*-*-*-*-*-*-*-*-*-*-*-*
foued- مشرف
- عدد المساهمات : 8063
العمر : 46
المكان : Lagos .. nigeria
نقاط تحت التجربة : 13427
تاريخ التسجيل : 07/11/2007
رد: حكايتي مع .. الكنام
من طرف foued الخميس 9 أبريل - 16:09
يعيشك يا خويا و ربي يبارك فيكHP كتب:ربي يخلليلك الوالدة سي فؤاد
وهاذيكة هي ادارتنا الله غالب
*-*-*-*-*-*-*-*-*-*-*-*-*-*-*-*الكلمة الطيبة كشجرة طيبة*-*-*-*-*-*-*-*-*-*-*-*-*-*-*-*
foued- مشرف
- عدد المساهمات : 8063
العمر : 46
المكان : Lagos .. nigeria
نقاط تحت التجربة : 13427
تاريخ التسجيل : 07/11/2007
رد: حكايتي مع .. الكنام
من طرف AMAL MASMOUDI الخميس 9 أبريل - 16:47
والله يا فؤاد وخي كثر الهم يضحك..!!
اذا احنا 10 ملاين واداراتنا هكا ..مالا اش عاملين الوخيان في مصرب90 مليون..؟ !!
اذا احنا 10 ملاين واداراتنا هكا ..مالا اش عاملين الوخيان في مصرب90 مليون..؟ !!
*-*-*-*-*-*-*-*-*-*-*-*-*-*-*-*الكلمة الطيبة كشجرة طيبة*-*-*-*-*-*-*-*-*-*-*-*-*-*-*-*
AMAL MASMOUDI-
- عدد المساهمات : 3540
العمر : 45
المكان : قفصة
الهوايه : النت
نقاط تحت التجربة : 16129
تاريخ التسجيل : 21/02/2008
رد: حكايتي مع .. الكنام
من طرف العنيد الخميس 9 أبريل - 17:28
أهلا بالأخ العزيز فؤاد
ربي يعطيك رضاء والديك ويفضلهملك
ربي يعطيك رضاء والديك ويفضلهملك
*-*-*-*-*-*-*-*-*-*-*-*-*-*-*-*الكلمة الطيبة كشجرة طيبة*-*-*-*-*-*-*-*-*-*-*-*-*-*-*-*
العنيد-
- عدد المساهمات : 5434
العمر : 62
المكان : sousse
المهنه : Fonctionnaire
الهوايه : صدقا لا أعلم
نقاط تحت التجربة : 16553
تاريخ التسجيل : 26/03/2008
رد: حكايتي مع .. الكنام
من طرف soujoud الخميس 9 أبريل - 17:41
ربي يشفيلك الوالدة يا فؤاد اما
ماتظلمش الموظفين حتى هم مساكين مظلومين
هاك شفت 3موظفين يخدموا في 100واحد
بصراحة غلطت الدولة حقها تعمل فرع اخر
اما يا فؤاد لو كان جيت بحذايا وراس خويا راك في درج قضيت قضيتك وروحت وراك ارتحت من السكر والاعصاب والسخانة ..
ماتظلمش الموظفين حتى هم مساكين مظلومين
هاك شفت 3موظفين يخدموا في 100واحد
بصراحة غلطت الدولة حقها تعمل فرع اخر
اما يا فؤاد لو كان جيت بحذايا وراس خويا راك في درج قضيت قضيتك وروحت وراك ارتحت من السكر والاعصاب والسخانة ..
soujoud-
- عدد المساهمات : 1768
العمر : 47
المكان : حي النور
نقاط تحت التجربة : 12739
تاريخ التسجيل : 07/12/2007
رد: حكايتي مع .. الكنام
من طرف foued الخميس 9 أبريل - 17:57
اهلا بالاخ العنيدالعنيد كتب:أهلا بالأخ العزيز فؤاد
ربي يعطيك رضاء والديك ويفضلهملك
شكرا على الزيارة و ربي يفضلك
*-*-*-*-*-*-*-*-*-*-*-*-*-*-*-*الكلمة الطيبة كشجرة طيبة*-*-*-*-*-*-*-*-*-*-*-*-*-*-*-*
foued- مشرف
- عدد المساهمات : 8063
العمر : 46
المكان : Lagos .. nigeria
نقاط تحت التجربة : 13427
تاريخ التسجيل : 07/11/2007
رد: حكايتي مع .. الكنام
من طرف foued الخميس 9 أبريل - 18:02
يعيشك اخت سجودsoujoud كتب:ربي يشفيلك الوالدة يا فؤاد اما
ماتظلمش الموظفين حتى هم مساكين مظلومين
هاك شفت 3موظفين يخدموا في 100واحد
بصراحة غلطت الدولة حقها تعمل فرع اخر
اما يا فؤاد لو كان جيت بحذايا وراس خويا راك في درج قضيت قضيتك وروحت وراك ارتحت من السكر والاعصاب والسخانة ..
بالنسبة للموظفين نعرف اللي هوما شويا ثلاثة في المكتب هاذاكا .. اما المشكل انك ماتلقاهمش كي تلقى واحد يتسمى باهي ..
معناها لا يزي ثلاثة موظفين شويا و مايكفوش و زيد ماتلقاهمش ..
على العموم شكرا على الدعوة .. اما بيني و بينك اكيد باش نجيك خاطر مازلت ناوي على التمرميد ههه
*-*-*-*-*-*-*-*-*-*-*-*-*-*-*-*الكلمة الطيبة كشجرة طيبة*-*-*-*-*-*-*-*-*-*-*-*-*-*-*-*
foued- مشرف
- عدد المساهمات : 8063
العمر : 46
المكان : Lagos .. nigeria
نقاط تحت التجربة : 13427
تاريخ التسجيل : 07/11/2007
رد: حكايتي مع .. الكنام
من طرف soujoud الخميس 9 أبريل - 19:02
[quote="foued"]
مرحبا بيك اما نعودك المرة الجاية ماتروح كان لباس عليكsoujoud كتب:
quote]
يعيشك اخت سجود
بالنسبة للموظفين نعرف اللي هوما شويا ثلاثة في المكتب هاذاكا .. اما المشكل انك ماتلقاهمش كي تلقى واحد يتسمى باهي ..
معناها لا يزي ثلاثة موظفين شويا و مايكفوش و زيد ماتلقاهمش ..
على العموم شكرا على الدعوة .. اما بيني و بينك اكيد باش نجيك خاطر مازلت ناوي على التمرميد ههه
soujoud-
- عدد المساهمات : 1768
العمر : 47
المكان : حي النور
نقاط تحت التجربة : 12739
تاريخ التسجيل : 07/12/2007
رد: حكايتي مع .. الكنام
من طرف أحمد نصيب الخميس 9 أبريل - 20:38
- الكود:
[b]يا خويا الباهي خوذ مني نصيحة : سهلها تسهال وصعبها تصعاب . الحل الامثل والله العظيم ومجرب هو صلاة الفجر جماعة وفي المسجد واتفكر خوك .
قال رسول الله صلى الله عليه وسلم : من صلى الصبح في جماعة فهو في ذمة الله .
وربي يصبرك .[/b]
أحمد نصيب-
- عدد المساهمات : 9959
العمر : 66
المكان : أم المدائن قفصة
المهنه : طالب علم
الهوايه : المطالعة فحسب
نقاط تحت التجربة : 24471
تاريخ التسجيل : 05/08/2007
رد: حكايتي مع .. الكنام
من طرف foued الخميس 9 أبريل - 23:44
soujoud كتب:مرحبا بيك اما نعودك المرة الجاية ماتروح كان لباس عليكfoued كتب:يعيشك اخت سجود
بالنسبة للموظفين نعرف اللي هوما شويا ثلاثة في المكتب هاذاكا .. اما المشكل انك ماتلقاهمش كي تلقى واحد يتسمى باهي ..
معناها لا يزي ثلاثة موظفين شويا و مايكفوش و زيد ماتلقاهمش ..
على العموم شكرا على الدعوة .. اما بيني و بينك اكيد باش نجيك خاطر مازلت ناوي على التمرميد ههه
ماتقوليش جماعة الكنام عاملين مكتب استقبال عندك انت يا سجود ؟؟ 
*-*-*-*-*-*-*-*-*-*-*-*-*-*-*-*الكلمة الطيبة كشجرة طيبة*-*-*-*-*-*-*-*-*-*-*-*-*-*-*-*
foued- مشرف
- عدد المساهمات : 8063
العمر : 46
المكان : Lagos .. nigeria
نقاط تحت التجربة : 13427
تاريخ التسجيل : 07/11/2007
رد: حكايتي مع .. الكنام
من طرف foued الخميس 9 أبريل - 23:52
abouhayder كتب:
- الكود:
[b]يا خويا الباهي خوذ مني نصيحة : سهلها تسهال وصعبها تصعاب . الحل الامثل والله العظيم ومجرب هو صلاة الفجر جماعة وفي المسجد واتفكر خوك .
قال رسول الله صلى الله عليه وسلم : من صلى الصبح في جماعة فهو في ذمة الله .
وربي يصبرك .[/b]
صدقني اخ ابو حيدر هاذيكا المشكلة الوحيدة اللي باقي نعاني فيها و لتوا مالقيتلهاش حل ..
مشكلتي نسهر برشة في الليل و الصباح نقوم بالسيف في 7h00 و نولي وقتها نصلي الصبح و الفجر
بارك الله فيك على النصيحة و تو نحاول نبذل جهدي و نعود نقوم نصلي الفجر حاضر على الاقل حتى نهار اللي تبدا عندي فيه قضيات في الادارات فماش ما ينقص علينا التمرميد
مشكلتي نسهر برشة في الليل و الصباح نقوم بالسيف في 7h00 و نولي وقتها نصلي الصبح و الفجر
بارك الله فيك على النصيحة و تو نحاول نبذل جهدي و نعود نقوم نصلي الفجر حاضر على الاقل حتى نهار اللي تبدا عندي فيه قضيات في الادارات فماش ما ينقص علينا التمرميد
*-*-*-*-*-*-*-*-*-*-*-*-*-*-*-*الكلمة الطيبة كشجرة طيبة*-*-*-*-*-*-*-*-*-*-*-*-*-*-*-*
foued- مشرف
- عدد المساهمات : 8063
العمر : 46
المكان : Lagos .. nigeria
نقاط تحت التجربة : 13427
تاريخ التسجيل : 07/11/2007
رد: حكايتي مع .. الكنام
من طرف foued الجمعة 10 أبريل - 0:03
AMAL MASMOUDI كتب:والله يا فؤاد وخي كثر الهم يضحك..!!
اذا احنا 10 ملاين واداراتنا هكا ..مالا اش عاملين الوخيان في مصرب90 مليون..؟ !!
ريتي بالله اخت امال!!!! كان يلمونا الكل تو مانجوش في قهوة من قهاوي الصين ..
اما اش تحب تعمل .. هذا هو اللي قولولو التنظيم المحكم
و بالنسبة للوخيان اللي في مصر هانم معدين حياتهم في الطابور
الطابور شغال
اما اش تحب تعمل .. هذا هو اللي قولولو التنظيم المحكم
و بالنسبة للوخيان اللي في مصر هانم معدين حياتهم في الطابور
الطابور شغال
*-*-*-*-*-*-*-*-*-*-*-*-*-*-*-*الكلمة الطيبة كشجرة طيبة*-*-*-*-*-*-*-*-*-*-*-*-*-*-*-*
foued- مشرف
- عدد المساهمات : 8063
العمر : 46
المكان : Lagos .. nigeria
نقاط تحت التجربة : 13427
تاريخ التسجيل : 07/11/2007
رد: حكايتي مع .. الكنام
من طرف piratos الجمعة 10 أبريل - 3:13
الحاصيلو زايد معاك سى فؤاد يا صاحبى
أما عتدك روح فذلكة من الطراز الرفيع
أولا ربى يخليلك الوالدة وبفضلهالك وراهى هاذيكا زينة الحياة الدنيا
ثانيا قالك يا سيدى فى نطاق تيسير الخدمات للمواطن وتقنينها وتقريبها اليه
تم بعث مراكز جهوية
يعنى الإدارة تأتى إليك سى فؤاد وليس العكس آش عتدك ما تقول ؟؟؟؟
وبادىء ذى بدأ إعتماد مراكز نموذجية تعنى بالخدمات السريعة والمنظمة
فأنت لا تنكر المكاتب كيف تغيرت شاكلتها وأجهزة التهوئة والتدفئة و.....
confort ..يعنى
لكن هل ألتمست هذا ..؟؟؟ لا وألف لا
إذا ما المشكل أين يكمن الداء يا سى فؤاد يا معلم
الداء يكمن فى الدواء
ومتى إنقرض الدواء
يتفشى الداء
وهكذا نبقى فى دائرة مربعة بل مستطيلة بل قل مثلثة
أى توا فهمتش حاجة سى فؤاد
أبتسم فإنك فى دولة عربية
فهمانى والا مو فهمان
piratos-
- عدد المساهمات : 1000
العمر : 49
المكان : tunis
المهنه : fonctionnaire
الهوايه : internet,films,sport,jeux d' echec
نقاط تحت التجربة : 12950
تاريخ التسجيل : 25/06/2007 -
رد: حكايتي مع .. الكنام
من طرف foued الجمعة 10 أبريل - 8:45
piratos كتب:
ثانيا قالك يا سيدى فى نطاق تيسير الخدمات للمواطن وتقنينها وتقريبها اليه
تم بعث مراكز جهوية
يعنى الإدارة تأتى إليك سى فؤاد وليس العكس آش عتدك ما تقول ؟؟؟؟
صباح الفل يا بيراتوس يا صاحبي
عجبتني برشة حكاية تيسير الخدمات للمواطن وتقريبها اليه .. اما ظاهرلي الحكاية هاذي مقترح تنفيذها في المخطط القادم ان شاء الله هي و الطريق السيارة متاع قفصة ..
و ماتقليش زادا اللي حكاية تيسير الخدمات للمواطن وتقريبها اليه باش تكون في محاولة لتركيز الا مركزية و القضاء على المركزية
عجبتني برشة حكاية تيسير الخدمات للمواطن وتقريبها اليه .. اما ظاهرلي الحكاية هاذي مقترح تنفيذها في المخطط القادم ان شاء الله هي و الطريق السيارة متاع قفصة ..
و ماتقليش زادا اللي حكاية تيسير الخدمات للمواطن وتقريبها اليه باش تكون في محاولة لتركيز الا مركزية و القضاء على المركزية
*-*-*-*-*-*-*-*-*-*-*-*-*-*-*-*الكلمة الطيبة كشجرة طيبة*-*-*-*-*-*-*-*-*-*-*-*-*-*-*-*
foued- مشرف
- عدد المساهمات : 8063
العمر : 46
المكان : Lagos .. nigeria
نقاط تحت التجربة : 13427
تاريخ التسجيل : 07/11/2007
رد: حكايتي مع .. الكنام
من طرف soujoud الجمعة 10 أبريل - 11:56
يزي عاد ماتنشرش الخبر عند العباد الكل .تراصليش الصف الكل قدام المكتبةfoued كتب:soujoud كتب:مرحبا بيك اما نعودك المرة الجاية ماتروح كان لباس عليكfoued كتب:يعيشك اخت سجودماتقوليش جماعة الكنام عاملين مكتب استقبال عندك انت يا سجود ؟؟
soujoud-
- عدد المساهمات : 1768
العمر : 47
المكان : حي النور
نقاط تحت التجربة : 12739
تاريخ التسجيل : 07/12/2007
رد: حكايتي مع .. الكنام
من طرف 3ajej الثلاثاء 14 أبريل - 15:06
صندوق التأمين عن المرض
المتسبب الأول في المرض
واحد من ناس مشيت لاباس
باش نأخذ الكرني متاعي
روحت مريض
قلتلهم هذا هاو المرض بيدو
3ajej-
- عدد المساهمات : 251
العمر : 49
المكان : gafsa
نقاط تحت التجربة : 12085
تاريخ التسجيل : 29/07/2008
رد: حكايتي مع .. الكنام
من طرف foued الثلاثاء 14 أبريل - 17:13
3ajej كتب:
صندوق التأمين عن المرض
المتسبب الأول في المرض
واحد من ناس مشيت لاباس
باش نأخذ الكرني متاعي
روحت مريض
قلتلهم هذا هاو المرض بيدو
و كان انت جيت فاهم اللعبة من الاول..
و اتصلت بالاخت سجود ..
راهي امورك اتقضت ..
و راك روحت لاباس عليك فرحان تطنطن
و اتصلت بالاخت سجود ..
راهي امورك اتقضت ..
و راك روحت لاباس عليك فرحان تطنطن
*-*-*-*-*-*-*-*-*-*-*-*-*-*-*-*الكلمة الطيبة كشجرة طيبة*-*-*-*-*-*-*-*-*-*-*-*-*-*-*-*
foued- مشرف
- عدد المساهمات : 8063
العمر : 46
المكان : Lagos .. nigeria
نقاط تحت التجربة : 13427
تاريخ التسجيل : 07/11/2007
صفحة 1 من اصل 2 • 1, 2
صفحة 1 من اصل 2
صلاحيات هذا المنتدى:
لاتستطيع الرد على المواضيع في هذا المنتدى