الحقيقة المرعبة للقروض البنكية

تذكير بمساهمة فاتح الموضوع :

سوفنتطرق هذه المرة لمسألة القروض البنكية وقد اخترت هذا التقرير من احد الصحف التونسية :
..... الجولة التي قادتنا بين فروع البنوك المشاركة في الصالون جعلتنا نقف على عدة حقائق أولها تقارب نسب الفوائض بين مختلف البنوك التجارية الخاصة إذ تتراوح الفوائض بين نسبة الفائدة القارة مع ما يضيفه كل بنك من فوائض خاصة وهي بعملية حسابية (4,5 أو 5،3 TMM +) وهنا نتحدث عن القرض السكني المباشر، وبحسب أحد البنوك التجارية فإن حريفا يحصل على أجر شهري في حدود 750 دينارا وهو أجر يعتبر محترما سواء في سلّم الوظيفة العمومية أو في القطاع الخاص يمكنه الحصول على قرض أقصاه 35 ألف دينار ويمكن إرجاعه على فترة تسديد تبلغ 25 سنة وهنا تبرز الحقائق المرعبة عندما تأخذ الفتاة الجميلة الآلة الحاسبة وتنطلق في جمع وطرح الفوائض لتنتهي الى إعلام الحريف بأن عليه أن يسدّد مبلغا جمليا قُدّر بـ 92 ألف دينار وهذا المبلغ إذا قسّمناه على عدد أشهر السنوات الخمس والعشرين، فإن على الحريف مطالب أن يسدّد طوال هذه المدة مبلغ 306 دنانير شهريا، وإذا أردنا التفصيل أكثر فإن على هذا الحريف الراغب في شراء قبر الحياة كما يسمّى أن يسدد شهريا 120 دينارا التي هي أصل القرض، و186 دينارا فوائض ذلك القرض وعلى المواطن البسيط الذي لا يبلغ أجره الشهري ما ذكرناه عن الدخل المتوسط، أن يعي حجم المشاكل والعراقيل التي توضع أمامه عندما يرغب في شراء مسكن، وبإمكان المواطن البسيط أن يعي بسهولة أن حجم الفوائض ليس كما يتحدثون عنه، يتراوح بين 8 و5،9 من حجم القرض، بل هو يصل عند التسديد الى نحو 3 أضعاف مبلغ القرض، وبمعنى آخر إذا حصلت على قرض سكني مدته 25 سنة، فإنه عليك أن تسدّد طوال عشر سنوات القرض الأصلي وتقضّي السنوات الخمس عشرة الاخرى في تسديد فوائض القرض!
الرجاءالالتزام بالمحاور التالية للنقاش
[list][*]

*القرض من الناحية الشرعية
*التأثيرات الاقتصادية
* التاثير الاجتماعي

كتب عجاج :
في هاذي غالط صاحب المقال يا جماعة
والعكس هو الصحيح بمعنى 10 سنوات الأولى تخلص الفائض
ومن بعد تبدأ تخلص القرض الأصلي
وهنا باينة الحكاية و النية الغير صافية للبنوك والنقطة هاذي شخصيا كانت
القشة التي قسمت ظهر البعير
بمعنى في السنوات الأولى طبيعي جدا يكون المقترض غير قادر على تسديد باقي القرض
بما أن المبلغ اللي عندو سدد بيه التمويل الذاتي
بعد 10 سنوات ينجم يجمع مبلغ باهي ويقول خليني نرجع بقية القرض
لكن وقتها يلقى روحو السنوات الماضية قاعد يخلص في الفائض
وتوة لازمو يخلص القرض الأصلي معناها الفوائض تقريبا خلصت
فما الفائدة إذن من تسديد الباقي ماو يخليها على راحتو بالأقساط
بمعنى ما يزيهم الفائض ويزيدو يفرضوه عليك بالسيف باش ياخذوه بالكامل وعلى بكري
باش يبقو يستنو فيك 20 سنة ؟؟
يا ولادي راهو خنار كبير ما يفيق بيه كان المجرب

أرد :
يا عجاج ...
ما كتبته هو ...
عين الصواب ...
وكبد الحقيقة ...
أنا أيضا مجرب
وقد لدغوني ...
الله يلدغهم ...

في ظل عدم قدرة المواطن العادي على شراء منزل اوبناءه والارتفاع المشط للكراء هل هناك بديل للقروض؟؟؟؟؟؟؟؟

hayfa كتب:
يا سي عجاج
الفوائد لا تدفع بالمسبق
و كل عام و عامو
بحيث تنجم في مرحلة ما
تكمل الباقي الكل
و ما تدفعش فوائض السنين المتبقية

عندي الورقة التفصيلية متاع البانكة وإنشالله نحطها هنا وتوة ترى التسوقيط متاعهم
يالله الفوائض تحسب في البداية على المبلغ المقترض بالكامل مثال يحسبولك على 40 مليون
تقريبا تدفع في العام 4.5ملاين وينقصلك مليون فقط (معناها ياخذو 3أرباع ويحسبولك ربع)
يبقى 39 مليون يزيد يحسبولك الفوائض على هذا المبلغ في العام الثاني وهكذا دواليك
وبالطبيعة بعد 10 سنوات ينقص المبلغ وتنقص الفوائض إن لم تكن تقريبا نفذت
توة منطق هذا كيفما تدفع فواض 40 مليون كيفما تدفع فوائض 20 مليون
على فكرة المعاملات في البنوك التونسية تختلف تماما عن البنوك الأخرى بإستثناء بعض الدول العربية اللي تعاني كيفنا

أنا والله كان نلقى كيفاش شهريتي ماتدخلها للبانكة نرضى نشد الصف على الشهرية وتسوقيطهم بالله أشنية الإضافة متاعهم
نظام ؟ ما حاجتناش بالسرقة المنظمة

يا سي عجاج
سامحني معلوماتك ماهيش صحيحة
الفوائد لا تدفع بالمسبق
و كل عام و عامو
مع مبدأ
les interets composés
يعني إذكان الفايض 100/10 . الي ترجعوا العام لول
ما تدفع عليه كان مرة وحدة 10//100
و الي تدفعو في العام الثاني تدفع عليه مرتين 100/10
و هكذا دواليك
الي ترجعو في العام العشرين تدفع عليه 20 مرة 100/10
بحيث تنجم في مرحلة ما
تكمل الباقي الكل من أصل القرض الي خذيته
و ما تدفعش فوائض السنين المتبقية

3ajej كتب:
hayfa كتب:
يا سي عجاج
الفوائد لا تدفع بالمسبق
و كل عام و عامو
بحيث تنجم في مرحلة ما
تكمل الباقي الكل
و ما تدفعش فوائض السنين المتبقية

أنا والله كان نلقى كيفاش شهريتي ماتدخلها للبانكة نرضى نشد الصف على الشهرية وتسوقيطهم بالله أشنية الإضافة متاعهم
نظام ؟ ما حاجتناش بالسرقة المنظمة

حطها في البوسطة اقل تسوقيت من البانكة

hayfa كتب:

الي ترجعو في العام العشرين تدفع عليه 20 مرة 100/10
بحيث تنجم في مرحلة ما
تكمل الباقي الكل من أصل القرض الي خذيته
و ما تدفعش فوائض السنين المتبقية

سامحني نقلك راك غالطة الفوائض تحسب دائما
على 2 ثوابت عدد السنوات و المبلغ المتبقي
أنا عشت الوضعية وهذا السبب فقط جعلني أتراجع
لأني فعلا كنت ناوي بعد مدة معينة نرحع كامل المبلغ
وطالبت في رسالة خاصة للبنك المركزي لإيجاد طريقة حيث تكون الفوائض
مقسمة بنفس الطريقة على كامل المدة لكن بدون جدوى
وكالعادة يقولولولي يا خي أنت خير من الناس
والكلمة هاذي بالذات آش قهرتني
كأني أناقش وحدي في البلاد

3ajej كتب:
hayfa كتب:

الي ترجعو في العام العشرين تدفع عليه 20 مرة 100/10

سامحني نقلك راك غالطة الفوائض تحسب دائما
على 2 ثوابت عدد السنوات و المبلغ المتبقي

ما اختلفناش
قلنا نفس الشئ
بطرق مختلفة
إذا اعتبرنا الثوابت الزوز التي تحكي عليهم
فأنك تدفع فائضا على أقساط السنة الأخيرة
يساوي سعر الفائدة المتفق عليه مضروب في 20
أي يجساب مرة على كل سنة

الدعاس كتب:كتب ايهاب :
بصراحة أنا و جماعة طلبة تناقشنا فيه الموضوع هذا أمس بركة

أرد :
وبماذا خرجتم يا شباب ؟؟؟

كيف ما دخلنا كيف ما خرجنا

3ajej كتب:
الدعاس كتب:كتب ايهاب :
بصراحة أنا و جماعة طلبة تناقشنا فيه الموضوع هذا أمس بركة

أرد :
وبماذا خرجتم يا شباب ؟؟؟

يا حسرة منين كانوا الطلبة يتدخلو في القرارات المصيرية في البلاد

ويحتجوا على الظلم ووو
توة الطلبة كل واحد معنق صاحبتو وأيكوتور في وذنو يسمع في الموسيقى وما على بالو بشيء
وزعام كان في الموضة متاع الميوعة
أما يجي نهار ويصطدم بالواقع المرير

نرجو التركيز على الموضوع الأصلي لسنا نناقش أحوال الطلبة
و الشاذ يحفظ و لا يقاس عليه اللي تشوف فيه أنت سي عجاج 20 بالمئة م الطلبة

في هاك السردوك قاعدين نريشو ..
و الله انا زادا قاعد نتناقش فيها انا و خطيبتي الحكاية هذي متاع القروض ها ليامات ..
قاتلي ما يساعدنيش تهز لا قرض و لا والو من منطلق انو القرض ربا دونك حرام ..
قاتلي موش من اول نهار في حياتي الزوجية نفتتحها بالحرام يا ربي لعمال عليك و ننتظرو باش يباركلنا فيها ربي ..
عاد انا حاب نسلكها و عامل فيها نفهم شويا في الامور الدينية خاطر ساعة ساعة نعمل موضوع في المنتدى الاسلامي ..
قلتلها راهو ربي قال الضرورات تبيح المحظورات و الزواج ضرورة بالنسبة ليا انا من منطلق اني نحب نكمل نصف ديني ..
قالتلي لا يا بابا .. مالا قلي حتى الكرهبة ضرورة و البارابول ضرورة و الدار ضرورة !! ( نحكي شرعا موش دنياويا راهو للتوضيح)
قالتلي راهو ربي حصر الضرورات هذي في الحاجات الضرورية التي يؤدي عدم اشباعها الى الموت كيما الاكل و الشرب .. سي تو ..
و زادت بعثتلي ملف بوير بوينت يحكي على نظرة الشرع نحو القروض البنكية ..
و هاني باش نحطه للتحميل و بربي اعملو عليه طلة حتى تحصل الافادة .. و شكرا

تحميل الملف

او هنا

foued كتب:قاتلي موش من اول نهار في حياتي الزوجية نفتتحها بالحرام يا ربي لعمال عليك و ننتظرو باش يباركلنا فيها ربي

عظ عليها بالنواجذ

عاد انا حاب نسلكها و عامل فيها نفهم شويا في الامور الدينية خاطر ساعة ساعة نعمل موضوع في المنتدى الاسلامي ..
قلتلها راهو ربي قال الضرورات تبيح المحظورات و الزواج ضرورة بالنسبة ليا انا من منطلق اني نحب نكمل نصف ديني

قالتلي لا يا بابا .. مالا قلي حتى الكرهبة ضرورة و البارابول ضرورة و الدار ضرورة !! ( نحكي شرعا موش دنياويا راهو للتوضيح)
قالتلي راهو ربي حصر الضرورات هذي في الحاجات الضرورية التي يؤدي عدم اشباعها الى الموت كيما الاكل و الشرب .. سي تو .

كتب فؤاد :
قالتلي راهو ربي حصر الضرورات هذي في الحاجات الضرورية التي يؤدي عدم اشباعها الى الموت كيما الاكل و الشرب .. سي تو ..

أرد:
باهي برشه..
هذاكه علاش الصحاح شايخين ...
ونحن نقول : القناعة كنز لا يفنى ...

كتب الدعاس :
هذاكه علاش الصحاح شايخين ...

أرد:
ماهو فمة شكون يحب يشيخ توا في الدنيا ..
و فما شكون يحب يشيخ مبعد ..
و اللي يحب الليللو ..

الشرع يقول القرض حرام ومشايخ تونس يقولون حلال واهلي أخذوابكلام مشايخ تونس وهزوا زوز قروض واحد للسكن وواحد للدراسة.
اما بخصوص الفائض البنكي رانا ما فهمنا شيء في العقد يكتب نسبة وفي القصاص نسبةاخرى.

الحقيقة المرعبة للقروض البنكية

الحقيقة المرعبة للقروض البنكية

رد: الحقيقة المرعبة للقروض البنكية

رد: الحقيقة المرعبة للقروض البنكية

رد: الحقيقة المرعبة للقروض البنكية

رد: الحقيقة المرعبة للقروض البنكية

رد: الحقيقة المرعبة للقروض البنكية

رد: الحقيقة المرعبة للقروض البنكية

رد: الحقيقة المرعبة للقروض البنكية

رد: الحقيقة المرعبة للقروض البنكية

رد: الحقيقة المرعبة للقروض البنكية

رد: الحقيقة المرعبة للقروض البنكية

رد: الحقيقة المرعبة للقروض البنكية

رد: الحقيقة المرعبة للقروض البنكية

رد: الحقيقة المرعبة للقروض البنكية

رد: الحقيقة المرعبة للقروض البنكية